|
من الدائري إلى المنيا ... أين الطريق المناسب ؟؟؟
(بسم الله) أحبتي الكرام إن شاء الله أنا مسافر غدا ( فجر الجمعة ) إلى المنيا - مركز سمالوط قرية إطسا - و عايز بعد إذنكم أعرف أنسب طريق للوصول خاصة و أني سأوصل أخي و زوجته الحامل لتضع حملها في البلد ، أنا أول مرة أسافر للصعيد فلا أعرف أي اتجاه يجب أن يكون عليه سفرنا ... رحلتنا ستبدأ من عند موقف العاشر، يللا يا شباب انتظر مساهمتكم |
رد: من الدائري إلى المنيا ... أين الطريق المناسب ؟؟؟
هتاخد الدائرى فى اتجاه اوتوستراد المعادى وتنزل نزلة اوتوستراد المعادى وتلف اليوترن فى اتجاه حلوان وتكمل طريق الاوتوستراد لغاية اخره هيوصلك على طريق الكريمات ومنه الى المنيا ان شاء الله والطريق حلو جدا وتقدر تجرى عليه زى ما انت عايز بس الافضل خليك فى السرعة المقررة وهى 120كم/س
وفى طريق اسيوط الغربى بس رطريق رخم وكله مطبات ومش امان الصراحة .. طريق الكريمات بتاع الجيش انظف بكتيررررر وتوصلوا بالسلامة ان شاء الله وتطمنوا على جماعة اخوك العزيز |
رد: من الدائري إلى المنيا ... أين الطريق المناسب ؟؟؟
اقتباس:
أولاً شكرا على ذوقك و سرعة ردك ، طيب علشن انا مش عارف الطريق ده فمعلش استحملني شوية ، يعني نا هامسك طريق السويس ( من نفق موقف العاشر ) و افضل لغاية ما يتقاطع الطريق مع الاوتوستراد ساعتها انزل يوتيرن اتجاه حلوان حتى يافطة بداية طريق الكريمات ؟ طيب هو طريق الجيش ده مكمل لحد المنيا و لا هاحتاج امشي في وصلة من طريق اسيوط المتعب ؟ و أخيرا طيب هل هناك خدمات جيده على الطريق و لا ؟ و اخبار الرادارات و أمان الطريق ، يعني الطريق مليان نقاط أمنية و لجان و لا ممكن يبقى مش مأمون ؟ طولت عليكم معلش |
رد: من الدائري إلى المنيا ... أين الطريق المناسب ؟؟؟
اقتباس:
|
رد: من الدائري إلى المنيا ... أين الطريق المناسب ؟؟؟
اقتباس:
هههههههه ... يوصل يا استاذ محمد ، هاسلملك عليهم نفر نفر ( طبعاً واسعة دي ) ، طيب وصفتي للطريق إللي رديت بيها على الأستاذ تونسي مظبوطة ؟ انت عارف أثار التعليم مجاني بقى |
رد: من الدائري إلى المنيا ... أين الطريق المناسب ؟؟؟
يا باشا ده افضل وأءمن طريق تمشى عليه للصعيد والجرى فيه امان وما اعتقدتش انه عليه ردارات
وهو ده الطريق الشرقى والخدمات عليه مش كتير زى ما قالك اخونا محمد مون من وطنية اللى قبل الكارتة وظبط كاوتشك اهم حاجة ما تسافرش والكاوتش تعبان او فيه مشاكل يا اما تمشى على مهلك وربنا هو الستار الطريق الغربى بتاع اسيوط زى الزفت والتثبيت عليه كتير اخويا جماعته من هناك وكان عندهم معزى ووصفتله الطريق وشكر فيه كتير لانى الصراحة كان اخرى فيه مخرج بنى سويف وفعلا انتبه لموضوع اليفط علشان تنزل فى مخرج المنيا لحسن تروح اسيوط وتوصلوا بالسلامة ان شاء الله |
رد: من الدائري إلى المنيا ... أين الطريق المناسب ؟؟؟
الشكر ليكم انتم الاثنين على تفاعلكم و و وصفكم |
| الساعة الآن 05:55 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017