|
ميني مقابلة :)
السلام عليكم و رحمة الله و بركاته :THE_PR~18:
أنه في يوم 26 يوليه 2009 تم الاتصال بمسئول الاتصالات داخل جمهورية مصر موتورز أحمد البدوي (الاسم الحركي : سومو) ptmnlo123per181 لمقابلة أحد الأعضاء السريين بالجمهورية ألا و هو محمد كمال (الاسم الحركي bmkbmk) و ذلك بعد الاتصال عدة مرات و تغيير ميعاد اللقاء و يومه (كان المفروض يوم 25) و ذلك إمعانا في تأمين العضو :0155C7~128: اللقاء تم تحديده يعد بدايته ، إزاااااي أحمد باشا كلمني و ياللا بينا ، العبد لله بسذاجة فين؟ أحمد باشا أنا معايا العضو و رايح علي توكيل فيات (أوماترا) طبعا أخدت بعضي جري و طبعا ملقيتش حته أركن فيها ، ركنت صف تاني (جنب الونش) و صليت العشاء و أخدت العربية و اتصلت بعضو الاتصال سومو ptmnlo123per164 و رسيت اننا حنتقابل في نادي المهندسين علي البحر العضوين الكريمين جايين في عربية عادية جدا حتي لا تلفت الأنظار ، زي اللي في الصورة دي http://www.lincah.com/wp-content/upl...le-588x441.jpg جمرك نويبع و طبعا عدوا من بوابة النادي من غير حد مايحس و لا حاجة و أحمد باشا طلعلهم كارنية الحرس الجمهوري (البطاقة الشخصية) ptmnlo123per126 و الحمد لله كنت وراهم بعربية الشاطئ (عربيتي) شبه اللي في الصورة دي http://static1.meowns.com/item/image...1023094558.jpg و اشتبكت مع الحرس و انتصرت :00020080: و دفعت رسوم الدخول كلها 8 جنيه بحالهم :cry2W9: و خليتهم ركنوا و ركبوا معايا لزوم التمويه برضه و مشينا مشافة حاجة كده بتاع 20 متر بحالهم و ركنا عربية الشاطئ و ترجلنا علي الرملة و قعدنا أمام البحر مباشرة ، بينا و بين المياه حوالي 10 سم و كانت ليلة :10FEE3~144: العضو محمد كمال bmkbmk راجل محترم جدا جدا جدا جدا ، و زوق جدا و لحقته في آخر لحظة قبل ما سومو يورطو في عربية فيات ptmnlo123per137 قعدنا حوالي ساعتين جبنا في سيرة الناس اللح حضروا مقابلة مصر و إزاي إني كل مرة باجي في ميعادي و الكل بييجي متأخر ptmnlo123per116 بصراحة كل مرة بقابل ناس في المنتدي ، بحس ان ربنا كاتبلي خير كتير إني اتعرف علي ناس بكل هذا القدر من الهدوء (باستثناء سومو الأكثر هدوءا ptmnlo123per1113) و الأدب و جمال النفس و الطبع اسكندرية نورت بيك يا محمد و للأسف مشينا الساعة 12.30 مساءا لأن محمد بك مسافر مطروح اليوم 27 يوليه ، تروح و تيجي بالسلامة و إن شاء الله نشوفك في ظروف أحسن من كده (أنا قصدي بعيد عن البحر طبعا ptmnlo123per138) شكرا لمسئول التنسيق في جمهورية مصر موتورز ، اللواء الركن المساعد الياي سومو و إلي اللقاء في الحلقة القادمة إن شاء الله ملحوظة مفيش صور !!!!!!!! |
رد: ميني مقابلة :)
ايه ده:(
علي طول كده انا بقالي شهور كل المقابلات الحلوة بتفوتني:( حمد الله علي سلامتك يا استاذ محمد اعتقد انك لسه واصل من السفر :) و دايما في مقابلات حلوة كده ان شاء الله |
رد: ميني مقابلة :)
يا ريتني كنت معاهم !!! نورت اسكندرية يا أ / محمد ،، لما تنزل القاهرة ادس الووو برده لعنصر الاتصال النشط سومو و سيستطيع باشارة من اصبع رجله الصغير انه يجمعنا ان شاء الله |
رد: ميني مقابلة :)
حمد الله على السلامه:HAPPY_~211: |
رد: ميني مقابلة :)
ايه الجمال دا
الواحد فعلا كان نفسه يكون موجود بس يا اسلام باشا هيا الفيات بقت تدبيسه اليومين دول ولا ايهptmnlo123per111 |
رد: ميني مقابلة :)
ياريس و لا نسر مش كده
خلاص تبقي القيات تدبيسة ptmnlo123per184 فادي باشا :HAPPY_~211: ، حبيب قلبي ، الفيات 100-100 لا لا 1000 في ال 100 |
رد: ميني مقابلة :)
السلام عليكم
بجد يا اسلام باشا اسلوبك فى عرض الموضوع جامد جدا جدا و بجد والله انا اللى اتشرفت جدا جدا و اتبسطت بمقابلة حضرتك و انت يا باشا والله اللى من اكثر الناس احتراما اللى قابلتهم فى حياتى و الاستاذ سومو طبعا و انت عارف ان هو من مريديى فيات على حد تعبيره و انا فعلا انبهرت بمعرض فيات و البرافو اللى سومو عاوز يجيبها لان بصراحة فكرتى عن الفيات هى ال 28 و ال 32 و اخر حاجة كانت الاونو و مش قصدى اقول برده انها عربيات وحشة ولا حاجة بس قصدى انى معرفش الفيات بقى عندها كل الموديلا الجديدة دى بس اسلا باشا لفت نظرى ان بتمن البرافو اللى هو 150 الف ممكن اجيب اوكتافيا و فى الحالة دى طبعا مفيش كلام .. يبقى الاوكتافيا احسن و انسب بس طبعا سومو مقتنعش :) و شكرا لجميع الاخوة اللى شاركوا فى الموضوع و كنتاتمنى اشوفكم جميعا والله ... قريبا على خير ان شاء الله |
| الساعة الآن 07:45 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017