|
سؤال لمالكي الماروتي
نويت إن شاء اشتري الماروتي عشان انا عارف ان هي عربيه اقتصاديه جدا بالذات في البنزين بس كان لي سؤال
انا إن شاء الله هنقل الشروق و شغلي في مدينه نصر تعتقدو العربية مش هتتعب بسرعه مع مشوار كبير زي ده كل يوم مره أو مرتين؟؟ وسؤال تاني... ايهم افضل الماروتي ولا الالتو ال800 بردو؟؟ أعتقد ان الفرق تكييف بس يا ريت تفيدوني عشان انا إن شاء الله نويت و مستني ردكم |
رد: سؤال لمالكي الماروتي
بص يا باشا..
بصراحة انا معرفش مسافتك قد ايه ولكن.. انا ساكن ف حدايق الاهرام وشغلي ف المهندسين.. والجراند ماروتي ماشية عنب... ربنا يسترها علينا جميعا..:THUMBS~220: |
رد: سؤال لمالكي الماروتي
الشروق طريق مصر السويس الصحراوى لو هاينزل مدينة نصر
وهى ما تنفعش على طريق السويس |
Re: سؤال لمالكي الماروتي
متخفش الماروتي تستحمل المشوار ده كل يوم
الفرق بين الماروتي والالتو ان الماروتي كاربيراتير والالتو انجكشن يعني المفروض انها موفره اكتر من الماروتي |
رد: سؤال لمالكي الماروتي
السلام عليكم مادام الطريق مسفلت ومش بتقرص فيها جامد الماروتي تستحمل المشوار وكمان قطع غيارها رخيصه جدا والدي بيقطع بيها مشوار محترم كل يوم في طرق ارايف زي الزفت وبغير لها عفشه تقريبا كل سنه اخر مره من كام شهر جايب اسكترا كامله بالبيض وطقم مساعدين امامي و مقصان وطقم كهرباء وقطع غيار تانيه كانو ب1070 جنيه فقط :danceW7::danceW7: والله المستعان |
رد: سؤال لمالكي الماروتي
طريق السويس كولة جرارات محملة سن بتاع الخرسانة جاى من الكيلو 101او من عتاقة
والطريق بطبيعة الحال سىء جدا العربية دى على الطريق دة هاتكون فى مهب الريح انا بمشى على الطريق دة بقالى 17 سنة انما العربية تمشى مش هاتقول لا ولكن ...... عنصر الامان مفقود |
رد: سؤال لمالكي الماروتي
الفرق بينهم التكييف بس زى ما سألت قي المصريه للسيارات
|
| الساعة الآن 06:57 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017