شرح launch x431 master
 

ياريت يا شباب لو حد عنده اسطوانة تعليمية او حتى شرح وافى لجهاز كشف الاعطال launch x431 master لان لسه جايبه من دبى وبصراحة مش عارف اتعامل معاه خالص

رد: شرح launch x431 master
 

صباح الخير - الجهاز سهل التعامل معاه جداً - ممكن تسأل علي أي حاجة إنت عايزها وأنا أشرحهالك

رد: شرح launch x431 master
 

أنا هنزل شوية لينكات فيديو من اليوتيوب للوظائف الرئيسية للجهاز ولو عايز تعرف أي وظيفة خاصة زي تكويد أو برمجة حاجة إبعتلي وهرد عليك علي طول

http://www.youtube.com/watch?v=WTNMXmwV6H4

http://www.youtube.com/watch?v=vmBfnJtcXFs

http://www.youtube.com/watch?v=W1ZnRIixI4Q

رد: شرح launch x431 master
 

automotive
:286: :286: :286:
الف شكر لحضرتك بس عندى استفسار هو الجهاز ده بيرمج المفاتيح ولا بيطلع pin code بس وياريت ازاى اعرف pin code

رد: شرح launch x431 master
 

للأسف يطلع بين كود ديه صعبه عليه شوية - لكنه بيبرمج مفاتيح بعض الموديلات في الهيونداي والفولكس والميتسوبيشي والنيسان .... وشوية موديلات تانيه - لو عايز طريقة البرمجة لأي عربية أنزلهالك - بس في موديلات كتيرة هتحتاج يكون معاك البين كود الأول

رد: شرح launch x431 master
 

شكرا لاهتمام حضرتك وياريت لو امكن برمجة هيونداى فيرنا او الطريقة عموما
بس فى شوية استفسارات
1- القائمة للبرنامج بتختلف من عربية لاخرى طبعا بعد ما اختار موديل العربية اللى انا موصلها بالجهاز هل ده من الجهاز ولا من كمبيوتر العربية
2- ما الحل لو صادفنى عربية انا مش متاكد من موديلها
3- صادفنى عربية رينو وتعرفت على الاخطاء اللى فيها ولما طلبت من الجهاز مسح الاخطاء ظهر انه مسحها وتم حل المشكلة لكن المفاجئة انه لما طلبت منه قراءة الاخطاء مرة اخرى ظهر لى نفس الاخطاء على الرغم من تصليحها ,,, هل ده خلل فى كمبيوتر العربية ولا حاجة تانية
4- ياريت حضرتك تعمل موضوع شامل عن الجهاز ده لان للاسف البحث فى الانترنت بيعطى نتائج تقدر تقول انها مش مجدية على عكس شرح حضرتك اللى انا متاكد انه ان شاء الله هيكون وفق الوصف
والف مليــــــــــــــــــــــ ــــــــون شــــــــــــــــــــــــ ــ :140109~347: ــــــــــكر

رد: شرح launch x431 master
 

الإجابة علي أسئلت حضرتك كما يلي:
1- صحيح القوائم بتختلف من عربية للتانية ( لكن المبدأ ثابت ، إنك تقراء العطل وتمسحه وتقراء البيانات الحالية للسيارة - وإختبار التشغيل والفصل - ولو فيه وظائف إضافية) لكن إختلاف السوفت وير هنا يعتمد بصورة رئيسية علي العربية نفسها وعلي السوفت وير الخاص بجهاز التشخيص الاصلي بتاعها - يعني في الفولكس جروب ( فولكس - أودي - سكودا - سيات ) الجهاز يقدر يعمل أتوسكان - ويفحص كل الكنترولات اللي في العربية من الإكصدام للإكصدام ، لكن في الدايو مثلا الوضع مختلف - علشان السوفت وير يتم عمله بما يتوافق مع السيارة.

2- لو صادف حضرتك عربية وإنت مش متأكد من الموديل ، والعربية موديل جديد ( يعني الفيشة الأوبي دي تو الـ 16 بين) - أدخل عليها من سوفت وير OBDII هيفتح معاك مكنة وفتيس زي الفل وممكن تعرف كمان نوع الكنترول والعربية من جواه.

3- بخصوص الرينو ، أولا الجهاز بيحدد العطل بس ويمسحه من كنترول العربية لكن لو العطل موجود ومتصلحش هيرجع تاني يظهر - أديك مثال : مثلا دخلت علي الـ ABS وقراء معاك حساس السرعة اللي علي العجلة اللي ورا يمين - وإنت مسحته هيمسح معاك لكن أول العربية متتحرك والسرعة تعدي الـ 40 كم لو الحساس فعلا بايظ اللمبة هتنور تاني - يبقي الحل إنه يتغير الأول وبعدين تمسح العيب ، ثانياً : الرينو تحديداً وضعها مختلف خصوصاً الرينو ميجان 2 اللي هي بكرت مش بمفتاح - فلما تسأل علي أي عربية قولي الموديل وسنة الصنع علشان أعرف أجاوبك بالتفصيل.

4- أنا هحاول أعمل الموضع ده شامل عن أجهزة الأعطال وهرفع بعض ملفات التكويد والبرمجة هنا علشان اللي محتاجها.