سؤال عن بعض الأشياء فى 405
 

أنا عندى 405 مو 94 وكانت مرفوعة فى حدود 8 سنوات والأن العداد 195000 كلم.
وطبعا الرفع سببلها بعض البهدلة ...
أول حاجة عندى صوت فى الماتور ...سألت الميكانيكى قال فيه صوت عند البساتيم وشكلها كدة بتشخلل ...وقالى مش محتاجة عمرة ولا حاجة ولسة كتير عليها ولا 200000 كلم كمان ..وصوت السيارة عالى نسبيا "تكتكة"..سألت على الطقم لقيتوا ب 5000 أصلى بيجو وطقم السبايك ب 500 من الراجل اللى بيورد للتوكيل ...وكمان عندى التكييف فيه صوت ..سألت قالى الراجل "شفط سيل" ولو اتصلح مش حيعد كتير ..هو بيبرد تلاجة لكن بشحن ممكن مرتين فى الصيف ... ممكن حد بفيدنى فى الحالة دى ..مع العلم إن السيارة لا تدخن لا ابيض ولا اسود ما العمل ... وكمان أنا حوضب بالكامل ...ممكن حد يدللنى على الخطوات الصحيحة (ميكانيكة - عفشة - سمكرة ودوكو - كهرباء - فرش)؟؟ وكمان فى حد ممكن أتعمل معاه فى قطع الغيار وتكون أصلى .. أنا من القاهرة...شكرا

رد: سؤال عن بعض الأشياء فى 405
 

معقولة 75 واحد شاف الكلام ومردش عليا ... أنا فعلا محتاج حد يرد عليا ...ممكن

رد: سؤال عن بعض الأشياء فى 405
 

اعتقد قطع غيارها الاصليه موجوده في شارع مجلس الامه بوسط البلد وشارع دمشق بمصر الجديده واهم حاجه ربنا يكرمك بميكانيكي بيجو عنده ضمير تشوف حكاية الصوت اللي في الموتور وتعمله سيرفيس كامل وبعد كده نروح لعفشجي يشيكلك علي العفشه وبالنسبه للتكييف ممكن تروح توكيل ساندن في المعادي 26شارع النصر اسمع انهم ممتازين وآخر حاجه السمكره والدوكو علشان تبقي راكب عربيه علي الزيرو تاني وربنا يكرمك بيها ويرزقك احسن منها

:fun_36_3_16[1]::fun_36_3_16[1]::fun_36_3_16[1]:

رد: سؤال عن بعض الأشياء فى 405
 

أشكرك جزيل الشكر..الميكانيكى قالى الصوت ده ..صوت بستيم بيشخلل والصوت بيروح لما العربية تسخن واحيانا لأ..هل كدة محتاجة عمرة ...ولا أعمل أيه ..ولا أكشف الأول عن كبس الماتور وأشوف نسبته ..أو تعرف حد أمين بفيدنى..أنا الميكانيكى قال لما الماتور يجيب اخره..نعلمها قبل كدة حتكلفك على الفاضى ..إيه الرأى؟؟

رد: سؤال عن بعض الأشياء فى 405
 

اخى الكريم :محمدصلاح :السلام عليكم
عليك فى البداية تغير كل الزيوت والفلاتر والسيور والبلى والبوجيهات و مياة التبريد
لا تنسى ان عدم استخدام السيارة لمدة8 سنوات تسبب فى جفاف كل الاجزاء الكاوتش وفساد حالة الزيت وجفاف السيل والجوانات الخاصة بالتكييف
وجفاف اجزاء من العفشة وبالاخص القطع الكاوتشوك
رتب الاولويات حسب ظروفك وتمم كل شىء على حدة تحصل فى النهاية على سيارة ممتازة إن شاء الله

رد: سؤال عن بعض الأشياء فى 405
 

يا أخى مبروك اعادة احياء هذه السيارة العظيمة -- بالنسبة للمشاكل اللى عندك انت لازم الاول تعرف ان الموتور لو هيكلفك كتير فى التصليح يبقى تغيره و تجيب واحد استيراد أفضل و أرخص و هو لن يتعدى 4 الاف جنيه و هيتغير فى نفس اليوم و هتلاقيه فى الحرفيين

لكن قبل القرار ده لازم تتأكد من اللى هتعملعه ... يعنى لازم تفك العفشة و الكبالن و قواعد الموتور و تنظفهم و تشحمهم و تربهم تانى و تغير الزيت و تشوف اللى نازل من الموتور ده زيت محروق أو مخلط بمياه (طحينة) و لا لأ

و من غير زعل .... ما ينفعش تجيب قطع للموتور القديم من التوكيل جديد لأنك كدة كدة هتغير الباقى ... يبقى تغيير الموتور أفضل من تصليحه

رد: سؤال عن بعض الأشياء فى 405
 

أشكركم جميعا...بس إحنا بدأنا الأسبوع الماضى ..ولما الميكانيكى فتح ونضف مكان الصدأ فى الفارغة ..إكتشفنا وجود خرم صدأ منفد على الناحية التانية ... وتقريبا كان فيه حرمين كمان.... فالحمد لله ربنا كرمنا بواحد إستيراد خاتو سورت بلوك وحالتوا كويسة جدا وكمان جاى وتكهاتوا مفتوحة ...أنا إستلمتها من أسبوع ...جربناها كويسة بس فى حاجة صغيرة ...أول ما بتدور بنسمع صوت تكتكة لمدة 5-10 ثوانى فلما سألت الميكانيكى قالة علشان الزيت مطلعش علطول ..ٌالى علشان التكهات مفتوحة والزيت ممكن يكون خفيف من إن إحنا حطينا شل الأصفر..وجربت أجرى بيها كابت 160 مستريح وطعا علشان الطريق ملحقتش أكمل ححاول مرة تانية وأشوف أخرها.....

فى دول الخليج بيستعملوا المياه بتاعة البطاريات فى الريدياتير بدون تخفيف ولما سألت هنا فى مصر قالولى لا يمكن ده ياكل الماتور ... لحد ما حد قالى الكلام ده صح بس أنا معرفش فى مصر تتخفف تانى ولا لأ ممكن حد يفيدنى وايه النوع اللى ممكن مش يكون ملعوب فيه (تابع لأى شركة) علشان مش يحصل حاجة للماتور والفارغة علشان أنا إتعقدت ... علشان كمان بحس إن المياه الخضراء حتى لو أمريكى مجرد لوون؟؟

* عندى لمبة البططارية فى العداد مش يتنور هل فيه حاجة فى التوصيلات مع البطارية فى الماتور تكون حصلت لما الميكانيكة فصلها؟ <!-- / message --><!-- مواضيع العضو بوست بت -->