سعر byd f0 واسئلة اخرى عنها
 

السلام عليكم
انا اول حاجة عاوز اقولها اني لسه جديد في عالم السيارات الحديثة وعالم منتديات السيارات فياريت محدش يكلمني عني حاجة المفروض اني اكون عارفها كعضو مخضرب انا عربيتي الاخيرة فيات 132 :070104~242:
انا بستفسر بس عن العربية byd f0 لاني على وشك ان اشتريها بعد ان بحثت كتير فنصحيني كثير بتجنب المستعمل

• اول سؤال سعرها الحالي كام كاش ؟
• ثاني سؤال القسط الشهري هيكون كام لو هدفع مثلا 30 الف مقدم ليها

• ممكن تقدير للقسط وليس الرقم تحديدا لكي لا يقول لي احد اسأل في معرض كذا

• ثالث سؤال ايه عيوبها اللي ميعرفهاش الا اللي جربها
• رابع واخر سؤال الصيانة الدورية اللي كل ؟؟؟ كام ألف كيلو مكلفة ولا ايه حوارها

ممكن حد يتكلم باستفاضة شوية لان اخوكو لسه جديد ومش لاقي حد يفهمه

رد: سعر byd f0 واسئلة اخرى عنها
 

هات A113 speranza
منتشره و قطع غيارها متوفره و عيوبها فقط عيوب تقفيل و تتحل في اول صيانه:fun_36_3_11[1]:

رد: سعر byd f0 واسئلة اخرى عنها
 

انا كمان زيك بالظبط وبقالى فترة بلف وادور لحد ما وقعت ادامى الازبيرانزا a113 وسعرها دلوقتى 64000 الف دة طبعا غالى اوى عليها بس هيه تعتبر ارخص الموجود وامكانيتها حلوة واللى معاهم العربيه سالتهم عليها اشتكو من نشوفية العفشه فقط وهيه سيارة جيدة جداااا وانا ناوى عليها ان شاء الله تقسيط وممكن لد دفعت 32000 تستلمها بصورة البطافة من غير اوراق ووجع دماغ لانك دفعت نص تمنها شكرا وبالتوفيق

رد: سعر byd f0 واسئلة اخرى عنها
 

انا كان معايا اسبرانزا a113 وهي عربية حلوة بس انا كنت جايبها زيرو 2009 ب53 الف من التوكيل - بس دلوقتي سعرها غلي اوي وبصراحة نصحتي تكمل وتشتري عربية سيدان هتكون كملية اكتر وواسعة انا بعت عربيتي واشتريت byd f3 لكن ابعد عن f0 ودي نصيحة لوجة الله

رد: سعر byd f0 واسئلة اخرى عنها
 

ليه يبعد عن f0 ودى نصيحة لوجه الله
لانى ناوى اشترى العربية دى
ممكن تقولى انت سوقتها ولا لأ
وان سوقتها قولى بصراحة عيوبها:01AD96~139:

رد: سعر byd f0 واسئلة اخرى عنها
 

بسم الله الرحمن الرحيم
اخى العزيز انا كمان كنت محتار جدا زيك بالظبط
لكن لما شفت العربية دى وامكانياتها قررت اشتريها
والحمد لله وبتوفيقه اشتريت العربية BYD F0 2013
واحب اقولك اولا ان سعرها فى شركة الامل اللى هى توكيل BYD 56 الف جنيه
ولما جربتها وسقتها لاقيت سواقتها ناعمة جدا ومتحسيش بالطرق المكسرة ولا المطبات لان عفشتها جميلة جدا وناعمة برضه
اما بالنسبة للسؤال الثانى انا مقدرش اقولك نظام القسط ايه لانى معرفش والله اعلم انت حاول تسأل كذا مكان بيقسك وشوف ايه الانسب ليك
اما بالنسبة للسؤال الثالث احب اقولك انى لسة مستلمها امبارح من المعرض وكانت عاملة 97 كيلو
يعنى لسه ماظهرش عيوب عليها وربنا يحفظهالى يا رب
وارجو انى اكون افدتك
واخيرا توجه الى الله بصلاة استخارة وربنا يوفقك :fun_36_3_1[1]: