عايز اعرف معلومات عن قرطبة 94
 

المفروض انى هشترى عربية قرطبة 94 بس مافيهاش تكييف
صاحبها بيقول انها مجهزة تكييف ناقصها كمبروسور و شجرة و بيقول انهم يكلفوا حوالى 1200 جنية
هل الكلام ده صحيح؟
و فى التوكيل التكييف يركب بكام؟
و شكرا للموقع و الادارة

رد: عايز اعرف معلومات عن قرطبة 94
 

السلام عليكم
الكوردوبا دى لونها أزرق وبتاعت ظابط فى الجيش؟

رد: عايز اعرف معلومات عن قرطبة 94
 

التكييف بالكامل كباس و سربنيته و كويل و كله بيتكلف استيراد حوالي 2500 جنيه

في التوكيل معنديش فكرة هيتكلف كام بس طالما برا بالرقم ده لك ان تتخيل في التوكيل هيبقي كام

رد: عايز اعرف معلومات عن قرطبة 94
 

لو حضرتك عندك معلومات عن العربية دى يا ريت تفيدنى

رد: عايز اعرف معلومات عن قرطبة 94
 

هو اسمه احمد و ساكن فى العبور و بيشتغل فى العباسية

رد: عايز اعرف معلومات عن قرطبة 94
 

استاذ اكرامى ممكن ترد عليا؟
انت تعرف العربية دى؟

رد: عايز اعرف معلومات عن قرطبة 94
 

السلام عليكم
أنا أعرف العربية دى عن طريق إعلاناته على النت وقابلته وإتفرجت عليها الجمعه اللى فاتت
العربيه حالتها معقوله بس فيه أكتر من حاجه خلتنى أغير رأييى فيها:
1.محتاجه شوية مصاريف (حاله الدهان الخارجى رديئه-الصالون عايز يتروق-الكابلات طالعه من التابلوه والشنطه-فرش الأبواب محتاج ترويق) وأنا بدور على حالة نظيفه علشان مش فاضى أقف جنب عربية.
2.الرفرف الشمال وره متسمكر على الساخن -صراحه صاحب العربية هو اللى قال حتى قبل مشوف الشنطة- دى محتاجه سمكرى يقولك الخبطة سمعت فى القايم ولا لأ.
3.الزجاج الأمامى كان مكسور -مش عارف هو غيره ولا لسه- وقال إن السبب إن الكبوت إتفتح منه وهو ماشى؟
4.العربيه فيها توكيل وده عادى بس أنا عايز عربيه من صاحب الرخصه مباشرة.
5.طبعاً من كلامه والسؤال عرفت أن سوقها تقيييييييييل جداً وأنا ناوى أغير خلال سنه أو سنتين بالكتير إن شاء الله ومش عايز عربية أدلل عليها.
6.قطع غيارها غاليه شويه ومش موجوده فى كل مكان (أنا من كفر الشيخ فالموضوع ده حيتعبنى جامد لكن لو من القاهرة متهيألى حتلاقى قطع الغيار بسهولة)
7.بعد إلإستخاره صرفت نظر.
على العموم من الواضح إن صاحب العربيه محترم جداً والراجل عايز يتجوزptmnlo123per122والمه م إنه مش تاجر وبيتكلم فى المعقول (هو كان أخر عرض على 27.5 ألف) يعنى سعر عربيه 128.

نصيحتى ليك إستخير واللى فيه الخير يقدمه ربنا
أرجو إنى أكون أفدتك
والسلام عليكم ورحمة الله