استفسارات لصيانة الفيليشيا ؟
 

السلام عليكم
هذة أول مشاركة لي و أود أن أشكر كل السادة الأعضاء على المجهود العظيم و لكم كل الاحترام و التقدير

عايز اعرف فين اقدر اعمل الحاجات دي و اسعارهم مع العلم انا من الاسكندرية وعربيتي فليشيا مو 2000 وش اوكتافيا
1- اربط العفشة
2- انظف الردياتير و اماكن بيع المياة الحمراء
3- اكشف علي زيت الجير بوكس و انظف/ اغير فلتر الهواء و البنزين

وعندي شوية استفسارات معلش حتعبكم معايا
1- نوع زيت الجير بوكس
2- الفرامل:: من يومين كدة و كنت راجع من مشوار كنت ماشي علي 40 او 50 جيت افرمل لقيت الدواسة نشفة اوي و الفرامل ضعيفة الحمد لله محصلش حاجة ركنت علي جنب و قعت ادوس فرامل جامد و اشيل رجلي و ادوس تاني و هكذا حوالي 10 مرات كدة لقيت الفرامل رجعت زي الاول و لغاية دلوقتي عادية ,, السؤال لية الفرامل عملت كدة و صح اللي انا عملتو ولا غلط
3- انا عمري ما نظفت الانجكشن لارم انظفة ولا مش لازم
4- إن شاء الله ناوي اغير كاوتش العربية عاوز اعرف نوع كويس , المقاس تقريباّ 13/165/70

ولكم جزيل الشكر :)

رد: استفسارات لصيانة الفيليشيا ؟
 

بص لو عايز تعمل صيانه سكودا في واحد اسمه ساعد سكودا في الحضره الجديده في شارع الازاله روح هناك و اسئل عليه و قول تبع م\ علي و ان شاء الله يظبط لك الي انت عايزه

رد: استفسارات لصيانة الفيليشيا ؟
 

شكراّ لردك و لمرورك :)
و انتظر الرد علي الاسئلة

رد: استفسارات لصيانة الفيليشيا ؟
 

الفليشيا كربرتير مش انجكشن على حد علمى و كان معاى واحده 95
الفرامل عايزه حد ياخد لك هواء
ده الى اقدر افيدك بيه

رد: استفسارات لصيانة الفيليشيا ؟
 

شكراّ لك مرة اّخري
و الفليشيا كانت كربرتير لغاية سنة 98 أو 99 و بعدين بقت انجكشن

رد: استفسارات لصيانة الفيليشيا ؟
 

الرد في الاقتباس

رد: استفسارات لصيانة الفيليشيا ؟
 

شكراّ لردك الوافي
1- بنزينه اسو اتهدت او بتتجدد و جزء منها بقي مركز خدمة تويوتا
2- قرأت قبل كدة ان منظف الانجكسن بيسبب تاّكل في الخراظيم و يفضل بعديها اغير البوجيهات و فلاتر و زيت ,, الكلام دة صح ولا اي كلام
ومين احسن منظف انجكشن ليكوي مولي أو STP
3- طبعاّ بريدجستون نوع كويس جداّ بس سعرة غالي مافيش كاوتش سعرة في حدود 300~320