|
تقرير وافى عن 113 بعد سنتين من الاستخدام
بداية انا و العياذ بالله من أنا امتلك عدد 2 سيارة 113 من 10 2010 موديل 2011 و الملك لله وحدة .. خبرتى فى مجال السيارات اكاد ازعم بانها ليست ضعيفة ولكن متواضعة ولكن بركب عربيات و بغير فى خلال 12 سنة غيرت حوالى 8 عربيات من الفيات الى البيجو الى الفورد الى السوزوكى الى الهيونداى.. السيارة بعد سنتين من الاستخدام المتوسط ( 32000 ) كم بعد سنتين تكاد تكون اكثر من رائعة مقارنة بسعرها العيوب الاساسية اللة كلنا عارفينها: طبعا العفشة و نشوفيتها و الكاوتش و البلالين و الخامات الرديئة للكاوتشات و الجلود و الخراطيم التوكيل اللى بتروح تدفع فية فلوس و تمشى بدون اى فرق المزايا : قطع غيار متوفرة و اسعارها ليست ما يطلق علية غالية نار مقارنة بموديل السيارة و مثيلتها فى السوق ثبات على الطريق مع السرعات العالية ( بعد التجربة ) على اكثر من طريق سفر عزم الموتور بالنسبة الى انها 1300 و صينى = رائع التكييف بالنسبة الى انها 1300 و صينى = ممتاز الصالون و التقفيل و الوسع الداخلى = جيد جدا مساحة الشنطة = متوسط او اقل بقليل قطع الغيار التى تم استبدالها و اسعارها : فانوس الشبورة ( مرتين ) مرة ب 120 اصلى و الوش بتاعة زجاج و المرة التانية مضروب ب 70 و الوش بتاعة بلاستيك مساحة زجاج خلفى ( حوالى 6 مرات ) متغيرة السعر من 20 الى 45 الطاسة الصغيرة فى الجنط اللى عليها علامة اسبرانزا 3 مرات ب 20 الى 30 فلتر هواء مرة واحدة ب 35 فلتر البنزين مرة واحدة ب 75 علامة اسبرانزا الخلفية و الامامية ب 7 جنية من برة و ب 30 من التوكيل خرطوم الباور مرتين منهم واحدة ب 175 و التانية ب 90 مساعدين امامى ب 500 مساعدين خلفى ب 450 تيل الفرامل ب 70 الى 90 حسب النوع و المصدر كفة مراية ( الزجاجة فقط ) ب 35 طبعا انا خرجت من الضمان بعد 5 صيانات لقيت الموضوع ضحك على الدقون فقررت التعامل خارج الضمان و كان قرار صائب الحمد لله المشاكل كلها اتحلت تقريبا و بأسعار تكاد تكون ببلاش اذا ما قورنت بالتوكيل و اى سؤال انا فى الخدمة أخوكم محمد 01004555697 |
رد: تقرير وافى عن 113 بعد سنتين من الاستخدام
موضوع رائع وتقرير أكثر من رائع :THE_PR~18: وتم التثبيت لأهميته |
رد: تقرير وافى عن 113 بعد سنتين من الاستخدام
شكرا جزيلا على التثبيت و اشكرك على رائيك و مشاركتك
|
رد: تقرير وافى عن 113 بعد سنتين من الاستخدام
شكرا على تقريرك الرائع : كنت افكر في شراء هذه السيارة فبماذا تنصحني خاصة انا ارى ان المتغير في السيارة خلال سنتين كما ذكرت اسعاره جيدة لكن كثير جدا
|
رد: تقرير وافى عن 113 بعد سنتين من الاستخدام
ربنا يبارك
|
رد: تقرير وافى عن 113 بعد سنتين من الاستخدام
شكرا جدا ع الموضوع بس الواضح ان قطع غيارها غير معمره بالمره وخصوصا ان العربيه تعتبر لسه جديده امال بعد 5 سنين هتغير ايه بس ع العموم ربنا يباركلك فيها وتكتفي باللي حضرتك غيرتهلها
|
رد: تقرير وافى عن 113 بعد سنتين من الاستخدام
الف شكر علي التقرير الرائع
انت كنت فعلا منصف في تقييمك وانا متفق معاك في مميزات ومشاكل العربيه وانا احب أأكد للي شايفين ان انت غيرت حاجات كتير في العربيه وده يوحي ان العربيه فعلا متستحملش واقولهم ان ده بسبب حاله البلد مش حاله العربيه خصوصا المساحات الخلفيه اللي الاطفال في مصر بيحبوا يتمرجحوا بيهم والعلامات اللي التكاتك بيجمعوهم وكف المرايه اللي سميناه كف من كتر العربيات ما بتسلم بيه علي بعض اما الفلاتر والتيل كده كده لازم تتغير مع الصيانات حتي لو سليمه والمساعدين مفتكرش ان كان فيهم مشكله محتاجه تغيير كل المساعدين فبيتهيألي انك غيرتهم لنوع احسن عندي طلب من حضرتك بقي انك تعرفنا بتجيب قطع غيارها منين وهل بتلاقي فرق بين الانواع الرخيصه والغاليه ولا محصله بعضها ؟ |
| الساعة الآن 05:57 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017