الى اخي wathi8
 

السلام عليكم

كنت اريد ان اعرف هل حلت مشكلة الحماوة في سيارتك ام لا؟؟؟؟؟؟؟؟؟؟؟

وسيارتك كم كيلو متر مشت؟؟؟؟؟؟؟؟؟؟

وهل كان ماء الراديتر الاصلي الاحمر موجود عند حدوث مشكلة الحماوة ؟؟؟؟؟؟؟؟؟

اطيب تحية

سيف
العراق

رد: الى اخي wathi8
 

متااااااااااااابع

رد: الى اخي wathi8
 

اهلا وسهلا حبي
الحمد لله حليت مشكلة الحماوة من زمان طلع الكاور بيه عواج وسويته بالتورنه وبدلت كازكيت
وجام سببها تسريب بماي الراديتر ماجنت منتبه اله الى ان خلص الماي وحمت السيارة وماطفيتها الى ان طفت وحدها بعد ان تجاوزت الحماوة الخط الاحمر وصار عواج بالكاور واللي يسمونه الاخوان المصريين (وش جوان سلندر)
وهذا الحجي قبل سنة تقريبا وراحت المشكلة شلع
وللعلم السيارة من حمت دكت جرس تنبيه وكل ماتصعد الحرارة يعلى صوت الجرس بس انا جنت غشيم بهاي الشغله استمريت بالمشي
المهم نرجع لسؤالك
سيارتي مشت لحد هسه 58000 كيلومتر
والحماوة ثابته نص ما تتجاوزه
والماء الجان بيها الاخضر الاصلي بس حشاك فيتر حمار ما جان مشتغل عدل وصار تسريب وطلع الماء الاصلي
وحاليا استعمل ماء اخضر من شركة Abro انتاج أمريكي أصلي صارله اكثر من 8 اشهر بالسيارة وهذا الماء بيه خواص ضد الغليان (Coolant) لون الدبه أصفر
وتره اللاسيتي بيه شغله كلش حلوة من تشغل التبريد تنزل الحماوة جوه النص بهواي بالضبط مثل اليوكن
وأي سؤال ثاني لا تتردد

رد: الى اخي wathi8
 

اهلا وسهلا حبي
الحمد لله حليت مشكلة الحماوة من زمان طلع الكاور بيه عواج وسويته بالتورنه وبدلت كازكيت
وجام سببها تسريب بماي الراديتر ماجنت منتبه اله الى ان خلص الماي وحمت السيارة وماطفيتها الى ان طفت وحدها بعد ان تجاوزت الحماوة الخط الاحمر وصار عواج بالكاور واللي يسمونه الاخوان المصريين (وش جوان سلندر)
وهذا الحجي قبل سنة تقريبا وراحت المشكلة شلع
وللعلم السيارة من حمت دكت جرس تنبيه وكل ماتصعد الحرارة يعلى صوت الجرس بس انا جنت غشيم بهاي الشغله استمريت بالمشي
المهم نرجع لسؤالك
سيارتي مشت لحد هسه 58000 كيلومتر
والحماوة ثابته نص ما تتجاوزه
والماء الجان بيها الاخضر الاصلي بس حشاك فيتر حمار ما جان مشتغل عدل وصار تسريب وطلع الماء الاصلي
وحاليا استعمل ماء اخضر من شركة Abro انتاج أمريكي أصلي صارله اكثر من 8 اشهر بالسيارة وهذا الماء بيه خواص ضد الغليان (Coolant) لون الدبه أصفر
وتره اللاسيتي بيه شغله كلش حلوة من تشغل التبريد تنزل الحماوة جوه النص بهواي بالضبط مثل اليوكن
وأي سؤال ثاني لا تتردد

رد: الى اخي wathi8
 

السلام عليكم

الحمد للة انة تم حل مشكلة سيارتك واعرني عن التاخر بالجواب عليك


حبيبي الغالي هل غيرت قايش التايمك في سيارتك

وبالنسبة الى وحدة التحكم بالمحرك المفروض انها مصممة ضد الماء لماذا لما تسريبل المي تعطلت

ولماذا لم تستخدم وحدة تحكم الموجود بالافيو الاميركي او الاوبترا لانها تحتوي على نفس المحرك

واي مساعدة او سؤال انا جاهز

اطيب تحية

سيف

العراق

رد: الى اخي wathi8
 

حبي ابو السوف
وحدة التحكم تعطلت لان الماء جان حار (يچوي) وهي غلافها فافون ولهذا توقف والصراحة بعد ما اشتريت وحدة تحكم جديدة , ابو العقول گال تصليح القديمه جدا سهل بس يكلف 4 الى 6 ورقات (تقفيص) وانا تركتها واستخدمت الجديدة وطبعا سعرها 12 ورقة
وبالنسبة لوحدة التحكم بالافيو والاوبترا الوارد الامريكي تختلف كضفيرة ولازم تحوير وانا عقلي يطير من سالفة سيارة جديدة وتحورلها شي مو الها

وشغلة قايش التايمن لا والله بعد لهسه ما مبدله بس كل ما افتح الغطاء واجيكه اشوفه بعده جديد
وحتى لو غيرته مااحصل أصلي (ماكو مثل البلادي) رغم ان السيارة مشت 58000 كليومتر لحد هسه
وهي تبقى شغلة حظ لا اكثر ولا اقل
جانت عندي دايو محرك مسكر همين من سنة 2005 لغاية 2011 ما غيرنا القايش تايمن وهمين جان ربل مو حديد بس لانه بلادي وماكو جهد قوي على السيارة يعني مشي عقلاني ولحد ما بعتها هو القايش الاصلي بيها.

واشكرك على عرض المساعدة

رد: الى اخي wathi8
 

السلام عليكم

اخي الغالي افضل جدا تغيير قايش التايمنج مع الشداد حتى لا تتكر نفس الماساة وترجع تفتح كور مخسارة فلوس مرة

والقايش الاصل ممكن تركب الاوبترا او الافيو الاميركي واذا لم ينفع ممكن تتصل بالشركة المصنعة ويرسلو واحد

اتصل بهذا العنوان
customerservice@gmarabia. com

في دبي وترسل لهم رقم الشاصي ويكتب VIN

القايش يبدل على الكيلومتر وليس الاستخدام الخفيف للسيارة

واي سؤال انا حاضر

سيف
العراق