ان شاء الله هشتري صني جديدة ارجو النصيحة
 

السلام عليكم
انا ان شاء الله ناوي اشتري صني علي اخر الشهر نصيحتكم ايه بالنسبة افضل اماكن الشراء بالاسكندرية وايه الالوان اللي تفضلوها ..... ملاحظة انا بحب اسمع رأيكم وكمان بحب ذوقكم

رد: ان شاء الله هشتري صني جديدة ارجو النصيحة
 

مبدئيا لو هتشترى صنى اشترى الشكل القديم وليس الشكل الجديد
لان القديم أكفأ وأفضل
بالنسبة للاماكن شوف المصرية بتبقى ارخص شوية وان مكنش هات من التوكيل فى الداون تاون
وان شاء الله موفق

رد: ان شاء الله هشتري صني جديدة ارجو النصيحة
 

معلش في الاطالة بس انا مشكلتي كانت مع الشكل القديم اصلاً مكانش عاجبني
ولا انت تقصد فيه مشكلة في الشكل الجديد ممكن تكون عارفها؟؟؟

رد: ان شاء الله هشتري صني جديدة ارجو النصيحة
 

الشكل القديم أكفأ من ناحية الاعتمادية ،و توافر قطع الغيار
اما الشكل الجديد بغض النظر عن الشكل واللى قليل اللى اقتنع بيه قطع غياره موش موجودة اللى فى التوكيل وغالية موووووووووووووت التنين

رد: ان شاء الله هشتري صني جديدة ارجو النصيحة
 

لو راجعت ثمن قطع من المنتدي اعتقد نسبياً كويسة بالنسبة لاسعار برة هي غالية لانها توكيل بس الزيادة عن برة معقولة وبعدين العربية الجديدة المفروض متخرجش برة التوكيل علي الاقل لحد ال10000كم او اكثر

رد: ان شاء الله هشتري صني جديدة ارجو النصيحة
 

انصحك بالشكل القديم افضل في كل حاجه من حيث الشكل موتور وفيتيس ياباني عربيه اعتماديه جدا ثبات رهيب صاجها محمل مقابل عيبين بس وهوه ضيق الكنبه الخلفيه واستهلاك بنزين عالي نسبيا و توافر قطع غيارها بره التوكيل وبالتوفيق ان شاء الله

رد: ان شاء الله هشتري صني جديدة ارجو النصيحة
 

توكل علي الله واشتري الشكل الجديد انا اشترتها من 20 يوم بصراحة ممتازة وتستاهل فلوسها ولو حبيت العربية العربية هتندمج معاك وتحسو انكم فاهمين بعض ونصيحة هات العربية اللي انت مقتنع بيها .وادعي ربنا يباركلك فيها ويملاءها بركة
سوقسوقسوقسوقسوقسوقسوقسوق