عاوز اظبط عريتى
انا معايا فيات 125 وكت عاوز اظبطها من حيث السمكرة والدهان وعاوز اغير التابلوه والفرش والجنوط والاضاءة بتاعتها ضعيفة عاوز اعليها وعاوز اعمل عمرة للموتور واضبط العفشة واريد ان ازيد من قوة المحرك يعنى عاوز اشد العربية من اول وجديد اعمل ايه وياريت اسعار كل حاجة
|
رد: عاوز اظبط عريتى
لو العربية مش بتمثل ليك حاجة معنوية
يبقى انسب الحلول انك تبيع وبفلوس الشد تكمل وتجيب حاجة ماسكة نفسها |
رد: عاوز اظبط عريتى
مش هاينفع ابيعها اصلها عزيزة عليا وكنت عاوز اخليها شبابية
|
رد: عاوز اظبط عريتى
لا يبقى اصرف عليها زى ما انت عاوز وبامر الله تطلع زى الفل
انا ممكن اتكلم معاك فى الموتور اى حاجة فية انا تحت امرك |
رد: عاوز اظبط عريتى
ربنا يوفقك. أهم حاجة تبعت صور المنتج النهائي و كل حاجة اتعملت فيه عشان الجميع يستفيد.
|
رد: عاوز اظبط عريتى
طب ممكن تقولى اعمل ايه؟
|
رد: عاوز اظبط عريتى
اقتباس:
السمكرة هتفك كل حاجة حتى الأبواب وكل مللى فيه بارومة لازم ينضف واى شرخ تلحمه وتقويه واتخن سمكرى مش هياخد 1000 جنيه الدوكو زى منتا عاوز سعر الكيلو من 100 لحد 300 جنيه والألوان الغامقة بتبقى حلوة عليها جدا عندك الرمادى والأزرق البيرل بيبرق واهم حاجة الورنيشس يكون نضيف والعربية تتخدم دهان كويس وطبعا تراجع على كل ده بنفسك كهربائى شاطر يرم الضفيرة ولو محتاجة فوانيس وشبكة امامى جداد موجودين فى شلبى استيراد وفى التوفيقية جديد وكله بيشتغل ، وتجيب لمبات امامى 200/260 يركبوا بكتاوت خارجى الموتور والفتيس والكارونة موتور البولونيز بيركب عليها بدون تعديل وبيشدها شدة تمام وده سعره 2700 جنيه بالفتيس والميزة ان مواتير البولونيز آخرها 2004 يعنى هتجيب موتور حديث وقوى لكن المهم تغير الشكمان لأن القديم هيكتم الموتور الكارونة جديده برضو بتاعت البولونيز سعرها 700 جنيه لو عاوزها العفشة كلها لو بايظة هتصرف معاك حوالى 1000 جنيه جنوط وكاوتش انت زى ماتحب لكن خللى مقاس الكاوتش 13/175/70 المقاس ده موجود كتير اوى وبرخص التراب وزى ماتحب وشكرا لأختيارك ال125 لأنها فعلا أحلى من الجديد فى كل حاجة فوانيس اللادا تركب علييها وكذلك الإكصدامات |
الساعة الآن 07:40 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017