|
فيرنا 2013 والدريكسيون بيرعش
يا جماعه انا جايب فيرنا 2013 العربيه مشكلتها انه الدركسيون علي السرعات البطيئه وكمان العاليه بيرعش رعشه خفيفه يمين وشمال والرعشه بتبدأ من والعربيه تمشي علي سرعه 30 ف البدايه قالوا ترصيص رصصت عند اتنين ف بلدين مختلفين الاتنين رصصوا وضبطوا زوايا ومفيش اي حاجه اتغيرت وقالوا لي الفرد الكاوتش وحشه وهي اساسا نوع ((((west lake))))المهم قلت اطلع ع التوكيل برده رصصوا ومفيش حاجه اتغيرت قعدوا يقنعوني ان ده طبيعي وان الارض مش مستويه ولازم تحصل الرعشه دي وبصراحه قدروا يأثروا عليا ويشتغلوني بس علي مين رحت لواحد صاحبي عنده معرض ايجار سيارات وعنده اتنين فيرنا واحده 2005 و التانيه 2009 قلت له عاوز اسوقهم ولقيت مفيش الرعشه دي خاااااااااااااالص رجعت للتوكيل تاني وكنت متنرفز وغضبان جداااا ورصصوا تاني بس بدلوا الفرد الكاوتش من مكانها يعني الفرد اللي ورا بقت قدام والعكس والعربيه بقت تماااااااااااام وجبت بيها 170 ع الصحراوي ومفيش اي مشكله السؤال هنا هل ممكن تكون الفرد الوحشه زي ما بتوع الترصيص قالوا لي تكون اتنقلت لورا عشان كده مش حاسس بالهزه ولا ايه يا ريت يا رجاله تساعدوني لان فرد الكاوتش مفيهاش هزار واللي مجنني ان فيه واحد قالي غير الفرد دي بسرعه والا هتضرب فرده منهم وانت ماشي وتموتك |
رد: استفسار عاجل جداااجداا
ايه يا جماعه 41 مشاهده ومفيش ولا رد
|
رد: استفسار عاجل جداااجداا
طبعا ياباشا الفرد اللى ورا وحشه وعلشان هما ورا انت مش حاسس بالرعشه لازم تغيرهم طبعا
تقبل تحياتى |
رد: استفسار عاجل جداااجداا
اقتباس:
رأي سليم تماماً |
رد: فيرنا 2013 والدريكسيون بيرعش
اى عربيه بتتجمع فى مصر كاوتش الاستوك اول ما تستلم العربيه تبيعة وتجيب غيره
بيبقى اولاً نوعية وحشة وثانياً متخزن وطالع عينة وبالنسبة لموضوع الترصيص ساعات بيقى الجهاز فى التوكيل نفسه بايظ او الصنايعى اللى واقف عليه غايب على حظك ومفيش غيرة فيقوللك رصصنا وهما معملوش حاجة وساعات من الكسل بيحط رصاص على رصاص وده غلط المفروض يفرغ الجنط من الرصاص اللى فيه خالص ويقيس ويركب رصاص على قياس الجهاز وبعد ما يعمل ده على الاربع عجلات يركب وتطلع تجرب لو فيه رعشة يبقى لسه فيه مشكلة بس هما واضح ان اول مرة كانو عايزين يمشوك وخلاص غير كده فى احتمال ان عندك جنط مش سليم وهو اللى عامل المشكلة وكنت سمعت عن ناس كتير جابت فيرنا بس كانت الموديلات الاولى وكانت الجنوط وحشة وبتعمل مشاكل مبتتحلش الا بتغيرهم فمعلش انت هتاخدها واحدة واحدة اولاً الكاوتش للامان وكل حاجة احسن تجيب كاوتش جديد وبعدين نرصص ونشوف الجنوط ايه اخبارها |
رد: فيرنا 2013 والدريكسيون بيرعش
اولا الف شكر ليكم كلكم
بس فيه نقطه ممكن تكونوا مش واخدين بالكم منها العربيه بقت ميت فل وعشره مفيش اي هزه وجبت بيها 170 ع الصحراوي عشان اجربها وكله تمام سؤالي هنا هل الفرد الوحشه لو اتحطت ورا تعمل هزه ف دركسيون العربيه ولا لا؟؟ وكمان انا عاوز امشي بالفرد دي لحد 30 الف كيلو كفايه وبعدين هاغيرهم لاني عرضت بيعهم كلهم قالوا لي هنشريهم ب الخمس فرد بالاستبن يعني ب 150 جنيه يعني الفرده ب 30 جنيه طبعا حراام ارميهم كده فهل فيه خطوره اني امشي بيهم نفسي لحد 30 الف كيلو وخلاص وبعدين اغير ولا ايه ارجو الاهتمام لان المشكله دي منغصه عليا عيشتي العربيه قسط ولسه ممشيتش وعاوزه اصرف عليها كمان امال زيرو ايه بقي؟؟ |
رد: فيرنا 2013 والدريكسيون بيرعش
لا خطوره انشالله طالما ماشي في المعقول وربنا يسترها معاك
|
| الساعة الآن 12:08 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017