|
** إستطلاع و نقاش عقلاني حول الصيني **
أي حد بيسأل عن عربية صيني ،، بتبقي الإجابات واحدة ،، ابعد عنهااااااا استني لما تشوفه بعد عشر سنين ،،، احترس ،،، زي ما نكون بنحذر من التدخين ،، السؤال هوا إمتي ننصح بعربية صيني ،، منتظر ارائكم و مشاركاتكم في الاستطلاع |
رد: ** إستطلاع و نقاش عقلاني حول الصيني **
و هوه فى حد بطل التدخين ؟؟ ptmnlo123per144 عادى جدآ الناس ح تشترى الصينى و هوه ح يتطور برده !
و كل برغوت على قد دمه ! و الموضوع داخل مثل السيارات الآخرى تحت بند التجربه و الخطأ ! بس المشكله برده زى كل البضاعه الصينى ! كل صنف فيه منه 10 درجات و التجار بتوعنا بيجيبوا لنا أقل درجه ! ممكن علشان المكسب السريع و ممكن علشان الجمارك المنيله بتاعتنا ! يعنى المواطن واقع بين مطرقة الحكومه و سندان التجار ! ليتحول فى الآخر الى المواطن كفته ! ptmnlo123per1106 Dr. Bolbolan ptmnlo123per1127 |
رد: ** إستطلاع و نقاش عقلاني حول الصيني **
أنا اخترت
لما العربيات الصيني تتباع في اوروبا و أمريكا في نفس الوقت لان ده حيبقي دليل جودة ، حتي لو المستورد المصري أخد أقل امكانيات بس برضه الجودة معقولة و الشركات الصيني الكبيرة تسعي بقوة لدخول أوروبا و أمريكا (شيري و بريليانس) بالرغم من التكلفة العالية و صعوبة التجارب لكن دي البوابة الرئيسية لمعظم أسواق السيارات في العالم أنا ممكن لو فكرت اشتري صيني أقرر علي أساس قوة التوكيل لكن دي مخاطرة شخصية لو حانصح حد تبقي أمانة و حاليا لا أنصح أحد بالصيني |
رد: ** إستطلاع و نقاش عقلاني حول الصيني **
أنا شخصيا عندى عربية صينى
إخترت لما التوكيل يكون قوى لإن هو ده الأساس اللى إخترت عليه عربيتى لكن و بصراحة موضوع دخول الصينى السوق الأوربى و الأمريكى هو اللى عليه عامل كبير لإننا فى مصر معندناش معايير للجودة و لا للأمان فبنعتمد على المعايير الأوربية و الأمريكية و تسويق العربيات الصينى فى الأماكن دى هتبقى شهادة إنها ملتزمة بالمعايير دى |
رد: ** إستطلاع و نقاش عقلاني حول الصيني **
انا رائى من رائى اسلام باشا جلال
|
رد: ** إستطلاع و نقاش عقلاني حول الصيني **
الموضوع لايؤخذ بطريقة يااسود يا ابيض ارجو ان يفتكر الجميع عندما نزلت السيارات الكورى عندما نويت شراء اللانوس عام 2003 الكل قال الشاهين هى الاحسن السيارات الصينى تحتوى على اشياء لا توجد فى سيارات اخرى مثل فرامل ال ABS EBD سيارة كورية محترمة مثل الهيونداى النترا الموتور غول 121 حصان ولكن الوكيل انزلها بدون هذه الخاصية بعكس كل دول العالم نزلت السيارة بهذه المواصفات واذا اردت ان تشترى النترا بفتحة سقف وفرامل ABS AND EBD AND AIR BAGS سوف تشترى الالنترا الخليجى وسوف يكون سعرها 125 االف جنيه وبلا ضمان يعنى الموضوع قلة ادب وطمع تجار يعنى حتى لو معاك فلوس موش هاتاخد من توكيلاتنا اللى انت عايزه معظم السيارات الصينى بها اشياء مهمة للامان اذا اردت ان تشتريها مع مركات معروفة يبقى اضرب فى ثلاثة او اربعة ياتى بعد ذلك المراجعات على النت ليرى الانسان منا اى من السيارات الصينى الاكثر مراجعة والاكثر تحمل والذى لها مواتير يابانى مثلا او من اصل اوربى والعفشة كمان علشان التوكيل لو خلع الانسان يقدر يتصرف انما لو الامر على بودى السيارة صينى فعندى احسن لان الحديد فى الصين رخيص ودمتم
|
رد: ** إستطلاع و نقاش عقلاني حول الصيني **
كل وسائل الأمان الموجودة لم تشفع لها في اختبارات الأمان الأوروبية فهي عديمة النفع !!!
|
| الساعة الآن 08:47 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017