تغيير مقاس الاطارات 113 ارجو النصح
 

السلام عليكم
انا معي اسبرنزا 113 ومن يوميين اكتشفت وجود شرخ خارجي علي احد الاطارات الخلفية (تقريبا عامل زي ما يكون مقطوع بموس او سكينة بس طبعا مش ده السبب) المهم انا ليا عندكم كام استفسار ويا ريت لو حد جرب الكلام ده ينصحني (العربية عاملة 32000كم وداخلة علي سنة و 8 شهور تقريبا)
1- انا سألت واحد بتاع ضبط هوا وقالي ان ده خارجي ومش هيأثر في الاطار بس بصراحة انا بسافر كتير والحكاية ديه مش مطمناني فايه رايكم اغيره ولا لا؟
2- انا سالت في محل بيع اطارات طبعا الراجل نصحني اني اغير الفرده ديه بس المهم
هو ان مقاس الاطارات اللي نازل مع العربية هو 175/60/R14 وهو نصحني اني اركب 185/60 علي اساس ان ده اعرض ويخلي العربية اكثر ثباتا وانعم في المطبات (وبقول ان في ناس كتير من ملاك 113 عملوا كده) فايه رأيكم في الكلام ده اعرض الكاوتش (طبعا هجيب فردتين او اربع) ولا اخليني علي المقاس الاصلي (طبعا احنا عارفين ان العربية ناشفة بس بصراحة مش عارف هل الاطار بالمقاس الاكبر هيفرق ولا لأ)؟
3- ايه هو النوع المناسب انا في حد رشح لي kmuho تقريبا ده كوري وكان سعرة 350 جنية مقاس 175/60/r14
بس ارجو سرعة الرد
وجزاكم الله خيرا

رد: تغيير مقاس الاطارات 113 ارجو النصح
 

نصيحة ليك لو ناوى تغير مقاس يبقى خلية 165/65 افضل بكتير للعربية دى بالزات عشان فية عيب فى مقاس الفبريكة بتاع العربية دى بيخليها تهلك الكاوتش اللى سماكتة 60(ويعمل بلالين) عشان كدة انتا زود السمك على حساب العرض هيبقى احسن للطرق بتاعتنا والبلاعات والنقر ولتاكيد كلامى انتا بتقول ان الفردة بتاعتك زى متكون مقطوعة بموس وعلى فكرة هيا جوديير هندى

رد: تغيير مقاس الاطارات 113 ارجو النصح
 

رد: تغيير مقاس الاطارات 113 ارجو النصح
 

مشكورين علي النصيحة
انا مع mhi00002000 في ان 60 مش مناسبة بس انا علي طول بسافر بالعربية بحكم الشغل بتاعي وما اقدرش أقلل العرض عشان ما احسش ان العربية خفيفة (انا في الغالب بكون بسوق بسرعة ما بين 110-120كم) وأعتقد ان 165 ممكن يقلل ثبات العربية وعشان كده كان نفسي اعرض العجل اكتر وفي نفس الوقت 185/60 (60 هنا هتكون اكبر بحوالي 1سم من 60 بتاعت 175/60 ) وبالتالي ممكن تخفف شوية من الاحساس بان العفشة ناشفة والكلام ده بس الكلام ده كله افتراضي فلو حد يقدر يفدني يا ريت ينصحني

رد: تغيير مقاس الاطارات 113 ارجو النصح
 

انا مع الاخ Mhi تماما 65\175\R14 افضل مقاس

رد: تغيير مقاس الاطارات 113 ارجو النصح
 

واحده واحده يا معلم. المقاس الأصلي 175/60R14 ده سمك الكاوتش 105 مم و عرضه 175 مم.
المقاس الجديد 185/60R14 ده سمكه 111 مم و عرضه 185 مم.
يبقس سيادتك هتعلي العربيه 6مم و طبعا هتحس أن العفشة أطري شوية و العرض هيزيد 1 سم و ده هيزود الثبات شويه لكن مش هتحس بيه قوي لأن العربيه هتعلي شويه و ده بيقلل الثبات طبعا. فالمحصلة تقريبا هتلاقي فرق بسيك في ثبات العربيه أو مش هيتغير خالص.
من الأخر لو هتجيب المقاس الجديد يبقي طقم كامل ما أنصحكش تجيب فردتين فقط. لكن ليه سؤال أنت ليه ما تركبش الاستبن مكان الفرده اللي باظت و تخليها هي استبن و خلاص؟
السعر معقول و كومهو ماركة كويسه.

رد: تغيير مقاس الاطارات 113 ارجو النصح
 

اشكر الاخ svneleven علي نصيحتة وفعلا كلامك منطقي جدا
اه بخصوص الاستبن فانا كنت ركبتة مكان فرده باظت قبل كده من فتره
بس انا كنت بدور في الموضوع ده ولاقيت موقع كويس ده اللين بتاعة http://www.kouki.co.uk/utilities/vis...ize-calculator
ووجدت ان المقاس الاعرض هيخلي عداد السرعة عندي مش دقيق تقريبا السرعة الفعلية للسيارة هتكون اعلي من قراءة العداد بحاجة بسيطة بس الحكاية ديه شكلها هتخليني استخدم المقاس القديم واريح دماغي
بس انا لسة مستني رايكم