مصر موتورز مجتمع السيارات - مروحة فى العربية و لا بلاش؟؟؟

مصر موتورز مجتمع السيارات (https://www.masrmotors.com/vb/index.php)

- لادا LADA (https://www.masrmotors.com/vb/forumdisplay.php?f=120)

- - مروحة فى العربية و لا بلاش؟؟؟ (https://www.masrmotors.com/vb/showthread.php?t=110779)

zing0

23-03-2013 01:51 PM

مروحة فى العربية و لا بلاش؟؟؟

السلام عليكم
كنت الإسبوع اللى فات فى التوفيقية و لقيت مراوح من إللى بتركب جوة العربية.
المروحة بـ 50 جنية و الراجل قاللى على دخول الصيف هتبقى بـ 60

عاوز أعرف من الناس إللى جربوها, هل فعلاً ليها لازمه و لا زى قلتها؟
يعنى بتعمل تهوية بجد و لا بتطلع هوا سخن من الصهد إللى جوة العربية؟
و أفضل مكان أركبها فيه؟ عالتبلوه و لا فى العربية ورا عند مكان السماعات؟

طبعاً موضوع التكييف فى اللادا و لا ليه لازمه (وجهة نظرى)
و رمضان جاى فى الصيف بإذن الله
ربنا يبلغنا و إياكم شهر رمضان و يغفر لنا فيه.
منتظر ردودكم, جزاكم الله خيراً.

hassanin_lada

23-03-2013 10:57 PM

رد: مروحة فى العربية و لا بلاش؟؟؟

مبدأ هي ب 30

ثانيا السخن هيجيب سخن

هي ممكن تنفع بالليل او في ايام زي كده

لكن مع الحر الشديد مالهاش لزوم

مش هتنفعش تتركب علي تابلو الادا 2107 لانها هتخبط في الازاز

ومن ورا ممكن تركب بس السلك بتاعها هيبقي قصير وهتعوز تتطوله وكمان تعديه من تحت الارضيه عشان المنظر

zing0

26-03-2013 04:29 PM

رد: مروحة فى العربية و لا بلاش؟؟؟

يعنى من الآخر مشروع فااااااااااشل

جزاك الله كل الخير أخى

hassanin_lada

26-03-2013 04:37 PM

رد: مروحة فى العربية و لا بلاش؟؟؟

اقتباس:

المشاركة الأصلية كتبت بواسطة zing0 (المشاركة 864528)

يعنى من الآخر مشروع فااااااااااشل

جزاك الله كل الخير أخى

معلش ياباشا قفلتها في وشك

بس هي اكيد احسن من بلاش

michohat

26-03-2013 05:31 PM

رد: مروحة فى العربية و لا بلاش؟؟؟

ليه متفكرش في التكييف؟
انا معايا 131 وحاليا بفكر اني اركب بس اللي موقفني مش لاقي حد يركب التكييف من غير ما يبوظ شكل العربية بانه يركب هوايات خارجيه و يوصل التحكم على تحكم العربية

zing0

03-04-2013 03:46 PM

رد: مروحة فى العربية و لا بلاش؟؟؟

مش هنكدب على نفسنا
التكييف فى الادا فاشل لأنه محتاج عربية عزلها حلو
و اللادا أكيد عزلها زباله, و تقريباً كل العربيات القديمة إللى بابها لما يتقفل يعمل صوت الخبطه المميز, إنما فى الجديد بتحس أنه معزول تمام بجوان كاوتش.
و طبعاً علشان توصل العربيه القديمة لعزل كويس بحيث ميحملش على التكييف و الموتور هتبقى مهمة صعبه, خاصة و أنها مفتحه على صدر العربية و على الشنطه, ده الطبيعى بتاع العربيات دى.
لذلك أنا مستبعد _ أو مستتقل _ موضوع التكييف ده.

أكيد التجربه نجحت مع ناس كتير قبل كده , بس برضه إجهاد للعربيه و هيا مش ناقصه أصلاً, فيها إللى مكفيها.

Hisham.Elgazzar

03-04-2013 04:40 PM

رد: مروحة فى العربية و لا بلاش؟؟؟

المروحة حل زى الفل أحسن من مفيش :fun_36_3_11[1]:

الساعة الآن 09:04 PM.