|
الحقونى كلت مطب والعربية طارت واتهبدت
السلام عليكم
وانا جى دلوقتى وماشي فى امان الله كلت مطب على سرعة 60 والعربيه طارت واتهبدت فى الارض ... المهم وصلت البيت وبركن لئيت زيت بينقط ... رفعت العربيه بالكوريك وبشوف لئيت الزيت بينزل على شكل خط رفيع كدا باستمرار ... يعنى مش نقط .. لا بينزل كتير .. حطيت تحتيه حاجه اجمع فيها الزيت لحد ما اشوف هاعمل ايه الصبح ان شاء الله.. السؤال : ياترى ممكن يكون ايه اللى حصل ؟؟؟ مع انى خدت مطبات على سرعه اعلى من كدا وماكنش حصل حاجه خالص وهل ينفع احط الزيت ده تانى فى الموتور لحد ما اتحرك بالعربيه لاى حد يكشف عليها ولا ها يتصفى منى فى الطريق ؟؟ شكرا مقدما ..... السيارة a4 |
رد: الحقونى كلت مطب والعربية طارت واتهبدت
ايه يا جماعه محدش عنده رد ؟؟؟؟؟
على العموم ماعرفتش انام بردو غير لما اتطمن ... نزلت رفعت العربيه بالكوريك وبصيت كويس لئيت فى شرخ صغير طوله نص سنتى يمين طبة الزيت.. وشرخ طوله نص سنتى من فوق الطبه والتنقيط جى من حوالين الطبه ... كدا لازم الكارتيرة تتغير ولا ممكن حلول تانيه ؟؟؟؟؟؟؟؟؟؟؟؟؟؟؟؟؟؟؟ |
رد: الحقونى كلت مطب والعربية طارت واتهبدت
اكيد خبطة ورا خبطة ادت الى حدوث ثقب سرب الزيت حكاية انه يتحط تانى بصراحة ماعرفهاش ان شاء الله حد خبرة يفيدك SLAM |
رد: الحقونى كلت مطب والعربية طارت واتهبدت
قدر الله ماشاء ماشاء فعل
المهم سلامتك والحمد لله ان الموضوع لم يصيبك انت بمكره لازم تغير كرتيره الزيت افضل وبلاش موضوع اللحامات والمسكنات وانت طبعا بتعبى الزيت اللى نازل من الموتور الخوف الزيت يجى عليه رمل او اتربه تزعل الموتور لو فى جراش والزيت نازل كويس ومفيش تراب جه عليه ممكن تضعه مره ثانيه وواحده واحده للميكانيكى |
رد: الحقونى كلت مطب والعربية طارت واتهبدت
أنا رأيي أن طالما الزيت نازل كتير و العربية مش شغالة. ده معناه ان لنا تدور العربية و ضغط الزيت يزيد هتلاقي حنفية زيت و ممكن يخلص الزيت من الموتور قبل ما تروح للميكانيكي. رأيي رتب مع ميكانيكي يفضي نفيه يشتغل فيها و خد منه معاد و بعد كده هات حد من صحابك يجرك لحد هناك.
|
رد: الحقونى كلت مطب والعربية طارت واتهبدت
سألت التوكيل
.. قالى كارتيرة الزيت ب 1200 جنية غير المصنعيات والضريبه :fun_10_1_124[1]: ... المهم .. حطيت الزيت اللى نزل من العربيه تانى ودورت العربيه ورحت يسرعه لميكانيكي شاطر بيني وبينه ربع ساعه على ما وصلت كان تقريبا نص الزيت نزل :fun_broken: رفع العربيه وقال الكارتيرة طبعا لازم تتغير ... رحت ادور عليها لئيت كل الجديد صينى واللى يقولى دى المانى ولما اروح لحد غيرة يقولى لا كله صيني وبيقولو عليه المانى جيبت واحدة جديده الصيني ناس قالت 350 وناس قالت 300 جنيه ... اديتهاله وركبها ... ربنا يستر وتكون كويسيه كان يوم طوييييييييييييييييييييييي ل اوى امبارح بس الحمد لله عدا على خير SPAGETY والعربيه مشيت تانى .:06A7D5~132:.. احساس وحش اوى والعربيه واقفه كدا ومش عارف حتى ادورها ... الحمد لله .... |
| الساعة الآن 07:28 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017