|
صعوبة فى نقل الغيار من الثالث او الثانى الى الاول فى اللانوس 2013
تلاحظ لى عند الاقتراب من مطب اثناء سير العربية وانا على الغيار الثالث وحبيت اخد المطب على الاول مش بتقبل الغيار الا الغيار الثانى فقط فهل سوء قيادة منى انا والطبيعى انى ارجع للتانى ولا اية ياريت تفيدونى اخوانى الكرام. لانى باخاف اعمل حاجة غلط بالفيتيس وحتى من التانى للاول مش بتقبل الا لما تكون العربية متوقفة باطلع على الاول عادى.بالاضافة الى احيانا عند عمل المارشيدير باسمع تكة بالفيتيس فما السبب. مع العلم ان العربية لانوس 2013 عاملة تقريبا 600كم
|
رد: صعوبة فى نقل الغيار من الثالث او الثانى الى الاول فى اللانوس 2013
انا معايا عربية BYD
و بردو نفس مشكلتك بالظبط الاول بيجى بصعوبة جدا لو العربية بتتحرك لكن فى باقى الغيارات عادى |
رد: صعوبة فى نقل الغيار من الثالث او الثانى الى الاول فى اللانوس 2013
تقريبا عادي جدا المفروض الغيار الاول للطلعه الاولي بس وممكن تجيب التاني في المطبات عادي جدا فده طبيعي جدا وفي المطالع العاليه يفضل الوقوف في بدايته وتجيب الاول وتطلع المطلع بيه عشان العزم وربنا يباركلك فيها
|
رد: صعوبة فى نقل الغيار من الثالث او الثانى الى الاول فى اللانوس 2013
اشكر حضراتكم على الاهتمام بالرد وجزيل الشكر
|
رد: صعوبة فى نقل الغيار من الثالث او الثانى الى الاول فى اللانوس 2013
كل غيار له سرعة الغيار الاول من 0-10 فقط
اما تكون سرعتي 30 ورجع الغيار على الاول ماراح يقبل واذا قبل مع الوقت يقطع سير المكينه ودمتم بود...... |
رد: صعوبة فى نقل الغيار من الثالث او الثانى الى الاول فى اللانوس 2013
كل غيارة لها سرعة محددة انا معايا لانوس 2006 بتعمل معايا كدة لان الغيارة الاولى لها سرعة معينة من 0الى 10 ولازم التهدى العربية خالص زى متكون لسة طالع فى حالة السكون لان الغيارة الاولى للتحرك فقط ومفيش خوف منها بس مش تدى الغيارة غصب عنها كل شيى لة مقدار
|
رد: صعوبة فى نقل الغيار من الثالث او الثانى الى الاول فى اللانوس 2013
دا الطبيعي في اللانوس .. مبتنزلش للغيار الأول و هي في حركة أبدا .. ممكن من الثالث للتاني .. لكن لا تحاول النزول من التاني للأول إلا على حركة بطيئة جدا أو توقف كامل للعجل .. لأن الأول لتحريك السيارة فقط .. و كنت سألت عن الموضوع ده .. فأكدوا لي ما قلته لحضراتكم .. وفي أغلب الأحيان اثناء التوقف في الأشارات بطلع على التاني بدون الرجوع للأول .. تحياتي للجميع
|
| الساعة الآن 10:49 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017