مصر موتورز مجتمع السيارات - بقارن بين الجين 2 و الصنى والاكسنت وسيراتو

مصر موتورز مجتمع السيارات (https://www.masrmotors.com/vb/index.php)

- صنى SUNNY (https://www.masrmotors.com/vb/forumdisplay.php?f=205)

- - بقارن بين الجين 2 و الصنى والاكسنت وسيراتو (https://www.masrmotors.com/vb/showthread.php?t=109629)

بقارن بين الجين 2 و الصنى والاكسنت وسيراتو

السلام عليكم
انا معايا لانوس 1 مو 2000 وكنت عايز اغير ومحتار بصراحه لان كل واحد معاه عربيه عمال يشكرلى فيها
انا كنت بقارن بين الجين 2 و الصنى والاكسنت وسيراتو و لانسر بس موديل قديم شويه مثلا 2008 او 2009
كنت عايز رأيكم لانى بصراحه كنت متعود على راحه الانوس من حيث قطع الغيار الرخيصه والمتوفره واى ميكانيكى ممكن يمد ايده فيها والحاجات دى مع العلم انى بجرى كتير وبسافر كتير جدا انا عملت 100000 كيلو فى السنه محتاج عربيه كويسه وبنت حلال وتستحمل وشيك برده

رد: ممكن رأيكم

راى
الـ لانسر

رد: ممكن رأيكم

لانسر من الاخر.

رد: ممكن رأيكم

عربية كويسة وبنت حلال وقطع غيارها وصيانتها عند البقال يبقى حاجة من اتنين
1- هيونداى النترا 2007 - 2008 - 2009 - 2010
2- لانسر بومة

السيراتو اسواء من الاتنين فى العفشه تحديداً وان كانت احدثهم شكلاً
الصنى حلوة وحمارة شغل بس قطع غيار اغلى سنتين وتقفيل مصرى وعفشه ناشفة وكنبة ضيقة
الجين تو عفشه وثبات وموتور ممتازين لكن اكسسوارات وعيوب تقفيل وقطع غيار وصيانة اصعب
الاكسنت لا تقارن بكل دول لانها فئه اقل

رد: ممكن رأيكم

شكرا جدا يا استاذ وائل على الافاده
طب ممكن اعرف الاسعار بتاعه البومه حسب الموديل انا بفكر فى حاجه مانيوال 1300

كنت محتاج اجيبها قسط يعنى اللى يطلع من الانوس وعليه حاجه كمان والباقى يقسط فيه حد ممكن يعمل كده ولا صعب؟
وياريت من الساده الاعضاء يفدونا فى انواع العربيات واسعارها

رد: ممكن رأيكم

هوا بمأن حضرتك بتجري ويتسافر مسافات طويلة .فألافضل ان العربية تكون 1600 سي سي .
الألنترا اوفرا في الصيانة وقطع الغيار زي ماأستاذ وائل قال .بس الثبات بتعها مش كويس .فلو حضرتك مبتعديش 120كم/س . فهي انسب خيار ليك.
- انا بفضل الانسر. عفشة مريحة ,اعتمادية , قطع غيار متوفرة, واسعة , صوتها هادي علي السرعات العالية,مريحة ككل . بس قديمة شوية من حيث التكنولوجيا والكمليات.بس لو حتفكر خليك في الانسر الشارك . لأنها احدث وبتوفر كل المميزات . لو مش حينفع ممكن تجيب البومة اي موديل مش هتفرق.
- الصني : هوا بالنسبة اني مسافرتش بيها غير مرتيين . عيوبها :
عفشة ناشفة , كنبة ضيقة بس علي حسب الكرسيين الاماميين,صوتها عالي بعد 100 ,عزل في سئ ده بخلاف الخامات المصري
المميزات : تكيف جميل جدا في الأداء , سحب وجري مش بيتأثر بأي حاجة ,شنطة واسعة جدا ,توكيل ممتاز,قطع غيار متوفرة,اي ميكانيكي ممكن يعمل فيها اي حاجة بس كعادة الياباني مش بيتحتاج للحاجات دي .
ملاحظة : الكلام ده بالنسبة للصني الشكل القديم , معظم الحاجات ديه اتحلت في الشكل الجديد . يقبلها التأقفيل المصري مقارنة بالانسر.
وربنا يكرمك.

رد: بقارن بين الجين 2 و الصنى والاكسنت وسيراتو

هو على حسب كدة كلام كتير من الاعضاء لانسر هى انسب اختيار
وحسب كلام اعضاء كتير برده ان الجين 2 عربيه رياضيه متخفيه فى زى السيدان
بس هى لانسر الشارك سمعت ان عيوبها كتير وبتهلك بسرعه علشان كده الناس بتفضل البومه اكتر الكلام دة صحيح؟