مشكله في كمبيوتر السياره شيري A11
 

ارجو من حضراتكم من لديه فكره عن كنترول السياري شيري A11 يفيدني المشكله هي ان لمبه فرامل اليد ولمبه ال ABS بينورو قدامي في الطابلوه وانا ماشي بس هي مش عامله حاجه في كفائه الفرامل بس انا عاوز اعرف هما بينورو ليه مع العلم اني لسه مركب الكنترول ليها جديد مبقلوش 3 شهور .. لو سمحتو الي عندو فكره عن المشكله دي يقولي ولكم جزيل الشكر
أخوكم في الله / أحمد

رد: مشكله في كمبيوتر السياره شيري A11
 

اعمل نضافة لحساسات الـ ABS ولازم تطفى اللمبة على جهاز الاسكانر عشان ممكن يكون مخزن ايرور

رد: مشكله في كمبيوتر السياره شيري A11
 

فعلا لازم تعمل سكان لل ABS
ايه اللى يخليك تشك فى الكنترول ؟ ايه سبب تغيير الكنترول قبل كدا ؟

عامة طالما لمبة الفرامل و لمبة ال abs منورين فى نفس الوقت فلازم تكشف على منظومة الفرامل كاملة و يفضل فى مكان يوجد به امكانية سكان لكود خطأ ال ABS

رد: مشكله في كمبيوتر السياره شيري A11
 

عزيزي

لقد كانت عندي سيارة A15 موديل 2009 وظهرت نفس المشكلة

الحل في راي الشخصي هو

تغيير زيت الفرامل من نوع DOT4 مع تنظيف دورة الفرامل

فحص تيل الفرامل مع حساسات الABS

فحص يد الفرملة اليدوية

تحياتي

سيف

العراق

رد: مشكله في كمبيوتر السياره شيري A11
 

اشكركم جميعا علي هذه الاقتراحات القيمه وسوف اقوم بعملها اليوم ان شاء الله تعالي
بالنسبه لتغييري للكنترول فإنو كان العربيه بتعمل حاجه غريبه جدا لما اسيبها بالليل مركونه وانزل الصبح وانا رايح الشغل ادور مترضاش تدور معايا و اول ما الشمس تطلع وتبدا الدنيا تدفي كده ادور تدور طبعا غلبت عند الصنيعيه وفي الاخر روحت لواحد في صقر وقالي ان الكنترول لازم يتغير وفعلا فيرتو ودلوقتي الحمد لله بفضل الله شغاله كويس

رد: مشكله في كمبيوتر السياره شيري A11
 

طيب سؤال تاني لو سمحتولي بنزين 80 كويس للعربيه دي ولا اخليني في 29 فقط ارجو الرد للافاده

رد: مشكله في كمبيوتر السياره شيري A11
 

لا طبعا بلاش بنزين 80 لأنه بيدمر طرمبة البنزين خليك فى بنزين 92 واكشف على العربية بجهاز كمبيوتر واعمل دورة لفرامل العربية زى ما الاعضاء المحترمين قالولك ولو فى مشكلة ممكن تكلمنا على الرقم دا / 01005527055
المركز الفنى لصيانة وكشف اعطال السيارات. مدينة السلام . امام قصر ثقافة السلام