مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   اليابانى العام (https://www.masrmotors.com/vb/forumdisplay.php?f=81)
-   -   طلب مش هيتكرر (https://www.masrmotors.com/vb/showthread.php?t=100846)

faroukzen 23-10-2012 06:20 PM

طلب مش هيتكرر
 
فرح اخويا فى العيد عقبال عندكم وانا هزفه بعربيتى او بعربيه ولدى فكنت عاوز اعرف افضل طريقه الامركه بالعربيه لو كانت مانوال زى عربيتى ولو اتوماتيك زى العربيه التانيه هيبقى النظام ايه انا عارف ان هى ليها اضراروبتهلك العربيه فياريت الى يكتب ميعلقش على الاضرار هى مره فى العمر ومش هتتقررتانى وكنت شوفت فى زفه قبل كده عربيه لانسر بتدرفت وبيبقى العجل الى ورا واقف والعربيه بتعوم فعاوز اعرف الطريقه وجزاكم الله خيرا مع العلم ان السيارتين يابانى

MmFFoR 23-10-2012 06:38 PM

رد: طلب مش هيتكرر
 
العربية اللي عايز تأمرك بيها نوعها ايه - جر امامي ام خلفي

مانيوال واللا اوتو

samirsaid1 23-10-2012 06:40 PM

رد: طلب مش هيتكرر
 
حبيبى :286:

اولا ألف مبروك

ابعد عن الموضوع دة زف العريس والعروسة زى مانت عاوز

وامشى بطبيعتك لو لقيت حد بيلعب بالعربيات او موتسيكلات حواليك ابعد عنهم

انا عملت بعيد عنك وعن السامعين حادثة جامدة بسبب موتوسيكل وانا بزف بنت عمى والحمد لله ربنا سترها بالرغم من الخبطة كانت جامدة بس الحمد لله طلعوا بخير وانا دفعت 4 الاف جنية

فنصيحة من مجرب ابعد عن المواضيع دى خالص
افرح فى القاعة زى مانت عاوز بلاش برة

والف مبروك :140109~347::140109~347:

sherifabden 23-10-2012 06:41 PM

رد: طلب مش هيتكرر
 
على حسب معلوماتي المتواضعة
الطلعة الامريكاني صعبة شوية بعربية دفع امامي وبصراحة معرفهاش للامانة
ولو عايز تخمس او تعمل دريفت تشد بالعربية لحد ماتوصل لسرعة حلوة
40 مثلا
شد فرامل الايد واكسر الطارة جامد شمال او يمين
حاجات متعملهاش واحذر منها لو هتخمس
1/ تبقا تخمس بالعربية في حتة واسعة يعني ميكونش فيها ناس او عربيات لانك ممكن متعرفش تتحكم في العربية والعربية تخبط في حد لا قدر الله
2/ اياك ترفع فرامل الايد وانتا على سرعة عالية احسن العربية تتقلب بيك لا قدر الله
3/ لو العربية مانيوال اضغط الدبرياج وانتا بتخمس علشان اسطوانة الدبرياج ولو اوتو اعتقد والله اعلم انها مش هتفرق اوي
اهم حاجة بعد ما تخمس تروح للعفشجي يربطلك العفشة وتروح لواحد يضبطلك الجنوط لانها اكيد هتتعوج من التخميس وتجيب 4 فرد كاوتشات جديدة
ويستحسن التخميس على ارض اسفلت نضيفة وناعمة
ويستحسن برضه انك تخمس بعربيتك انتا علشان لو الحج شافك وانتا بتخمس بعربيته يبقا ربنا يتولاك برحمته هههههههه
وان شاء الله حد من الاعضاء يفيدك اكتر ويديك معلومات اكتر :01FDAB~189:



Hisham.Elgazzar 23-10-2012 07:29 PM

رد: طلب مش هيتكرر
 
444546بشجعك بشدة انك تسأل قبل ماتبوظ العربية لكن عموما يفضل تكون الأرض عليها رملة
لو العربية دفع امامى هتحط ايدك على زرار فرامل اليد وترفع وتحرق شوية بنزين بدفعات متتاليه وتسيب دبرياج واحدة واحدة هتلاقى العجل بيحرق فى الأرض
ده والعجل استريت لأن لو كاسر العجل ممكن العربية تجيب كوبلن لو كبالنها ضعيفة
ساعتها هتندم


واهم حاجة تكون مراجع على الفرامل وزيت الموتور يكون جديد
ولو تكون ظابط ضغط الكاوتش على 30 يبقى تمام اوى

ومهم اوى برضو تكون عينك فوسط راسك ومركز مع العربية عشان تقدر تلم نفسك لو جد فى الأمور جديد

وخلى حد يصورك بالموبايل عشان نض.... نفرحلك :12A96E~160:

الطريقة دى العربية المانيوال وماتتعملش مع الاوتوماتيك خااااالص لأن التعويرة فى الأوتوماتيك :bb127bc6eab060e3e23


تحياتى لك وعقبال فرحك بإذن الله

porosski 23-10-2012 10:30 PM

رد: طلب مش هيتكرر
 
بص يامعلم اولا انا هقولك على طريقة سهلة جدا وتعتبر اقل الطرق خطرا عليك وعلى العربية وسهلة جدا واي حد يقدر يعملها حتى لو لسة متعلم سواقة وكمان مافيهاش فرك بالعربية جامد وتتعمل عادي على سرعة قليلة وبهدوء بس اهم حاجة لازم تكون الارض اسفلت ناعم ونضيف و طبعا تكون منطقة واسعة.الطريقة اسمها برة tray drifting وtray يعني صينية زي زي صينية الشاي اللي في القهاوي البلدي اللي بتبقى معدن بس مشكلتها انها مع ال drift لوقت طويل بتسخن جامد من الاحتكاك وبتبوظ الكاوتش ...احسن حل انك تجيب بلاطة سيراميك مقاس 25 سم في 25سم وتكون خامتها كويسة وتكون سميكة مش رفيعة وتكون ملساء خالص ناعمة من غير اي نقش عليها وتروح المكان اللي في اسفلت كويس وواسع وتكون العربية مانيوال افضل وتحط البلاطة على الاسفلت ويكون والوجه الناعم هو اللي ملامس للاسفلت وتطلع بالفردة اليمين الخلفية على البلاطة بس بالراحة خالص علشان ماتتكسرش وتشد فرامل اليد واطلع وانت بتكسر الدريكسيون يمين و شمال وعيش يامعلم براحتك وطبعا مش هارغي كتير علي انك تخلي بالك من الناس اللي في الشارع و إن الموضوع مهما كان غلط عليك وعلى الناس اللي في الشارع وعلى العربية بس انت فيك عقل وانت ادرى بظروفك وربنا يهديك ويهدينا
وده فيديو بيوضح كل الشرح اللي قولتهولك بس اللي في الفيديو ده معمول بالصينية المعدن بس السيراميك زي ماقولتلك افضل ....اي ﺧﺪﻣﺔ
https://www.youtube.com/watch?v=xgeP...e_gdata_player

amr elsisi 1 23-10-2012 10:59 PM

رد: طلب مش هيتكرر
 
http://www.youtube.com/watch?feature...&v=kUTlKaliW90

http://www.youtube.com/watch?feature...&v=kUTlKaliW90



:010104~171::010104~171:: 010104~171::CONGRA~238:


الساعة الآن 03:29 PM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017