صنى 2007
 

السلام عليكم
معروض عليا صنى 2007 نبيتى
فابريكا دواخل
عداد تحت ال 100 الف
2 زجاج كهرباء
ex salon
السعر 63000 جم
ياريت الاعضاء يفيدونى لانى المفروض ارد على الراجل بكرة
هل السعر مناسب ؟ وهل الفرق بين الex و الsuper كبير
وايه عيوبها على اساس انى من الاسماعيليه وكمان مش هتعامل مع التوكيل واخبار قطع الغيار و الصيانة اية ؟
معلش الاسئلة كتير بس انا عمرى ماركبت حديث واخرى اتعامل مع 128 هل الصفقه دى كويسة

رد: صنى 2007
 

يا جماعه واحدة واحدة وكمان التعليق يبقى سطرين بالكتير علشان الحق اقرا
تقريبا انا دخلت صحرا قاحلة
ارجو نقل الموضوع لقسم الفيات يمكن حد يفدنى :pty:

رد: صنى 2007
 

متهيقلى كويسة المهم اكشف عليها وحته 2 زجاج كهربة اول مرة اسمع عنها فى الصنى 2007 ومتابع مع حضرتك :fun_36_3_11[1]:

رد: صنى 2007
 

هي تقريبا بتبقي 4 ازاز كهرباء وحضرتك لو دورت شويه هتلاقي صني فبريكه بره وجوه واهم حاجه تكشف عليها في التوكيل هيقلك عل كل حاجه في العربيه وعشان تقييم كمان سعرها احسن وبالتوفيق ان شاء الله

رد: صنى 2007
 

متشكر يا جماعة وانا هاسالة النهاردة واشوف الموضوع اية ومتابع مع حضراتكم:fun_36_3_11[1]:

رد: صنى 2007
 

بص
انا مش عارف الاسعار . بس لازم فعلا تعرف الصيانة كان بيتعامل مع التوكيل . اعرف اي توكيل اتصل بالمركز او روحلهم. اعرف تاريخ العربية من بداية متعملها صيانة . اي المشاكل الي المالك كان بيشتكي منها .
,اعرف مثلا اتغيرهلها ضفيرة كهرباء ولا لأ . وعموما اي حاجة اتغيرت في التوكيل اعرف انها كويسة . لو المالك من هواة الصيانة بره التوكيل فده مش كويس من رأي. لأن انا مهندس الصيانة الي في مركز السبع وراني عربية صني Supersaloon.عمله مشاء الله 160 الف موديل 2007 علي مأعتقد . صحبها من وهي زيرو صياناتها كلها في التوكيل العربية مبيتغيرش غير قطع غيار اساسية وحالة الموتور والجير بوكس ممتازة.
ولو supersalloon يبقي افضل من حيث :
-عمود اتزان في امام العربية بيساعد علي الثبات في المنحنيات وده بيتركب في التوكيل ب 1800 لو هي ex.
-عفشة رياضية . 4 جنوط ممتازين يحسب رأي مهندس التوكيل.
-مسند رأس في الكنبة الخلفية . وده مهم جدا للي بيعد ورا مش بيلاقي حاجة يسند عليها .
-كاسيت فيه usb , شوية ابانوس في الطبلوة والابواب . وشكلهم كويس .
انا لما كنت بشتري قولت فرق سعر علي الفاضي وطلعت غلطان. كان فرق 10000 جنيه.
استخير ربنا ومبروك مقدما واسف للأطالة.SLAM

رد: صنى 2007
 

العفو ياباشا ده حضرتك نورتنى وربنا يبارك فيك وانا عموما هشوفها باذن الله خلال ايام وهكتب تقرير عنها باذن الله تعالى دعواتكم جميعا