|
فكره حلوه جدااا تخليك متدفعش ولا جنية لصيانات سيارتك نهائيا وتستخدمها استخدام مجانى
السلام عليكم ورحمة الله وبركاته فى يوم كنت ماشى انا وصديق ليا وبنتكلم على العربيات وكدا فكنا بنتكلم على عربيات فى حدود ال 100 الف فقلتله بس بعد كدا هتيجى تصرف على الصيانه وكدا ما ده يعتبر عبىء مادى شوية فبعدين قلتله طيب ايه رائيك انت مثالا بدل ما تشترى سيارة ب 100 الف اشترى واحده ب 70 الف و حط ال 30 الف دوول فى البنك وبالفوائد اللى هتطلع كل ما سيارتك تحتاج صيانات اسحب من الفوائد وصلح بيها حتى لو الفوائد مش هتغطى كل الصيانات فيعتبر على الاقل انت بتدفع اقل من ما كنت هتدفع كل الصيانات وبكده هيعتبر انك بتستخدم سياراتك بدون فلوس نهائيا بتحط بس بنزين وخلاص فبصراحه عجبته الفكره جداااا وعجبتنى انا كمان فقلت اقولكم عليها يمكن تعجبكم انتم كمان ايه رائيكم فى الفكره ديه وياريت نتناقش فيها مع العلم ان فيه حسابات فى البنوك بأمكانك شهريا تسحب الفوائد مش لازم تستنى من السنه للسنه علشان تسحبها |
رد: فكره حلوه جدااا تخليك متدفعش ولا جنية لصيانات سيارتك نهائيا وتستخدمها استخدام مجانى
بس اعتقد ان 30 الف فوئدها هتبقي قليله جدا عشان الالف فايدتها 7 ج لو الفايده شهريه تاني حاجه اسمع ان فوايد البنوك ربا وبرضه الله اعلم انا مش بفتي بس سمعت من كذا شيخ منهم الشيخ محمد حسان
|
رد: فكره حلوه جدااا تخليك متدفعش ولا جنية لصيانات سيارتك نهائيا وتستخدمها استخدام مجانى
بس انا شوفت فتاوى لناس كتير قالوا انك انت لما تروح تديهم الفلوس فده مش ربا لانك انت اللى بتديهالهم ومش بتشترط عليهم ان هما يدوك فايده لان هما اللى بيدووك بس لما تروح تستلف هواللى بيقولك انا هاخد مثالا على كل الف كذا ده اللى اسمه ربا و ممكن تتعامل مع بنك اسلامى اما بالنسبه للفايده فهى سنويا حوالى 10 % يعنى 3000 جنية سنويا مثالا صيناتك لو كل نصف سنويه 1500 او 750 جنية كل ثلاث شهور اعتقد هيغطوا الثمن الاكبر من مبلغ الصيانه ده لو مغتطهوش كله وطبعا الكلام ده لعربيه زيرو اسنهلاكها استهلاك متوسط وتكون حاجه زى اللانوس او BYD او فيرنا بمعنى اصح الحاجات اللى كده كده صياناتها قليلة |
رد: فكره حلوه جدااا تخليك متدفعش ولا جنية لصيانات سيارتك نهائيا وتستخدمها استخدام مجانى
كلام جميل لكن عايز واحد عملي جدا لأن بكل بساطة ممكن واحد يقول ال 30000 دوول هينقلوني نقلة جامدة في العربية اللي هشتريها.
|
رد: فكره حلوه جدااا تخليك متدفعش ولا جنية لصيانات سيارتك نهائيا وتستخدمها استخدام مجانى
اقتباس:
فعلا عند حضرتك حق الموضوع هيبقى عاوز يفكر بطريقة عملية اكتر فمثالا بدل ما يجيب حاجه فى رينج ال 70 يقول لا انا ازود واجيب حاجه جامده ففعلا الطريقه ديه مش هتنفع غير للناس العملية فقط |
رد: فكره حلوه جدااا تخليك متدفعش ولا جنية لصيانات سيارتك نهائيا وتستخدمها استخدام مجانى
من ساعة ما البنوك دخلت فى قروض السيارات تلاحظ ان الدنيا خربت
لا اللى معاة تاكسي بيجبلة فلوس ومستور ولا الملاكى تلاقى عندة رضى وراحة نفسية العربيات مخبطة ومتهانة وبيظهر فيها عيوب ما كناش بنسمع عنها فى العربيات القديمة العربيات والله بقت تبوظ لوحدها عارف لية لان الربا حرام وربنا بشر بحرب من الله ورسولة للى بيتاجر فى الربا مين فينا اد حرب من الله ورسولة والله العظيم لية صديق بيشتغل فى بنك اعرفة من زمان اول ما اشتغل فى الائتمان لما بشوفة بحس ان وشة اتغير ....بحس انة علية غضب من ربنا وكنت فى السوق بالصدفة لقيتة بيبيع عربيتة سلمت علية وبقولة هاتجيب اية غيرها قالى لا انا مزنوق وبفك نفسي بالعربية فعلا حرب محدش يقدر عليها |
رد: فكره حلوه جدااا تخليك متدفعش ولا جنية لصيانات سيارتك نهائيا وتستخدمها استخدام مجانى
اقتباس:
الحمد لله والله علي اخر لحظه في المعرض كنت حجيب قسط والحمد لله ربنا كريم وغيرت رايي في لحظهلقيت اني حجيب العربيه وحعد اصرف عالقسط ولو حصل حاجه للعربيه حبقي بسد قسط واسد تصليح كفاية النفسيه اللي حتبقي زفت يوم مركب العربيه وابقي خايفها تتلمس !! الحمد لله علي نعمة راحة البال |
| الساعة الآن 03:01 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017