ارجو دخول كل خبراء النوبيرا للاهميه
 

السلام عليكم اريد منكم ارجوكم الافادة بالراى انا معروض عليه عربيه نوبيرا موديل 2008 عامله 45000 فابريكا برة وجوة مافيهاش اى خبطه كل الى فيها تجريح بسيطه جداا وهى مع واحد زميلى فى الشغل وهو طالب فيها 60000 وانا محتار

رد: ارجو دخول كل خبراء النوبيرا للاهميه
 

مانيوال ولا أوتوماتيك؟ ايه ياترى

رد: ارجو دخول كل خبراء النوبيرا للاهميه
 

مانيوال فى ناس بتقولى انها كدة غاليه واخرها 50 وبالعافيه

رد: ارجو دخول كل خبراء النوبيرا للاهميه
 

اعتقد لو وصلت معاه ل 52000 - 54000 يبقي كويس
انا معايا نفس العربية اشتريتها من ست شهور و كانت ساعتها عاملة 52000 كيلو و اشتريتها ب 56000 جنيه و عموما حسب حالة العربية

انصحك دور علي المنتدي و علي كونتاكت كارز و اسأل اصحابك علي احدث ثمن للعربية هتلاقي الرقم ده مناسب لعربية بالمواصفات دي و طبعا حسب حالتها و برده متتسرعش لو في عربية شفتها ممكن تلاقي احسن منها بكرة .. و برده نصيحة ابعد عن اسواق السيارات زي سوق العاشر لو ملكش اوي في فحص العربية عشان مليانين تجار

موفق ان شاء الله

:140109~347:

رد: ارجو دخول كل خبراء النوبيرا للاهميه
 

لو مانيوال و بتاعت صاحبك وواثق فيها و كشفت كويس ممكن تخلص 56,000

لو ليك فيها نصيب ربنا يباركلك إن شاء الله:Bravo:

رد: ارجو دخول كل خبراء النوبيرا للاهميه
 

هو بصراحه قبل غلو سعر العربيات الغير الطبيعي الايام دي يبقي المبلغ ده كتير فعلا واخرها 55000 جنيه
انما بعد الللي بنسمعه الايام دي يبقي السعر ده كويس
واتأكد تاني وشوف الاسعار
وخليك عارف ان السعر ده في نوبيرا فابريكه دواخل وخوارج كامل :140109~347:

رد: ارجو دخول كل خبراء النوبيرا للاهميه
 

لا كده تبقي غاليه هي اخره 55الف ولو حالتها كويسه اوي 57 الف بالكتير