1400 ولا 1600 ولا 1800 جولف 4
 

رد: 1400 ولا 1600 ولا 1800 جولف 4
 

حضرتك معتقدش ان في حد هنا معاه جولف4 بالتالي مش هتلاقي ردود لو حضرتك حبيت تشوف ردود الناس اللي معندهاش بس فاهمه احنا تحت امرك

رد: 1400 ولا 1600 ولا 1800 جولف 4
 

ياعم كفايه انك رديت دى عندى كفايه بس انا مش كاتب اللى عنده العربيه بس وكاتب كمان اللى عنده خبره فيها وانا ماعنديش حاجه من دى بس من كلامك ان انته عندك الخبره وانا الصراحه كنت هجيب اى عربيه وخلاص بس لقيت انى ممكن ااجيب المانى بس انا معنديش خبره فى الجولف لكن انا ركبت مرسيدس وبى ام قديم

رد: 1400 ولا 1600 ولا 1800 جولف 4
 

مفيش مشاكل يا باشا..

الفروقات بين المحركات طبعا في السعة اللترية و القدرة الحصانية و العزم ده اكيد

ال1400 ده 75 حصان
ال 1600 102 حصان ده ال 8 صباب الموجود هنا
و في 16 صباب 105 حصان 1600 برضه
و ال 1800 3 مواتير 125 حصان و 150 و 180 حصان بشاحن تربو لاخر موتورين ال 150 و ال 180

كل ما السي سي زاد الضريبة تزيد و طبعا سعر العربية نفسه هيزيد

التكييف عايز حد جربو عشان يحكم عليه و انا بصراحة مرجبتش تكييفها عامل ازاي

الجولف 4 عموما حاجتها غالية مش رخيصة اوي الماني و جولف بقي ال 1400 حاجته متوافره عادي اما ال 1600 و ال 1800 اقل و لازم تنزل الحرفيين في ال 1800 و كده لان الموتور ده قليل جدا في مصر

لو حملت ورا هتحك لان العربية سبور و واطيه اساسا لتدعيم ثباتها بالتالي هتحك بس خد المطب بالهداوه و بالعرض هيعدي


http://en.wikipedia.org/wiki/Volkswagen_Golf_Mk4

المواتير كلها هنا بقدراتها

رد: 1400 ولا 1600 ولا 1800 جولف 4
 

اولا: الف شكر لتعبك
ثانيا: انا اتاخرت عليك فى الشكر لانى كنت مسافر
ثالثا:طيب انا دلوقتى لو قدامى 1400 و 1800 ونفس الحاله الاتنين هيبقوا بنفس السعر ولا المفروض تبقى ال1800 ارخص عشان الضريبه زى اللى كان بيحصل زمان فى المرسيدس ال200 وال230 ولا لا

رد: 1400 ولا 1600 ولا 1800 جولف 4
 

لا شكر علي واجب يا باشا :)

حمدالله علي السلامة

ال 1800 اغلي يا باشا اللي كان بيحصل زمان ده مش موجود دلوقتي ال 1800 اغلي لانها اقوي بكتير و لو 1800 ستوك هتبقي احلي بكتير من ال 1400 خصوصا لو 150حصان تربو او 180 تربو بس عشان برضه متلبسش في الحيط قطع غيارها هتبقي مش سهله زي ال 1400 و هتضطر انك تبقي راشق في الحرفيين و بورسعيد علي طول عشان تجيب حاجتها لكن في المقابل عربية تحفة

رد: 1400 ولا 1600 ولا 1800 جولف 4
 

رأيي خليك في الـ 1400 سي سي
مش عشان الضؤيبه لأن فرق الضريبه مش كبير
الضريبه بتبقى خزعبليه في حالة العربيه تكون أكتر من 2000 سي سي
أما ماهو أقل من ذلك فبتكون قريبه من بعض جدا جدا
ولكن قطع الغيار للـ 1800 سي سي حتعذبك ومش حتلاقيها بسهوله وحيتحكموا فيك في الحرفيين وبور سعيد
وهيه عربيه ممتازه كما قال لك أخي محمد إبيزا ومفيش عليها كلام
بس التكييف مش جبار ولكنه ليس بسيء أبدا
وربنا يوفقك