|
عملت حادثة بالفليشيا قدر الله وماشاء فعل
لسلام عليكم ورحمة الله وبركاتة يوم الجمعة السادسة صباحاً كنت مسافر من حلوان الى الشرقية وعلى الكورنيش عند مستشفي السلام الدولي فوجئت بعربية عاطلة بوسط الطريق المهم كان فية حجر بجوار العربية العطلانة فوجئت بوجودة فقررت أضغط فرامل بقوة فحدثت الحادثة أخدت الحجر في وسط العربية الفتيس أتخبط وأتشرح وفضي الزيت اللى فية وجت عربية دايو ماتيز وخبطتني خبطة قوية من الخلف كسرت الاكصدام وفانوس الاشارة يمين والشنطة دخلت لجوة المهم أخدت العربية للسمكري عمل زرجينة واستعدل الشنطة بس للاسف قطع جزء صاج من فوق المساعد علشان يعرف يسمكر الصاج المهم أنا عاوز رأيكم انا خلصت سمكرة ياتري ارش الشنطة من جوة ولا لاء ياتري الخبطة بتاعت الفتيس والشرخ اللى موجود فية دة ممكن يتلحم ولا يفضل تغيير الفارغة ولا فتيس إستيراد أحسن علما بأن الغيرات كلها شغالة ماعادا المرشدير أرجو النصيحة وحفظكم الله جميعا من شر الطريق
|
رد: عملت حادثة بالفليشيا قدر الله وماشاء فعل
ياباشا الف حمدا لله على سلامتك ونجاتك ولايعرف هذه الكلمات الا من جرب وخرج من سيارته على العنايه المركزه فلله الحمد على انك معاف فى بدنك واهلك بالنسبه للاصلاحات كل الحلول والخيارات سليمه الكلام هنا للمقدرةعلى الصرف + متى ستخرج من هذه العربيه الى غيرها بمعنى لابد من استراتيجيه لقرار الصرف على اعادة اصلاح سيارتك تقبل مرورى وتحياتى |
رد: عملت حادثة بالفليشيا قدر الله وماشاء فعل
اقتباس:
بالنسبة للعربية مش هتفرق معايا لو فضلت معايا سنة اتنين عشرة مش فارق ولو حبيت اغبر أجيب غيرها زيرو وابقي على العربية دي مش مشكلة وعمري مفكر أغش حد والبسهاله وإنشاء الله خير وربنا يكفيكم شر الطريق |
رد: عملت حادثة بالفليشيا قدر الله وماشاء فعل
,قدر الله وماشاء فعل اهم حاجه سلامتك والعائله
ب النسبه للعربه غير الفارغه فقط تقبل تحياتي |
رد: عملت حادثة بالفليشيا قدر الله وماشاء فعل
السلام عليكم حمد لله على سلامتك وسلامة الأسره الكريمه خلي ميكانيكي اهل ثقه يكشف عليها و شور عليه بتغيير الفارغه او اللحام ولا تذكر له تغيير الفتيس وشوف رأيه اما بالنسبه للشنطه فلازم تترش علشان البارومه بس وديها عند صنايعي كويس وشاطر والله المستعان |
رد: عملت حادثة بالفليشيا قدر الله وماشاء فعل
الف حمد على السلامه
وفداك العربيه والاعضاء الكرام لم يقصروا بالرد |
رد: عملت حادثة بالفليشيا قدر الله وماشاء فعل
الحمد لله أنهيت العمل بالسيارة وتمثل فى الاتي
تم عمل سمكرة ورد الشنطة على البارد ودة اخد يومين ومصنعية 350 جنية تم عمل بوية للشنطة من الخارج والرفرف الخلفي يمين وشمال وبصراحة بتاع البوية راجل طلع ممتاز وتكلفة البوية يومين تلاتة واتكلفت 350 جنية بالنسبة للفتيس تم حل مشكلة المرشدير وهو تغير ساعة المرشدير وهيا اللى كانت عاملة المشكلة والحمد لله الغيارات كلها سلسمة وتم لحام الشرخ اللي موجود فى الفتيس بمادة ألومنيوم والفتيس راكب فى مكانة وبالنسبة للشنطة من الداخل أكتفيت بطلائها بشحم أبيض علشان البارومة حبيت أنقل تجربتي للاستفادة وكفاكم الله شر الطريق |
| الساعة الآن 05:21 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017