مش لاقى بيك كربراتير الاكسيل بتاع السرعه ومقاسه 153 اعمل ايه ؟؟ ساعدونى
السلام عليكم ورحمة الله وبركاته من حوالى يومين كدا قلت (وياريتنى ما قولت ) اغير بيك البنزين لواحد جديد علشان اكيد اللى فيها وسع تلاقيه من اول ما صحابها جابو العربيه وفعلا كنت باعانى من تهبيب البوجيهات روحت ساعتها اجيب بيك لقيت اللى معايا مقاسه 153 فروحت وريته لبتاع قطع الغيار قالى انا عندى بتاعها اللى رقمه 150 قلتله بس اللى معايا 153 قالى لا ال 150 هو بتاعها المهم قلتله ماشى هاته وفعلا جابلى بيك كربراتير اصلى فى الكيس بتاعه ب 20 جنيها ورحت ركبت البيك والعربيه اشتغلت كويس بس لقيت انك لما تدوس بنزين مفاجىء تلاقى المتور يروح يسك منك فى الاول وبعدين مره واحده يرفع RPM على طول طبعا استنتجنا ان السكه اللى فى الاول ديه من البيك اللى اضيق 3 درجات جينا ركبنا القديم العربيه اشتغلت كويس ومبقتش بتسك روحنا مركبين الجديد تانى على امل انى اول ما اجيب المقاس بتاعها اللى هو 153 نركبه على طول بدل الى فيها المهم عندنا فى المعادى ناس كتير مشهورة جدااا بقطع الغيار الكورى روحت للى اشتريت منه البيك قالى هو ده اللى عندى روحت لواحد تانى وده محل كبير مشهور جدااا بالكورى قلتله عاوز بيك كربراتير اكسيل قالى ال 153 قلتله ايووووه هو ده قالى لا مش عندى والله قلتله طيب الاقيه فيين قالى اسأل عليه فى باقى المحلات وقعدت اسئل من هنا لهنا لهنا لقيت ان كل المحلات اللى فى المعادى مش موجود فيها غير بيك رقم 150 بس 153 مش موجود مع العلم انه كله قال ان البيك 150 هو ده اللى بتاعها وان مفيش حاجه اسمها 153 مع العلم برضوا ان لما سألت المحل الكبير اللى اسمه السلام قالى ان البيك بتاعها فعلا هو 153 المهم روحت عند واحد بتاع كربراتير قالى انه مفيش حاجه اسمها بيك 153 وان اكبر حاجه هى 150 قلت خلاص بقى انزل التوفيقية هجيبه واجى وفعلا نزلت التوفيقية مفيش محل مسألتوش كله يقولى بيك الاكسيل هو 150 ياجدعان والله البيك بتاعى رقمه 153 يقولولى مفيش المهم ولاد الحلال قالولى روح شارع شامبليون واسأل هناك روحت شارع شامبليون لقيت ان اغلبه بتوع رولمان بلى بس فيه محلين تلاته بتوع قطع غيار هيونداى وكورى وكدا قالولى معندناش غير ال 150 و روح اسئل عند واحد اسمه الطويل ده بتاع قطع غيار كربراتير بس وهتلاقيه عنده طلبك طبعا روحت عنده قالى لا اللى عندى اكبر حاجه 150 ياعم الحج انا مخرج البيك من الكربراتير رقمه 153 و ال 150 بيسك معايا فى الاول قالى يبقى ال 150 ضيق فعلا قلتله ايوووه انا بقى عاوز ال 153 قالى لا مفيش حاجه اسمها كدا ههههههههههههه قالى اكبر حاجه اسمها 150 قلتله شكررااااااااااا وطبعا فقدت الامل ومش عارف اجيب البيك منين بصراحه فياريت اللى يعرف حل لمشكلتى ديه يساعدنى ؟؟ لحسن انا هتجنن :sycho26::sycho26::sycho2 6: و السلام عليكم ورحمة الله وبركاته |
رد: مش لاقى بيك كربراتير الاكسيل بتاع السرعه ومقاسه 153 اعمل ايه ؟؟ ساعدونى
بكره ان شاء الله حشوفهولك عندي كده وان شاء الله الاقيه .:Wkiss5: |
رد: مش لاقى بيك كربراتير الاكسيل بتاع السرعه ومقاسه 153 اعمل ايه ؟؟ ساعدونى
يا استاذ سيد عليك وعلى الحاج /ابراهيم اللى فى شبرا هو متخصص كارابرتير بس.
رقم تليفونه 24301720 وعنوانه 27 ش ابن مطروح من ش الدرمللى شبرا . اكيد هيصلحه لك لكن تروح بدرى اى قبل الساعة 9.30 ص لانه بياخد عدد معين كل يوم او هيقولك تانى يوم . تحياتى ادم :Wkiss5: |
رد: مش لاقى بيك كربراتير الاكسيل بتاع السرعه ومقاسه 153 اعمل ايه ؟؟ ساعدونى
اقتباس:
|
رد: مش لاقى بيك كربراتير الاكسيل بتاع السرعه ومقاسه 153 اعمل ايه ؟؟ ساعدونى
اقتباس:
|
رد: مش لاقى بيك كربراتير الاكسيل بتاع السرعه ومقاسه 153 اعمل ايه ؟؟ ساعدونى
حاول تظبط الكربراتير على البيك الجديد وهو مع الوقت هيبقى 155 مش 153 بس ماتقلقش
انا بركب لل132 بيكات ضيقة وبظبط الموتور على كده واللهم صل على سيدنا محمد اللهم لا حسد العربية بتمشى زى الفل ببيك 110 و 115 ياريت تصور البيك ده وانا اشوفهولك عندى لكن انت مشكلتك ظبط البنزين مع الكهربا مش بيك 150 و 153وانا شاكك فى قوة الموبينة مش البيكات وبس :121155~191: :121155~191: :121155~191: انا زعلان جدا علشانك لأن الصنايعية بيستنزفوا فلوسك على الفاضى :08da300846c84943ae1حسبى الله ونعم الوكيل |
رد: مش لاقى بيك كربراتير الاكسيل بتاع السرعه ومقاسه 153 اعمل ايه ؟؟ ساعدونى
اقتباس:
المشكلة ان دائرة الاشعال كلها لسه جديده حتى الموبينه دينسوا اما بالنسبه لاستنزاف الفلوس فديه عندك حق فيها و اتمنى تقولى عن العدد والادوات اللى اجيبها علشان بعد كدا ابقى اشتغل مع نفسى والحمد لله عندى خبرة كويسه فى اغلب الحاجات بس ينقص العدد و الادوات فقط فتنصحنى اجيب ايه علشان كل حاجه مثالا لو حبيت افك الجنب و كدا والطنابير اللى هى الحاجات التقيلة ديه وبارك الله فيك يا استاذ هشام :) |
الساعة الآن 09:58 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017