فيلم عن تغيير زيت الكروز
 

السلام عليكم

ارسل لكم فيلم عن تغيير زيت المحرك للسيارة كروز

http://www.youtube.com/watch?v=tF7HQaDsLT0

اطيب تحية

سيف

العراق

رد: فيلم عن تغيير زيت الكروز
 

شكرا حبي ابو السوف
بس عندي ملاحظة بسيطة
كمية الزيت اللي استخدمت في الفيلم (4 لتر) فقط مع الفلتر
ولو شفت بآخر الفيلم بالدقيقة 09:50 مقياس الزيت تحت ثقب الماكس بحدود 2ملم
مع العلم ان الشفروليت كروز بحجم المحرك اللي بالفيديو (1.6 و 1.8) المفروض تاخذ 4.5 لتر مع الفلتر
وحسب الكتالوك
ورقم الزيت هو SAE 5W/30

رد: فيلم عن تغيير زيت الكروز
 

السلام عليكم

اعذرني لم انتبة لها

انت تستخدم نفس الزيت الموضح في الفيلم؟؟؟

وصل لك جواب على موضوع زيت الكير ام لا؟؟؟

اي سؤال انا بالخدمة

اطيب تحية

سيف

العراق

رد: فيلم عن تغيير زيت الكروز
 

معذور حبي اصلا النص لتر ما تأثر طالما ما نزلنا لاكثر من ثلاث ارباع الكيج

نعم استخدم نفس الرقم للزيت بس الماركة تختلف لانه ماركة كاسترول الموجودة بالاسواق مغشوشه حسب ما يقال (اماراتي) والله اعلم
عادة استخدم (ليكوي مولي) , (توتال) ومرات استخدم (كاسترول جي تي أكس)

لحد الآن ماكو رد

مشكور ماقصرت...

رد: فيلم عن تغيير زيت الكروز
 

السلام عليكم

حبيبي الغالي استخدم فقط زيت ليكوي مولي لان موادة الخام افضل من اي زيت اخر توتال ليس بنفس جودة ليكوي مولي

حبيت ان اسئلك كيف عرفت ان زيوت كاسترول مغشوشة؟؟؟

انا اليوم بعد الدوام روحت لوكالة جي ام في بغداد وسئلت عن مركز صيانة في البصرة وقالوا لي لايوجد!!

الكروز الجديدة سعرها بدون رقم حوالي 17 الف الى 18 الف دولار بس مااعرف نوع المحرك

عندي ملاحظة
مي الرديتر في الكروز لازم يكون احمر ؟؟؟
ماهو رائيك

اطيب تحية

سيف

العراق

رد: فيلم عن تغيير زيت الكروز
 

السلام عليكم

الكروز الي موجودة بالوكالة هي الشكل الجديد 2013 بيها اختلاف بسيط بالبروجكترات مال الدعامية الامامية
وبيها نظام (My Link) يعني فقط اضافات كماليات...الخ
وبالنسبة للمحرك هو 1800 ونفسه بالموديلات السابقة والكير كذلك نفسه
ونسيت اكولك اليوم جاوبوني على الرسالة بخصوص زيت الكير
اجابوا انه لا يوجد موديل لاسيتي تم بيعه من جنرال موتورز في الشرق الاوسط
بل بيعت فقط كروز وبمحرك 1.8 وللمزيد من المعلومات اتبع كتالوك السيارة المرفق معها او راجع شركة المنصور العراقية في دولتك (العراق/ بغداد) شركة المنصور العراقية.
يعني ما انطوني جواب شافي شمروها على الوكالة
عالعموم...
بالنسبة لماء الراديتر استعمل الاخضر
لانه المووجود بيها اصلا اخضر
ومره استبدلته بماء عادي
ومره احمر
وبعدين رجعت الاخضر استعملت نوع امريكي من (Abro) وصارله بالسيارة فترة طويلة وبدون اي مشاكل
واعتقد لون الماء ما يأثر هو للتمييز فقط لان المواد المضافة هي نفسها مانع الصدأ اثيليلن جليكول ومواد اخرى واللون مو فد شي هذا حسب رأيي وتجربتي.
بس اكو انواع من الماء الاحمر بيها لزوجه عالية حسب مايكولون تكون خفيفة على الواتر بمب بس اعتقد بسبب مشاكل بالجوينات لانها لزجه وسهل تتسرب وتفلت الجوينات الراخيه.
وبالنسبة للزيوت المغشوشة هذا كلام التجار والمحلات
والله اعلم
تحياتي ....

رد: فيلم عن تغيير زيت الكروز
 

السلام عليكم

لاتوجد مشكلة انا اراح احاول زيارة مركز الصانة في بغداد واشوف الحل

هي شركة المنصور في العراق هي شركة مصرية وهو نفس الوكيل في مصر

حل اخر وهو

الاتصال ب
Wholesale Distributor: MAC International
Mailing Address: PO Box 17991, Jebel Ali Dubai-UAE
Telephone: +971 4 3989558
Fax: +971 4 3988912
Contact Person: Sharif Kurban
Designation: Parts Specialist
Direct Phone: +971 50 6562366 / 4546324
E-mail: sharif_kurban@maciraq.com

شركة اية سي ديلكو هي المصنعة لكل مكونات سيارات ومن ضمنها زيت الكير والفلتر نفس الرسالة التي ارسلتها الى شركة جي ام ارسلها لهم

اي سؤال انا حاضر

اطيب تحية

سيف

العراق