|
رأيكم ضروري في سيارة فيرنا 2007 مغيرة موتور
السلام عليكم ورحمة الله وبركاته
من فضلكم عايز رأيكم ضروري في سيارة فيرنا 2007 هاف (باور وتكييف) رشه بره ما عدا السقف فقط انما جوه سليمة دواخل عاملة 124.000 كيلو ولما كشفت عليها الميكانيكي قالي انها مغيرة موتور ومركب لها موتور 1500 بتاع اكسنت مش فيرنا فبرجاء الافادة عن سعرها تقريباً كام وفي اي حاجة بالنسبة لتغيير الموتور ده يعني يعيب العربية في البيع والشراء بعد كده لان دي اول عربية ليا وانا بصراحة موضوع الرش برة وتغيير الماتور قالقني بالرغم انها 2007 فعايز اعرف الرأي علشان اخلص فيها ولا لا وفي حدود كام . وشكراً لحضراتكم علي الإفادة ،،،، وجزاكم الله خير |
رد: عايز رأي حضراتكم ضروري
بص للامانه بلاش منها محدش بيحب يشترى عربيه حديثه مغيره ماتور الا لو سعرها مغرى بجد عشان لما تيجى تبيع متخسرش
|
رد: عايز رأي حضراتكم ضروري
السلام عليكم ورحمه الله وبركاته .
أخى الكريم موتور الاكسنت لا يركب على الفيرنا واذا كانت مغيره موتور فسيكون أفنتا أو فيفا وهو 1500 سى سى ولكنه أقوى من موتور الفيرنا المصرى وذلك عن عده تجارب فلا تقلق من الموتور ولكن هذا لا يمنع ان يقل سعر السياره ولكن ليس بدرجه كبيره لان تغير الموتور لا يعيب السياره |
رد: عايز رأي حضراتكم ضروري
ازاى عاملة 124 الف كيلو وغيرت موتور
هاسيب دماغك تفكر العربية دى كانت بيتعمل فيها اية عشان تغير موتور !!!!!!!!!! وعلى 124 الف اذا كان اصلا العداد مش ملعوب فية |
رد: عايز رأي حضراتكم ضروري
شكراً اخواني علي الردود بس انا قالقني موضوع الموتور ده يتغير بعد 124 الف كيلو لسيارة موديل 2007 وراشة بره كله الا السقف وده اكده اللي كشف عليها بس للامانة الموتور الجديد جيد جداً من وجهة نظر اللي شافها . انا اصلي استخارة واكشف عليها عند حد تاني . السيارة دي معروضة عليا ب 45 الف فمحتاج ايضاً اعرف رأيكم في السعرواخرها كام بالمواصفات دي وهل هي تستاهل ولا لا .
وشكراً علي مجهود سيادتكم وجزاكم الله خير. |
رد: عايز رأي حضراتكم ضروري
كتير جدا طبعا ديه لو مش مغيرة موتور. علي أساس أنها مغيرة موتور و رشه بره و كمان أحد الأعضاء الكرام قال مغيرة موتور بعد 125000؟ ليه كان مشغلها نقل؟ أصلا أحلي حاجة في الفيرنا موتورها و معني انه اتغير بعد المده ديه أن العربية متهانه و حتي لو سخن منه مثلا و قفش عشان كده غيره ده هينزل من سعرها طيعا.
|
رد: رأيكم ضروري في سيارة فيرنا 2007 مغيرة موتور
مين اللى قال لك انها مغيرة موتور
لو صاحب العربية يبقى السعر ده كتير لو الميكانيكى يبقى اتأكد الاول لأن فيه فيرنا بتنزل 1500 - انا عربيتى 2006 و نازلة من المصنع 1500 -- اتأكد الاول من مالك السيارة او من المرور الملف بتاعها اكيد بيكون فيه لو متغير لها موتور او لاء- لأن نفس الموضوع حصل معايا و انا رايح للميكانيكى قالى الموتور ده مش بتاع العربيه لأن معظمهم عنيهم واخده على الموتور الكبير 1600 اللى منتشر و حته رشة بره ممكن تأثر فى السعر شوية يعنى تنزل الف او اتنين بس بأمانه الاسعار كده معقولة بالنسبة للسوق استخير ربنا و توكل على الله |
| الساعة الآن 05:28 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017