عربية مناسبة للطرق و السوق في مصر
 

عايزة أشتري عربية في مصر مناسبة للطرق و السوق:

من فضلكم قيموا العربيات ده و قولوا لي مين الأفضل على السس التالية:

ثبات - كماليات - أوتوماتيك ( يفضل ستيب ترونيك)- سعر - توكيل و صيانة - قطع غيار - قيمة اعادة البيع

و العربيات اللي شفتها و عجباني:

مازدا 3
فورد فوكس
تويوتا كورولا
هوندا سيفيك
لانسر 2008 الشكل الجديد

من فضلكم أقيدوني بسرعة - عايزة أشتري عربية في خلال الاسبوع ده ان شاء الله

رد: ياجماعة أفيدوني
 

اهلا بيك يا Scent فى مصر موتورز

حضرتك كده مسيبتش مجال للمقارنة لان كل اللى حضرتك قولتة ده معناه تويوتا كرولا M-MT 1600cc

خاصة بخصوص قيمة اعادة البيع وقطع الغيار والتوكيل والكماليات

غير كده فى الثبات والقوة تبقى الهوندا سيفيك

وفى السعر شراء واعادة البيع اللانسر الشارك

رد: ياجماعة أفيدوني
 

رد: ياجماعة أفيدوني
 

حانستثني مازدا3 و فورد فوكس لنفس الأسباب اللي قالها بايو

نضع أعلي كماليات لكل الأنواع
بالترتيب 3 أحسن عربية ، 2 وسط ، 1 ضعيف
ثبات: هوندا سبفيك (3)، لانسر (3)، تويوتا (3)
كماليات: هوندا سبفيك (3)، لانسر (3)، تويوتا (3)
سعر : هوندا سبفيك (3)، لانسر (2)، تويوتا (3)
توكيل و صيانه: هوندا سبفيك (2)، لانسر (2)، تويوتا (3)
قطع غيار: هوندا سبفيك (2)، لانسر (2)، تويوتا (3)
قيمة اعادة البيع: هوندا سبفيك (1)، لانسر (2)، تويوتا (2)

إجمالا التويوتا تكسب

بس فيه معامل تاني اعتمادية العربية (كفاءة الزيرو المعروض في السوق المصري)
اعتمادية: هوندا سبفيك (3)، لانسر (2)، تويوتا (2)

و الله أعلم

رد: ياجماعة أفيدوني
 

في البداية أشكركم جميعا على الردود الرائعة، بس أنا عندي شوية ملاحظات و صححوا لي لو سمحتم:

1- ألمازدا 3 تعتبر أكتر امكانيات و كماليات على قد سعرها و في غبور قالوا لي انهم هينزلزها تاني من أول الشهر و هيرجعوا يشتغلوا فيها. و بعدين سونستا بتدي ضمان 3 سنين أو 120000كم و كمان سمارت الناس بتشكرفيهم جدا"

2- الفورد أخدها فكري جروب و عامل مركز كويس قوي في مدينة نصر و سعرها حلو بالنسبة لامكانياتها.

3- اللانسر الجديدة : سمعت انها خفيفة جدا" و مش ثابتة على الطريق و كمان الصف التاني فيها ديق قوي زيها زي التويوتا بس يمكن اللانسر أصغر كمان.

4- التوتوتا الموجودة في مصر متقفلة في جنوب أفريقيا

5- الهوندا لا غبار عليها غير انها واطية قوي ، حد جربها مع المطبات و الشوارع بتاعتنا ده؟

رد: ياجماعة أفيدوني
 

يا باشا لا شكر على واجب بص ميتفهمش من كلامنا ان المازدا 3 وحشة او الفورد وحشة او فكرى جروب وحش
فكرى جروب لسه مكملش سنتين فى السوق ولسه مش معروف هو كويس فعلا ولا لاء وده مش هيبان الا مع عودة الماركة للظهور مرة اخرى وده لسه محصلش لحد دلوقتى

لو قارنت الفورد بالكرولا مثلا هتلاقى اولا موتور الكرولا 1600 142 معاه علبة تروس ستب ترونيك خمس سرعات
الفورد 1600 119 حصان وفتيس ستيب ترونيك 4 سرعات فقط

اما فى ا لكماليات فكرولا تتفوق بوجود
فوج ليت فى كل الموديلات كاعداد قياسى
زينون فى 1600 الاوتوماتيك
طارة مالتى فانكشن جلد مع تحكم صوتى وحتى الفتيس جلد
نظام فتح وغلق النوافذ بضغطة واحدة ونظام منع الاقفال الخاطى
راديو سى دى مع محول اقراص 6 اسطوانات

بالاضافة لمواصفات الامان
ABS ABD BAS

وسائد هوائية امامية وجانبية ولركبة السائق
احزمة امان امامية وخلفية مزودة بمجسات الشد المسبق ووتحديد الحمل
مقعد السائق معدل للصدمات
سنسور الامطار rain sensors

اما بالنسبة للسيفك فمن تجربتى الشخصية للسيفيك 2007 و حتى السيفيك القديم مش متعب مع المطبات ابدا بالعكس من انعم العفشات الى فى العربيات اليابانى اما عن الارتفاع فارتفاعها 154 مم وده مش قليل ومش كبير التريوس مثلا ارتفاعها عن الارض 200 مم يعنى الفرق 5 سم بين اعلى عربية
بالاضافة لان ثبات العربية مش هيتحقق الا لما العربية تكون واطية بقدر الامكان

رد: ياجماعة أفيدوني
 

بعد إذن حضرتك أنا عن تجربة ممكن أقول إن اللانسر مش ضيقة من ورى نهائي