|
تغيير الكاتينة باكثر من 3000 جنيه
السلام عليكم،
عربيتي ماهيندرا و توكيلها البافارية، لما رحت اغير سير الكاتينة عند 60 الف جنيه اتكلفت فوق ال3000 جنيه بحجة انهم بيغيروا الكاتينة كلها، هل الرقم ده مبالغ فيه و الا لأ؟ و لما اتكلمت معاهم قالولي احمد ربنا دي كاتينة البريليانس جالينا فوق ال4000 جنيه! و هل يمكنني تغيير البكر و الشدادات و السير فقط خارج التوكيل؟ وهي في حالة تغيير كامل الكاتينة اغير تاني عند 120 و لا عند 100 زي ما كتيب الصيانة بيقول؟ |
رد: تغيير الكاتينة باكثر من 3000 جنيه
لأ نصيحة بلاش برا التوكيل بيخرجك من الضمان وبعدين لو سألت برا هتلاقى قطع الغيار أصلا اللى هتركب تمنها يعدى الألفين جنيه والباقى مصنعيات واى تكلفة أضافية
لكن التوكيل بيديلك ضمان على الشغل وعندهم ناس فاهمة شغلها بس كفاية ان التصليح بضمان عشان تحافظ على العربية سليمة اطول فترة ممكنة والله اعلم |
رد: تغيير الكاتينة باكثر من 3000 جنيه
الله يعينكPOLICEE
|
رد: تغيير الكاتينة باكثر من 3000 جنيه
اقتباس:
نزلت اشوف قطع الغيار من على الرف ب2500 جنيه روحت التوكيل قالولى 3000 جنيه بالضمان فكر كويس وإحسبها صح SLAM عشان كده قولتلك التوكيل أحسن وده عن تجربة |
رد: تغيير الكاتينة باكثر من 3000 جنيه
ما هو انا غيرت فعلا عند 60 الف من التوكيل، و بعدين انا دلوقتي بقيت برة الضمان، و انا من النوع اللي دايما بيخلي العربية جديدة علشان كدة جبت عربية جيب تستحمل، و بعدين انا في مصر و هي بلد قواتها الجوية بتطير بمقاتلات ميج 21 من الستينات وبسرعة ضعف سرعة الصوت لحد دلوقتي بفضل الصيانة فانا لست ساذجا لكي ارمي سيارة كل 7 او 10 سنوات ربنا يكفيني شر الحوادث، و لكن السؤال هو، هل التوكيل يستغل العميل لاحتكاره قطع الغيار؟ طيب هل المصنع في الهند عارف الكلام ده؟ و هل فعلا انت محتاج تغير الكاتينة كلها و لا كفاية البكر و الشدادات و السير؟ وشكرا لنصائحكم
|
رد: تغيير الكاتينة باكثر من 3000 جنيه
من الأخر لو دورت علي نفس قطع الغيار و نفس الماركة و بلد المنشا برا التوكيل هتلاقيها مش أقل بكتير من التوكيل.
|
رد: تغيير الكاتينة باكثر من 3000 جنيه
باشمهندس على حد علمى ان معظم العربيات بتغير السير والتروس بتاعت الكامة لو فبر وبلية الشداد، وحسب الكاتالوج تتغير على 100 الف او اكتر او اقل
وفعلا يمكن يكون التوكيل بيستغل لكن أضمن من اى مكان تانى |
| الساعة الآن 02:05 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017