|
خصم خاص علي السيارة جيلي امجراند لاعضاء ومتصفحي المنتدي ( 2000)
زادت شهره السيارة الجديده GEELY EMGRAND 7
وارتفعت اسعارها فكانت البدايه 76000 ثم 79000 و حتي 82500 واخيرا 85000 وبناء علي طلب اعضاء المنتدي سيتم عمل خصم خاص علي السعر الرسمي وقيمته 2000 جنيه من السعر الرسمي 85000 ليصبح السعر للاعضاء و المتصفحين 83000 |
رد: خصم خاص علي السيارة جيلي امجراند لاعضاء ومتصفحي المنتدي ( 2000)
:fun_36_3_9[1]::fun_36_3_9[1]::fun_36_3_9[1]:
|
رد: خصم خاص علي السيارة جيلي امجراند لاعضاء ومتصفحي المنتدي ( 2000)
:01F577~130:
|
رد: خصم خاص علي السيارة جيلي امجراند لاعضاء ومتصفحي المنتدي ( 2000)
اقتباس:
طيب ايه رأى حضرتك فى اللينك ده http://www.masrmotors.com/vb/newrepl...reply&p=851219 اقتباس:
اقتباس:
يعنى مش علشان خاطر عيون أعضاء مصر موتورز ؟؟؟ و على فكرة لو حضرتك قلت ده اعلان و اللى عاجبه ينفذ و اللى مش عاجبه يبقى خلاص و الكلام ده احنا هنا ما بنقبلش الكلام ده العربية فى السوق دلوقتى تمنها 83000 ألف جنيه لأى حد فين بقى الخصم الـ 2000 جنيه لأعضاء مصر موتورز المفروض على كلام حضرتك تبقى العربية بـ 81000 ألف جنيه فقط و لا أنا غلطان فى الحساب ؟؟؟؟؟؟؟؟؟؟؟؟ !!!!!!!!!! :fun_36_3_16[1]::fun_36_3_16[1]::fun_36_3_16[1]::fun_36_3_16[1]::fun_36_3_16[1]: |
رد: خصم خاص علي السيارة جيلي امجراند لاعضاء ومتصفحي المنتدي ( 2000)
بجد مش فاهمك يا استاذ مجدى حضرتك ناقل كلام لعضو فى مصر موتورز ويمثل نفس الشركة برضو وموجهه لاعضاء مصر موتورز برضو وده معناة ان فيه اهتمام من التوكيل بالاعضاء وتجاوب معاهم وديه حاجة تستحق التقدير والاحترام واحنا كمجتمع مصر موتورز اشتغلنا سنين علشان نوصل لدة حضرتك بتعاقبهم دلوقتى بانك تخش فى كل موضوع تستفزهم وتضرب كلامهم ببعض ايه الهدف يعنى !!!
دخلت فى موضوع استاذ نادر قولت كلمة بايخة ملهاش اى لازمة وشخصنة بحتة كانت ممكن تحول الموضوع عن مسارة لخناقة وعديتها والراجل مشكوراً فضل يرد عليك بمنتهى الصبر وسعة الصدر وده واجبة اقتباس:
ودخلت فى موضوع استاذ احمد دعبس تقول كلام ملوش اى معنى برضو وتقارن بين الاميجراند زيرو والاوكتافيا والكرولا المستعمل !! حد يقارن زيرو بمستعمل !! وحد يعمل مقارنة رداً على بوست الراجل بيتكلم عن خصم فى سعر عربية انا مش فاهم ايه العلاقة برضو ولا ايه الهدف من اللى بتعملة دة ياريت توضحلنا انا افهم لما يكون توكيل او مركز خدمة داخل يتواصل مع الناس ويقدم عروض الناس تسال للأفادة او تشكرة او تهاجمة لو كان كلامة فيه اسائه او ضرر بالمستهلك لكن الاستفزاز والشخصنة والكتابة بالفونت الاحمر الكبير ده اظن اسلوب لا هيفيد اللى بيشترى ولا اللى بيبع ان مضرش الاتنين وخرج بينا عن المستوى الائق للحوار اللى بنحافظ عليه دائماً فى منتدانا وافهم انك تعمل موضوع منفصل تقول فيه رايك عن اى توكيل او مركز خدمة او حتى ورشة او محل قطع غيار وتقول كل اللى انت عايزة وليه حق الرد زى ما هو متبع دايماً لكن الردود بالكثافة ديه تتبعاً لكل عرض او مشاركة لمسئولى مبيعات شركة بعينها اكيد مش اسلوب برضو وهما لو اشتكو هيبقى عندهم حق وان كانو حتى الان متقبلين دة فياريت تراجع موقفك وتحاول تخلية ايجابى شوية عن كدة :Wkiss5: |
رد: خصم خاص علي السيارة جيلي امجراند لاعضاء ومتصفحي المنتدي ( 2000)
عايز انبهك لحاجة كمان يمكن تكون غايبة عنك وهى ان الاعضاء الثلاثة وغيرهم كتير مش ملزمين يتابعو المنتدى ولا يعلمو الاعضاء باحدث العروض بالعكس اغلبهم بيقوم بدة تطوعاً منه لانة عضو فى المنتدى زى اى عضو وعايز يفيد الناس فى نطاق عملة وخبرتة
