مساعده ضروري بدل مولع في العربية
 

السلام عليكم

ونا ماشي علي المحور ماشي علي100كم يعني مش سريع فجاءة لقيت امبير الحرارة فوق النص والمض التشيك الزيت نورة بطلت علي طول الحمد الله لبة الحرارة منورتش
-بطلت ونزلت ابص علي مياه بعد العربية لما بردة ملقتش مياه مع اني ( كنت باصص علي المياه عند العلامة قبل مخرج بالعربيه)
1-جالي ميكانيكي من بتوع الطريق قالي العربي جابت وش ومش هتدور قلتله دور وشوف الحمد الله دارة وشاه الزيت تمام قلي الحمد الله سليمه حط مياه في القربة المياه بتنقص خد هواء وملا القربة قالي طرمبة المياه مبتقلبش المياه ضعيفة وشغل المروحة دايركة من غير متفصل ومشيت وكل تمام حوالي 10 دقائق ونا سايق60 ك علي الهادي لقيت برده الامبير علي بطلت لقيت برده مفيش مياه في حاجة بتسرب مياه
2-جالي سواق تاكسي قالي لازم تلغي الترومستتات قالي الماتور سخن وبص الرداتير بااارد وقطرت العربية لحد البيت
3- نفس القصة ديه حصلت زمان قبل مغير ماكنة وكانت بسبب خراطيم مخرومة وغيرتها


ياريت ياجماعه بالله عليكم تقولي اعمل اية عايز اكشف علي كل الي يصخ المياه اعمل ايه عشان انا بجد تعبة جدا زي متكون العربية فقر قولي ابتدي مني




شكرا جدا ليكم

رد: مساعده ضروري بدل مولع في العربية
 

المشكلة كانت عندى وكان خرطوم سيايح شوية من اخره كان بيسقط ماية بسيط جدا راجع غالخراطيم والعربية سخنة وانت ماليها ماية وفيه خراطيم بتبقى مش واضحة قوى

رد: مساعده ضروري بدل مولع في العربية
 

انا كان عندى نفس المشكلة فى دايو جوليت و كان العيب ان فى خرطوم متاكل كان هو الى بيسرب ميه....بس متمشيش بيها و هى كده علشا عندى السخونة جابت وش السلندر....

رد: مساعده ضروري بدل مولع في العربية
 

ميه بتنقص يبقي في تسريب يإما في خراطيم يا إما في ريداتير ومادام الميه مش بتاخد وقت وتنقص يبقي معدل التسريب عالي وممكن يتشاف بالعين
انما تلغي ترموستات وهجص الميكانيكيه الي مالوش لازمه والهبل ده ماتسمعش كلامهم
ترموستات الكوعة وظيفتها ان بتقفل دائراة المياة عشان العربية تسخن واول ماتسخن بتفتح والمياه تمر من خلالها للريداتير والمرواح تشتغل وهكذا
لو شيلتها ايه الي هيحصل ==العربية تسخن لدرجه الحراره الطبيعيه وانت واقف وتبرد وانتا ماشي
واعتقد ده مابحصلش معاك فالو قافله علاطول او بايظه تفتكر ايه الي يحصل ؟؟ هاسيبك انت تجاوب

رد: مساعده ضروري بدل مولع في العربية
 

رد: مساعده ضروري بدل مولع في العربية
 

]يوجد قطعة انتيمونيا خلف الموتور خلف الانجيكشن تحت شويه قطعة انتيمنيا متلت اى بها ثلاث فتحات
القطعة دية دايما بتبقى دايبة بسبب املاح المياه اكيد هى السبب لان حصل معايا نفس المشكلة ودوخت لحد لمل فكيت اللغز غيرها هى تمنها حوالى 25 جنيه بس بلاستيك ياريت تجيبها استعمال احسن

رد: مساعده ضروري بدل مولع في العربية
 

مساء الفل يا حسام انا كنت بعتلك على الخاص مش عارف وصلت والا لاء وعلى العموم انا هكتبلك تانى التجربه علشان تقدر تحدد المشكله فين
اولا:هتعمل كبس لدوره الريداتير وتشوف التسريب فين الاماكن اللى ممكن يكون فيها التسريب
1:-الشجره اللى وره المنافولد ودى عباره عن مشترك مياه مكون من 3 فتحات ودى بتبقى بايشه خالص وممكن تكون بايظه وتغيرها بسيط جدا تمنها 15 جنيه
2:- احد الطبب الموجوده فى الموتور واماكنهم فى 2 ورا المنافولد ولو فى واحده منهم او الاتنين هتبقى مضطر تغير جوان منافولد معاك بالمره وفى 4 طبب تانى موجودين تحت اوش الفرن اللى فى الامان ربما تكون واحد اواكتر محتاجه تتغبير ولو هتغير اى طبه منهم هتبقى مضطر تغير جوان فرن الشكمان معاهم بالمره تمن الطبه الواحد 5 جنيه وجوان المنافولد ب15 وجوان فرن الشكمان ب10 جنيه هتقولى طب ايه علاقه الجوانتا بالكلام ده هقولك لانهم ببساطه بيتطلعوا بايظين خالص ومش هينفع تركبهم تانى
3:-احد الخراطيم المسئوله عن دوره المياه ودى على حسب الخرطوم يعنى فى قطعه عامله 15 وقطعه عامله 10 على حسب اللى بايظ منك
4:- غطاء القربه ممكن يكون البلف بتاعه نشف فبقى مش بيحكم بخار الماء الناتج عن درجه غليان دوره المياه فيتم التسريب ايضا وسعره 25 الاصلى الالمانى
5:- لو مفيش اى تسريب خالص ودوره المياه اتكبست ومفيس اى تنفيس يبقى انت كده دخلت فى قصه جوان وش السلندر وده بيبقى خلاص حمص ونشف لدرجه انه بياكل المياه بطريقه ملحوظه جدا وبيتم تغيره وسعر الجوان حاجه نضيفه اوى كنت جايبه 35 جنيه
6:- الريداتير ممكن برضوا يكون فيه خرم فبيسرب المياه
بص بقا علشان تحدد المشكله امشى بالعربيه مشوار صغير بليل لحد ما تسخن واركن جنب البيت وخلى معاك كشاف ولو فى اى تسريب مياه من اى حاجه من اللى قلتلك عليها دى هيبان جدا معاك وهتقدر بسهوله تحدد التسريب منين
يارب اكون قدرت افيدك وانا تحت امرك فى اى استفسار تانى وابقى طمنى انت عملت ايه
تحيــــــــــــــــــــــ ــــــــــــــــاتى