متخليش الشيطان يقنعك انك مايكل شوماخر
الموضوع ببساطه ان الثقه فى السواقه اسوا حاجه ممكن تحصل لاي واحد لان الثقه الزياده فى الاخر بتؤدي لمجازفات اكتر والموقف ده يبين
صاحبي معاه لانسر سوبر اكشن وابن عمته معاه سكودا اوكتافيا وماشيين على الطريق فالموضوع قلب بتحدي فصاحبي بتاع اللانسر عداه وكان ماشي على 120 والاسكودا عايز يعديه فجه قصاده يعنى كبوت الاسكودا قصاد العجلة الورانيه بتاعة لانسر فجاه لقه عربيه قدامه فخبط اللانسر من عند العجله اللى وره فاللانسر قعدت تلف وطلعت على الرصيف وكان فيه رمل على جمب الطريق فدخلت فيه ووقفت وستر ربنا منزلش فى البحر وكله طلع سليم وده اهم حاجه والخساير كلها فى الصاج بسيطه الخلاصه بقه انك تمشي على مبدا توقع خطا الغير اضمن وبلاش الثقه فى السواقه لان الحادثه بتحصل في ثانيه وبلاش موضوع التحدي بين الاصحاب خصوصا |
رد: متخليش الشيطان يقنعك انك مايكل شوماخر
:CONGRA~238: شكرا بجد للكلام دا فعلا لازم الواحد ياخد باله واحنا عيشين برحمة ربنا وسترة
|
رد: متخليش الشيطان يقنعك انك مايكل شوماخر
أولا الف سلامة على صاحبك وقريبه، وأحب اقولك انها حصلت معايا انا شخصيا من 4 سنين
هيا قصة طويلة هاحاول اختصرها على قد ما اقدر الساعة 3 بالليل على كورنيش المعادي، كنا انا و 3 صحابي مروحين خلاص، واحد منهم معاه عربيته سلمنا على الاخ اللي لوحدوه ده واتوكلنا على الله، وخلاص نسيت زميلي ده خالص فجاة طلعتلي عربية من شارع جانبي ووقف قدامي بالعرض من الخضة خدت بتاع 200 - 300 متر زحلقة، ووقفت الحمدلله قبل ما اخبطه ببتاع 3 متر (10 ثواني عمري ما هنساهم) للأسف مخدتش بالي ان زميلي كان شادد معايا ورايا، بعد ما وقفت خالص ولسة باخد نفس لبس فيا من ورا كل حاجة راحت من اول الاكصدام بتاعي لحد الطبلوه بتاعه طلع مدروخ شوية بس الحمدلله جت سليمة من غير اصابات |
رد: متخليش الشيطان يقنعك انك مايكل شوماخر
المشكلة ان اما بكون سايق لوحدى بحس انى هنام لو سوقت واحدة واحدة على مهلى وبتاع , لازم حرق وشد وغرز عشان الطريق مايبقاش ممل
بس للأسف هو شيطان فعلا اللى بيخليك تحس الاحساس دة وبعدين احساس اما تقف ساعة فى اشارة ولا طريق زحمة وبعد كدة تدخل على طريق سريع بتحس انك كنت فى سجن وماصدقت تطلع براءة فبتلاقى نفسك عايز تجرى وتشد وبتاع MADDRIVE بس هانقول اية الحمد لله ماشيين بستر ربنا ودعاء الوالدين |
رد: متخليش الشيطان يقنعك انك مايكل شوماخر
اقتباس:
|
رد: متخليش الشيطان يقنعك انك مايكل شوماخر
اقتباس:
:fun_36_3_16[1]::fun_36_3_16[1]::fun_36_3_16[1]::fun_36_3_16[1]: amr elsisi 1___Vanditta______memodin a1 :fun_36_3_11[1]::fun_36_3_11[1]::fun_36_3_11[1]::fun_36_3_11[1]::fun_36_3_11[1]::fun_36_3_11[1]::fun_36_3_11[1]::fun_36_3_11[1]: |
الساعة الآن 08:18 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017