ولما بيبقى فيه عرض رسمى بيبقى ليه شروط ونظام وتنسيق تانى موضحينها فى قسم العروض الرسمية حط نفسك انت مكان اى حد منهم لو انت داخل تفيد الناس وتقولهم على عرض ولا خصم ولاقيت الناس داخلة ترد عليك بالعدائيه ديه واحيانا بتجاوز كمان هتقول ولا هتعمل ايه !!! وحط نفسك مكان عموم التوكيلات واصحاب مراكز الخدمة لما تلاقى ان بسبب مناخ حرية التعبير اللى موجود هنا بيستغلة بعض الاعضاء لتشوية وتسفيه اى مجهود للتواصل مع الاعضاء بينما فيه مواقع تانية بتوفرهم امكانية انهم يقولو اللى هما عايزينة والعضو اللى يعترض اياً كان اعتراضة موضوعى واياً كان فى شكل رد او موضوع منفصل بيتطرد ويتهاجم هتروح فين ؟ وتتواصل مع المستهلكين فى انهى مكان ؟ احنا بعد ست سنين الموقع الوحيد اللى فيه عشرات المواضيع والاف المشاركات بتهاجم غبور وغيرة من التوكيلات وفى نفس الوقت تعاون مقبول وتقدير منهم لينا بالرغم من دة علماً بان هيونداى كوريا لما حبت تختار موقع مصرى لحملاتها الاعلانية مختارتش غير مصر موتورز فقط لدة اعتقد ان كل دة مجاش من فراغ ومش هيستمر الا بالنقد الجاد والموضوعى والبناء بمعنى الكلمة علشان كدة بقولك خد الموضوع بمسئولية وجدية اكتر من كدة ومش عايز افكرك لو كنت اقصد من كلامى اسكتك كان ممكن بالسوفت وير وكان ممكن اكلمك بينى وبينك واسايسك والحركات ديه لكن يعلم الله انا مش فارق معايا كلامك بالعكس نفسى يكون انتقادك مفيد ومش مجهود مهدر للمعارضة فى اى حاجة وخلاص وممكن تقول انه اعلان موقف برضو وللجميع حرية الرد والتاييد او الرفض :120105~352: :120105~352: :120105~352: :120105~352: :120105~352: |
رد: خصم خاص علي السيارة جيلي امجراند لاعضاء ومتصفحي المنتدي ( 2000)
السلام عليكم و رحمة الله و بركاته
شوف يا ابو نورا انت عارف انا بحبك و اقدرك قد ايه و عارف كمان ان انا با تقبل منك كل كلامك طالما الكلام هيفيد المنتدى بشكل عام و يعلم الله انى باحترم جدا ً كل الأعضاء و الزملاء فى المنتدى اللى انا شخصيا ً باعتبره بيته الثانى هى كل المشكلة انى بأفكر بصوت عالى شوية و اقسم بالله من قبل ما انت تدخل و تكتب فى المشاركة دى انا بجد حسيت بالندم مش لأنى عملت حاجة غلط بالعكس ! لأنى حسيت انى أحرجت الرجل جامد و قلت طيب ايه المشكلة ما ممكن أوى الرجل ما يكونش اخد باله فعلا ً ان حد تانى أعلن عن الاجتماع اللى نتيجته كانت الخصم لكل العملاء و كنت فعلا ً ناوى أراسلك و أقول لك يا ريت تحذف المشاركة بتاعتى من الموضوع بس يللا الحمد لله قدر الله و ما شاء فعل اقتباس:
اقتباس:
و انا بالأصالة عن نفسى و بالنيابة عن كل أعضاء مصر موتورز المحترمين أتوجه بكل الشكر و التقدير للأعضاء الثلاثة الذين يبذلون جهدا ً عظيما ً فى اثراء منتدانا الجميل بالمعلومات القيمة و العروض المميزة اقتباس:
و على فكرة أنا مش باعارض و خلاص و حضرتك أكتر واحد عارف ده كويس ، حتى لو المرة دى مش فارق معاك كلامى !!! و لو أنا حسيت لحظة انى باعارض و خلاص أو ان انتقادى مش مفيد و مجهود مهدر للمعارضة على أى حاجة و خلاص صدقنى لن أصبر لحظة واحدة أتحمل عناء قراءة أى مشاركة أو حتى ضغطة واحدة منى على الكى بورد و أكيد التقينا فى أكثر من موضوع و كانت تقريبا ً اهتماماتنا و أفكارنا واحدة ، بدليل انى متقبل منك النقد و أنا مرتاح البال مش علشان أنا غلط علشان ده فى مصلحة المنتدى اللى هو أساسا ً معمول علشان نفيد و نستفيد أنا بجد هنا هاقدم المنفعة العامة على أفكارى و قناعتى الشخصية و انت عارف انى ما بحبش حد يزعل منى . :01EDE7~120::01EDE7~120:: 01EDE7~120: |
| الساعة الآن 10:25 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017