مصر موتورز مجتمع السيارات
صفحة 1 من 3 1 23
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   بيجو PEUGEOT (https://www.masrmotors.com/vb/forumdisplay.php?f=17)
-   -   ال 307 عملت القله معايا (https://www.masrmotors.com/vb/showthread.php?t=103014)

ahmed_zamalek7 20-11-2012 02:37 AM
ال 307 عملت القله معايا
 
انا من فتره روحت اغسل العربيه المهم وهى بتتغسل كنت مدى كونتاك للعربيه وفاتح نور الفوانيس العالى عشان الفوانيس كانت مشبره المهم جيت بدور لقيت البطاريه مفيش (البطاريه جافه) المهم جت عربيه وبتوصليه العربيه اشتغلت وروحت لواحد بتاع بطاريات بعديها قالى البطاريه شحنها حلو والدينمو كويس ومشيت عادى ورايح جاى ومسافر المهم انهرده نزلت الصبح عادى وخلصت مشوايرى ورجعت ركنتها تحت البيت جيت بليل انزل فتحت العربيه وخير الله مجعلو خير فتحت الكونتاك عادى واجى اشغل تقوم العربيه فاصله خالص شلت كابل البطاريه وركبتو القى العربيه تفتح كونتاك عادى وكلهتمام ادور هوب العربيه تفصل المهم جبت عربيه واحد صاحبى وعملنا التوصيله واشتغلت ومشيت شويه وانا ماشى بيها عادى قامت فاصله لوحديها لقيت واحد ابن حلال ميعرفنيش عمل الوصله وشاتغلت ودارت ومشيت مكملتش 20 متر وقامت قافله لوحده جه واحد صاحبى نوصل سلك مفيش العربيه مش راضيه تشتغل لغايه مهز كابل البطاريه وقامت شغاله وقمت موديها الجراج لغايه مشوف بكره كهربائى

zatlon 20-11-2012 02:48 AM
رد: ال 307 عملت القله معايا
 
انا شفتك النهاردة بتحاول فيها بليل على الساعة 11 تقريبا.
متابع معاك عشان واحد صاحبي برضو عندو نفس العربية و لما عملت كده غير البطارية.
بس استنى رد باقي الاعضاء

ahmed_zamalek7 20-11-2012 02:55 AM
رد: ال 307 عملت القله معايا
 
اقتباس:
المشاركة الأصلية كتبت بواسطة zatlon (المشاركة 800834)
انا شفتك النهاردة بتحاول فيها بليل على الساعة 11 تقريبا.
متابع معاك عشان واحد صاحبي برضو عندو نفس العربية و لما عملت كده غير البطارية.
بس استنى رد باقي الاعضاء
شفتنى وانا محتاس هههههههههههههههههههه

ahany 20-11-2012 03:30 AM
رد: ال 307 عملت القله معايا
 
خلى الكهربائى يربط قواطيش البطارية كويس
اعتقد هى دى المشكلة
وتقبل مرورى

ahmed_zamalek7 20-11-2012 11:32 AM
رد: ال 307 عملت القله معايا
 
اقتباس:
المشاركة الأصلية كتبت بواسطة ahany (المشاركة 800858)
خلى الكهربائى يربط قواطيش البطارية كويس
اعتقد هى دى المشكلة
وتقبل مرورى
يعنى بطاش البطاريه هو السبب اصل العربيه بتبقى ماشيه عادى وبجرى بيها تقوم فصله لوحدها مش مفروض ان البطاريه بتقوم العربيه وبعد كده الدينمو بيعمل كل حاجه

TiTo Sky 20-11-2012 02:35 PM
رد: ال 307 عملت القله معايا
 
غير القطاشين بتوع البطارية اللي عند السالب واللي عند الموجب

هات اتنين نحاس علشان مش يصدي

اكيد اللي فيها المونيا فابالتالي بيصدي والصدي بيمنع وصول الكهربا

روح لكهربائي في كهربائي كويس انا بتعامل معاة في كفر ابو حسين بعد بنزينة كالتكس

اسمة ياسر هو كويس وامين روحلو وقلة انا من طرف احمد بتاع منياالقمح اللي معاة ماتريكس

ربنا يوفقك

هانى سمير 20-11-2012 03:44 PM
رد: ال 307 عملت القله معايا
 
اقتباس:
المشاركة الأصلية كتبت بواسطة ahmed_zamalek7 (المشاركة 800929)
يعنى بطاش البطاريه هو السبب اصل العربيه بتبقى ماشيه عادى وبجرى بيها تقوم فصله لوحدها مش مفروض ان البطاريه بتقوم العربيه وبعد كده الدينمو بيعمل كل حاجه
كلام غلط البطارية بتقوم بكل حاجة ولما ينزل الشحن عن 12 فولت يقوم الدينموا بشحنها المهم تكون دائما على 12 فولت وظيفه الدينموا اعادة الشحن كلما قل فى البطارية وباقى ابشن السيارة يسحب من البطارية وعند شعور الدينموا بأن البطارية التيار ناقص يقوم بالشحن


الساعة الآن 09:28 AM.
صفحة 1 من 3 1 23
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017