ايه احسن عربيه اوبل ب 60 الف
 

ازيكو يا جماعه انا كان معايا جولف 4 موديل 2000 وبعتها عشان قطع غيارها وبسمع ان الاوبل عربيه كويسه بس فى موديلات فيها عيوب فكنت عايز اسأل ايه احسن حاجه اوبل ممكن اركبها بسعر 60 الف ويكون قطع غيارها مش غاليه اوى و متكنش موديل قديم و كنت بفكر فى الكورسا 2005 بس الناس قلتلى بلاش فياريت لو فيه حاجه احسن

رد: ايه احسن عربيه اوبل ب 60 الف
 

رايي المتواضع.. فيكترا 2002-2003 أوتوماتيك 1600 أو 2000 (لا يفضل علشان البنزين و الضريبة و الدعم فيما بعد :cry2W9:) و لا تنظر إلى الكيلومتر المهم الحالة و الكشف في التوكيل

رد: ايه احسن عربيه اوبل ب 60 الف
 

قديمه اوى ياباشا ايه رايك فى الاسترا 2005

رد: ايه احسن عربيه اوبل ب 60 الف
 

ممكن استرا 2005 وممكن كورسا برضو 2005
انا شخصيا معايا الكورسا بقالها 5 سنين وعربيه محترمه لابعد الحدوووود
وعمرها ما قلت بأصلها معايا ابدا وقطع غيارها متوسطة التمن

رد: ايه احسن عربيه اوبل ب 60 الف
 

فيكترا 2003 فبريكة من الاكصدام الى الاكصدام 2000 سي سي اوتو

رد: ايه احسن عربيه اوبل ب 60 الف
 

ياباشمهندس محمد لو سمحت
واحد صاحبى معاه كورسا سيدان 1200 سى سى مانوال وعاوز يركب عليها فتيس اوتوماتيك ، ينفع ولا لأ ؟؟

رد: ايه احسن عربيه اوبل ب 60 الف
 

منت عارف يا استاذ هشام

اللعب والتعديل فى العربيات غير مجدى خصوصا فى العربيات الحديثة وبالاخص فى الالمانى
من راى ان العربية هاتبقى معيوبة وعاوزة ضفيرة جديدة وكنترول ووجع قلب
يبيع ويجيب اوتو ماشى انما تعديل معتقدش

دى الاسبرانزا اما بتتعدل اوتو بمكنة بوما يابانى مش بتنجح والموتور بيبقى عمرة اقصر لاختلاف الوزن
ما بالك دى صينى وجيبين حتة من الشرق وحتة من الغرب
فما بالك بقى بـ الالمانى الرخم اللى مختلف فى كل حاجة عن الرتم بتاع اى عربية

حاسس انها هاتفشل