غيرت 3 قواعد لموتور الماتركس وظهرت رعشة في الموتور بترج العربية
 

السلام عليكم

بعد ما غيرت 3 قواعد لموتور الماتركس
القاعدة الامامية والخلفية والقاعدة اللي فوق الفتيس الاوتوماتيك

ظهرت رعشة غريبة في الموتور وبقة بيرج العربية كلها لو انا مدور وواقف بس لما ادوس سنة بنزين بتروج الرعشة من الموتور

والميكانيكي قلي في قاعدة من الجداد نشفة وشوية مع الاستعمال هتلين وتروح الرعشة
وبقالي اكثر من 3 شهور على الوضع دع والرعشة في الموتور مرحتش

وناس نصحطني اغير القاعدة الناشفة وانا مش عارف انهي واحدة ناشفة وعايزة تتغير

ودلوقتي لما بجي اشغل التكييف بقه في صوت خبط عند الكمبروسر وبيروح برده لما بدوس بنزين

يعني الموتور مبيرعش إلا لما ابقة واقف


ارجو الافادة وشكرا

رد: غيرت 3 قواعد لموتور الماتركس وظهرت رعشة في الموتور بترج العربية
 

فى الغالب النوع الى انت جبته مش كويس حاول تشتريهم الاصلى من التوكيل و تريح دماغك
كان عندى نفس المشكله

رد: غيرت 3 قواعد لموتور الماتركس وظهرت رعشة في الموتور بترج العربية
 

شكرا على سرعة الرد

رد: غيرت 3 قواعد لموتور الماتركس وظهرت رعشة في الموتور بترج العربية
 

اكيد القواعد دي مش اصلي وهو ده السبب
ريح دماغك وهات القواعد الاصلي المشكله باذن الله هتنتهي :fun_36_3_1[1]:

رد: غيرت 3 قواعد لموتور الماتركس وظهرت رعشة في الموتور بترج العربية
 

مشكلتك مش حتخرج برة بلية شداد سير الخدمات
جرب روح للميكانيكي ويفكلك السير من علي الطنابير
ودور العربية لو الرعشة راحت حتكون بلية الشداد لو مارحتش
قول لي واعرض عليك حاجة تانية بس الاكيد من بلية الشداد
وهل الموتور عندك في شداد علوي؟

رد: غيرت 3 قواعد لموتور الماتركس وظهرت رعشة في الموتور بترج العربية
 

السلام عليكم

انا استنيت لما المشكلة اتحلت علشان اكتب الرد

طبعاً بعد ما غيرت القاعدة الأمامية والخلفية مرة تانية بأتنين اصلي الرعشة برضة مرحتش

سلمت امري لله وبطلت ادور على المشكلة

وبعدين جيه ميعاد صيانة المائة الف كيلو اشتريت الحاجة ورحت عند نفس الميكانيكي صحبي وبدأ يفك العمة بتاعة فلتر الهوا علشان يفك سير الكتينة والسيور الثلاثة وبالصدفة راح فاكك القاعدة اليمين اللي تحت عمة الهوا وطلع القاعدة مقطوعة حتتين

وهي دي المشكلة ان القاعدة الرابعة اللي متغيرتش كانت مقطوعة مع العلم ان كل مرة اروحله فيها ولمدة 6 شهور يقولي القاعدة الرابعة سليمة وانا بصيت عليها سليمة

الحمد لله الموتور رجع هادئ ومفيش رعشة في العربية

وبعد ما خلصت الصيانة بيومين رحت غسلت العربية من برة بس وروحت ركنت العربية
وتاني يوم بدور لقيت العربية بتقطع مع اول دوسة بنزين والموتور بيتهز جامد كل ما ادوس بنزين
رحت للميكانيكي تاني لقينا ان في بوجية قطاع علشان دخلت له مايه

قلت له بس انا غسلت العربية من برة بس ومغسلتش الموتور مع العلم ان في مرات انا بغسل الموتور ومبيحصلش كدة

المهم لما فكينا البوجيهات لقينا ان اللي ركب طقم البوجيهات الجديد مركبش الكوتشة صح علشان الكوتشة كانت متنية ومش مقفولة كويس وده اللي خلة الميه تدخل للبوجية وتبوظة

نفخنا الميه بالهو وغيرنا البوجية والموتور رجع هادي تاني ومش بيتنفض جوة العربية

الحمد لله وربنا يهدي الصنيعية ويشتغلوا بزمة علشان كل المشاكل وراها عيب صنيعي مش بيشوف شغلة بضمير وبيستسهل.:Bravo:

رد: غيرت 3 قواعد لموتور الماتركس وظهرت رعشة في الموتور بترج العربية
 

معاك حق و الله معظم العيوب بتطلع عيب صنايعى ما عندوش ضمير