|
باور الاكسنت RB
السلام عليكم انا دائما لا افضل غسيل السياره في المغاسل وافضل غسيلها بالجردل والفوطه البله امس واحد صاحبي قال لي هتغسلها في المغسله ولما ذهبت قولت بالمره اغسلها كيماوي من الداخل وكان المحل جديد المهم بعد الغسيل العربيه كانت بسم الله ما شاء الله لكني لاحظة ان الزجاج عليه بخار ماء من الداخل فأخبرني انها رطوبه من غسيل الكيماوي وعند الجلوش فوجأت ان البيه غاسلها برغوة صابون وماء منه لله المهم امبارح كانت العربيه ماشيه كويس اليوم في الصبح وجدت الكاسيت فاصل ونور الصالون والحمد لله اشتغلو بعد شويه لكن بعد المشي وجدت لمبة الباور نورت والباور فاصل ركنت العربيه وبعد ساعتان نزلت الباور اشتغل شويه وفصل تاني ونورت اللمبه ياريت تنصحوني اعمل ايه وفين مكان الفيشه الواجب تنشيفها من الماء وهل في ضرر من المشي وهي كده اسف للأطاله والله المستعان |
رد: باور الاكسنت RB
يسر الله امرك لا تقلقك
عليك بإستخدام الهواء المضغوط لتنشيف كل حوض موتور السيارة بالهواء |
رد: باور الاكسنت RB
السلام عليكم اولا اشكر م. محمد فيصل الحمد لله كنت اود ان اعرف مكان الفيش الخاصه بالباور الكهرباء لكي اجففها من الماء ولكني وجدت حل اسهل ذهبت بالعربيه في منطقه الشمس فيها كويسه (في مدينة المنيا الجديده) وفتحت البيبان والكبوت ونقعتها في الشمس والحمد لله الباور رجع ذي الفل لكن ريحة العربيه من الداخل مش كويسه فأحببت ان انقل لكم تجربتي وتوبه لو غسلت السياره في المغسله مره اخري ربنا يخلي الجرد والفوطه البله والله المستعان |
رد: باور الاكسنت RB
طيب سؤال يا باشا لان فيه ناس بتشتغلنى فى حكاية الباور ده ... لما الباور فصل كان الدريكسيون تقيل جدا لدرجة ان تحريكه بصعوبة بالغة
|
رد: باور الاكسنت RB
اقتباس:
السلام عليكم لما فصل الباور كان تقيل كأنك راكب عربيه قديمه من غير باور زي مثلا اللادا القديمه موديل السبعينات او النيفا القديمه والله المستعان |
رد: باور الاكسنت RB
حصل معايا موقف ذي كده من كام يوم في الاوبترا , بس كانت المساحات هي اللي فيها المشكله , كانت بتشتغل لوحدها !!! تركت العربيه في الشمس الشديده في الجراج كام ساعه وبعدها المشكله اتحلت لما الميه نشفت , للأسف ده مساوئ غسيل السياره في المغسله POLICEE
|
رد: باور الاكسنت RB
نفس الموضوع حصل معايا بس فى لمبة فرامل اليد فضلت منورة مش بطفى بعد الغسيل نزلت ابص على زيت الفرامل سليم والتيل تمام لمدة 4 ساعات كدة وبعدها ركنت وسبتها تانى يوم اتظبطت لوحدها الحمد لله وكنت قلقان جدا اليوم دا .....؟
|
| الساعة الآن 04:08 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017