أريد مركز محترم لصيانة الدايو
 

السلام عليكم ورحمة الله وبركاته
كل التحية والتقدير للمنتدى المحترم والمشاركات والأراء الفعالة من الأخوة الأعضاء والسادة المشرفين .

لي طلب مستعجل جداً جداً أرجو من الأخوة الأفاضل مساعدتي فيه على وجه السرعة .. وهو أنني أريد مركز صيانة محترم لسيارة دايو اسبيرو يكون الكشف والإصلاح بالكمبيوتر .. لأنه للأسف ناس كثيرة من الشغالين في الدايو لا يعرفون الكثير عن الاسبيرو على افتراض أنها أنقرضت .. وطبعاً الكل عارف الصنايعية في مصر وهما فاكرين أنه عيب عليهم لو قالوا منعرفش .. فهما طبعاً فاهمين وعارفين كل حاجة .. وفي الآخر نتعك إحنا في العربية والمصنعيات ، علشان كدة عايز الكشف يكون بالكموبيوتر ..
رجاءً رجاءً سرعة الرد على طلبي .. ولكم جزيل الشكر

رد: أريد مركز محترم لصيانة الدايو
 

و الله اخي انا اعتذر لأني لست من مصر انشاء الله الأخوان في المنتدى يساعدوك

رد: أريد مركز محترم لصيانة الدايو
 

رد: أريد مركز محترم لصيانة الدايو
 

جزاكم الله ألف خير إخواني الأعزاء على ردودكم الكريمة ..

رد: أريد مركز محترم لصيانة الدايو
 

اية المشاكل اللى عندك؟؟؟

رد: أريد مركز محترم لصيانة الدايو
 

ألف شكر على أهتمامكم ..
بالنسبة للمشكلة التي عندي .. مؤشر الزيت بينور ويطفي وأنا ماشي .. ورحت غيرت الزيت ، وقياس الزيت مظبوط .. بس بردو بتنور وتطفي .
وعندي كمان عداد السرعة بيرعش ووساعة يشتغل وساعة يعطل .. وخايف يكون التابلوه كله فيه عطل وبذلك يكون عداد الحرارة غير واقعي .
وحاجة كمان .. هوه عداد الأر بي إم بيكون على رقم [ 1 ] ولا المفروض يكون أقل من كدة ؟؟ لأنه عندي على رقم واحد .. وأول مبشغل السيارة بيكون عالي ويوطى ويعلى تاني .. بيفضل يعلى ويوطى لغاية لما العربية تسخن شوية وبعديها يستقر على [1] ، وكمان لما بجيب سرعة على الرابع أو الخامس بأشم ريحه العادم عالية داخل الصالون .
معلش حاجة أخيرة .. هوه موضوع أنها تعلى وتوطى لوحديها لما بشغل السيارة [ من غير مأدوس على البنزين ] ده شيء طبيعي ؟؟ يعني السيارة بتعلي نفسها أو توطى لغاية لما السيارة تسخن ؟؟؟
مع العلم أن السيارة موديل 95 مانيوال .
أنا أسف على الإطالة بس أنا للأسف وسواس جداً في موضوع السيارات ده ، وأي عطل وأنا ماشي هيسبب لي أعطال كبيرة .. علشان كدة بسأل على مركز متخصص يكون بالكمبيوتر وبعيداً عن اجتهادات الصنايعية .

رد: أريد مركز محترم لصيانة الدايو
 

فى حاجات ماتبنش بالسكان
بالنسبة لموضوع ريحة العادم على السرععة العالية دا بنسبة كبيرة فى خلل فى عزل الشنطة غالبا الكاوتش مقطوع لان مع السرعة العالية الهواء بيتقلب ورا العربية و لو عزل الشنطة مش تمام عادم الشاكمان يدخل من الشنطة و طبعا للصالون

عدم ثبات ال rpm عند التسخين مسئولية (على حسب العربية) يا حاجة اسمها صمام الايدل او اتوماتيك شوك معرفش فى الاسبيرو ايه بس غالبا صمام ايدل
طبعا المفروض بعد ما تسخن يبقى ال rpm اقل من 1000 يعنى المؤشر تحت ال 1 بشوية
لو فيه شك فى التابلوه المفروض كهربائى شاطر يراجع الارضى بتاع التابلوه و الضفيرة

بس لمبة الزيت لو لا قدر الله فعلا سليمة و انصحك تتعامل معاها انها سليمة دا موضوع كبير فلازم الاول تتاكد ان ضفيرة اللمبة و التابلوه و ساعة الزيت و مقاس الزيت و فلتر الزيت لان لو كل دا سليم حتشك فى مضخة زيت يا لا قدر الله حاجة فى احكامات الكرنك