استفسار خاص ب مرور القوات المسلحه
انا رخصه العربيه خلصت يوم 9 و الفحص بتاعها لسه فاضله سنه الرخصه تبع القوات المسلحه فى مدينه نصر و انا ماشى بتوكيل و مش عايز اغيره
انا عايز اعرف ايه الاجراءات و المرور بتاع القوات المسلحه ده فين فى مدينه نصر و هل ينفع اغير لون العربيه او اثبت فاميه على الرخصه وازاى لو ينفع انا معايا مازدا323 و سمعت ان بيبقى معايا شهر سماح هل ده صحيح ولا لا اسف على الاسئله الكتيره و ياريت الافاده :36_1_1[1]: |
رد: استفسار خاص ب مرور القوات المسلحه
اقتباس:
تقبلوا مرورى |
رد: استفسار خاص ب مرور القوات المسلحه
ارجو سرعه الرد لانى منتظره
|
رد: استفسار خاص ب مرور القوات المسلحه
لا يجوز نقل الملكيه باسمك و يجب تغيير الي محل اقامتك
و لا يجوز اثبات زجاج ملون او ما الي ذلك |
رد: استفسار خاص ب مرور القوات المسلحه
اقتباس:
وتغير لون العربية دلوقتي صعب جدا انك تعمله لكن لو الجو هدي مش هيبقي في مشاكل وموضوع الفاميه انا سمعت انك لو جبت شهاده تسبت ان عندك حساسية من ضوء الشمس وقدمتها بيتصرحلك بتركيب الفاميه وروح واسئل وربنا معاك وفعلا في شهر سماح بعد انتهاء الرخصة بس هتضر انك تطلع شهادة بيانات علشان تنقل العربية لان الرخصة انتهت |
رد: استفسار خاص ب مرور القوات المسلحه
شكرا جزيلا على الاهتمام
هو انا اجيب الشهاده دى منين لانى بالفعل عينيا بتتعب من الشمس اوى و مبعرفش افتحها انا دلوقتى مجرد هجدد الرخصه ف ايه الاجراءات اللى اعمل حسابى عليها و شكرا :CONGRA~238: |
رد: استفسار خاص ب مرور القوات المسلحه
اقتباس:
وبالنسبة للشهاده بتجيبها من اي تأمين صحي عليها الختم بتاع المستشفي بس اسئل الاول في المرور بدل ما تتبهدل علي الفاضي وبالنسبة لتجديد الرخصة مفيهاش مشكله خالص بتروح المرور وبتطلع شهادة المخالفات وتدفع الضريبة والتأمين وشوية دمغات علي ملف كدا بتشتريه ب 16 جنيه وكل ده جوا المرور مفيش بهدله بره زي بقية مرور مصر وهناك نظام وبتاخد رقم وتستني دورك في الاستراحه |
الساعة الآن 06:09 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017