|
طلب: تزويد الماء المقطر للبطارية السائلة...إزاى؟
السلام عليكم
أنا كنت قريت إن البطارية السائلة لازم نكشف على المياه و الحمض بتاعها كل 6 شهور عالأكثر. طبعاً إحنا هنا فى مصر بنطنش 444546 المهم البطارية عندى كنت مزودلها ماء مقطر عند كهربائى,و بصراحة ماليش مزاج أروحله تانى (أخد 30 جنية معرفش ليه), أنا شفته بيزود المياه عادى من عيون البطارية. و زى ما إتعودنا هنا معاكم, منروحش للصنايعى على أى حاجه. لذلك بأفكر أعملها بنفسى, يعنى صفيحة منشار حدادى و أفتح عيون البطارية و أزود مياه مقطرة..... و لكن هل فى علامة أو مقدار معين و لا أملاها و لا ؟؟؟ يعنى فى حرفيه أو صنعة أنا ما أخدتش بالى منها فى الشغلانة دى؟ و لا أسمى الله و أشتغل بنفسى؟ و بالنسبة لميّة النار(الحمض) لية تركيز معين و بيتحط فين و لا ده مش بيتحط و لا إيه؟ يعنى الصيانة الدورية إزاى منتظر نصائحكم |
رد: طلب: تزويد الماء المقطر للبطارية السائلة...إزاى؟
حمض 30 % تركيز
ولازم تقيس الحموضة بالهيدروميتر ده http://upload.wikimedia.org/wikipedi...eter_(PSF).png http://www.cdxetextbook.com/images/hydrometer.jpg |
رد: طلب: تزويد الماء المقطر للبطارية السائلة...إزاى؟
يعنى لازم أروح للكهربائى تانى؟
أكيد معنديش الهيدرو ميتر. و لا ليها حل ؟ |
رد: طلب: تزويد الماء المقطر للبطارية السائلة...إزاى؟
30 جنيه ليه ؟؟؟؟
انا بغير المياه كلها وبتاع البطاريات بيفرغ البطارية وبيحطلها مياه جديدة كل ده ب 5 جنيه وممكن لو تركيز الحامض كويس تزود مياه مقطرة بس |
رد: طلب: تزويد الماء المقطر للبطارية السائلة...إزاى؟
اقتباس:
هى 5 جنية فل اووووووووووى غير الكهربائى دة وشوفلك واحد تانى |
رد: طلب: تزويد الماء المقطر للبطارية السائلة...إزاى؟
كلام علمى وعلى أساس صحيح
ممنوع نهائيا تغيير مياه البطارية لو بطاريتك مستعمله من شهور ممكن فقط فى حالة البطارية الجديدة اللى عدى عليها أيام انما الخواجة والمصنع والمهندس والمصمم والمطور كلهم بيقولوا ممنوع تغيير مياه البطارية انما لو انت فى مصر [COLOR="Red"]كل شىء جايز ( وطبيخ الكهربائية بياكلوه المصروايه ) نقطة اثنين عايز تضبظ كثافة المياه حطها على التونجر شحن بطىء ما فيش بدائل تانية لو حطيت مياه نار يبقى انت عايز تطلعها معاش بدرى الناس اللى بتغيير مياه بطارية ( زى الحكم اللى طلع كارت احمر وطرد اللاعب ) مش هتكمل معاك كثير وهتلاقيها اعتزلت منك فى حالة نادرة جدا وبطريقة محكمة معينة يتم اضافة ماء نار انما مش بالشكل المعهود فى المحروسة وانا نقلت لك خلاصة تجربة وقرايه وسؤال وتحرى وبحث اكثر من سنتين فى مجال البطاريات علشان أفهم الصح ايه والعك ايه وللعلم انا عندى جزء فى بيتى فيه ورشة صغيرة كهرباء فيها تونجرين شحن وبطاريات ومياه نار وهيدروميتر رقمى وعادى واجهزة قياس متطورة جايبها من ساكو من السعودية بحب المجال ده جدا واتمنى انك تستفيد بالخلاصة ولا تنسانا من دعوة بظهر الغيب |
رد: طلب: تزويد الماء المقطر للبطارية السائلة...إزاى؟
|
| الساعة الآن 10:33 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017