عملت حادثة بسبب الشابورة انصحونى اعمل اية
السلام عليكم امبارح رحت وصلت بنتى لموقف السيارات بدمنهور علشان تروح كليتها بالاسكندريه وكانت الدنيا شابوره جامده وانا راجعة وبجتهد انى اشوف الطريق ومنورة نور الشبورة وفجاة عربية خبطتنى من الناحية الشمال اسفرت الخبطة عن خربوش جامد بطول الجنب وخبطة جامدة بصاج العربية وجزء تقشر من بوية الصاج وعلى فكرة العربية شيفرليه افيو زيرو 2014ومش مامنة على العربية ياترى اروح التوكيل فى اسكندرية وان رحت ترشحولى انهو توكيل ولا اروح لسمكرى عربيات ويا ترى التوكيل هيفترى فى التكاليف وياترى ممكن ترجع زى ماكانت انا مقهورة وخصوصا ان زوجى متوفى وهتبهدل فى الموضوع ده وخايفة اسيبها عند سمكرى يسرقوا منها حاجة ولا يبدلوا حاجة اللهم دبرلى امرى فانى لا احسن التدبير
|
رد: عملت حادثة بسبب الشابورة انصحونى اعمل اية
ربنا معاكى
|
رد: عملت حادثة بسبب الشابورة انصحونى اعمل اية
اولا قدر اللة وماشاء فعل
ثانيا فعلا عربيتك لو رحتى التوكيل ها يعملك فتح ونصب وهتدفعى اد كدة يستحسن تروحى لسمكرى بس يكون كويس وامين وشغلة نضيف ولو حضرتك محتاجة اى مساعدة انا تحت امرك بالنسبة لللسمكرى انا معرفش حد فى دمنهور بس انا بتعامل مع سمكرى محترم جدا فى اسكندرية قريب من الموقف لو عايزة اواديكى عاندة انا تحت امرك |
رد: عملت حادثة بسبب الشابورة انصحونى اعمل اية
لو حضرتك مأمنة على العربية تامين شامل روحى شركة التامين
|
رد: عملت حادثة بسبب الشابورة انصحونى اعمل اية
اقتباس:
و احب اطمن الاستاذة فاتن ان طبعا حترجع زيى الاول ان شاء الله ملحوظة : نور الشابورة مش حيخلى اللى سايق يشوف زيادة هو معمول عشان العربية تبقى باينة فى مرايات العربيات اللى قدامها و المشاة |
رد: عملت حادثة بسبب الشابورة انصحونى اعمل اية
معلش يا استاذة فاتن قدر الله وماشاء فعل وربنا يجعله فى ميزان حسناتك ان شاء الله
زى ما قال الزملاء التوكيلات فى شغل السمكرة ده بيشتغلو شغل بهوات وبيحاسبو حساب الملكين وحاجات ممكن تبقى سهل تتسمكر او تتصلح يستسهلو ويغيروها علشان يحاسبو على قطع غيار فاكيد التكلفه هتبقى اكبر بكتير من الاصلاح بره التوكيل وانا متفهم قلق حضرتك جداً بس لو تقدرى ترفعيلنا صور للعربيه نقدر نحسبلك التكاليف بشكل اوضح ونقولك على بدائل طرق الاصلاح علشان تبقى فاهمة الشغل المطلوب بالظبط وبحيث محدش يضحك عليكى www.masr1.com ده رابط موقع تحميل الصور الخاص بمصرموتورز حضرتك ممكن ترفعى الصور عليه او على الفيس بوك او اى موقع تحميل اخر وتحطيلنا الرابط علشان نقدر نساعدك بشكل اكبر وان شاء الله خير |
رد: عملت حادثة بسبب الشابورة انصحونى اعمل اية
انا متشكرة لكم على اهتمامكم فى واحدة قالتلى روحى الازاريطة السمكرية هناك شطرين ايه رايكم
|
الساعة الآن 06:16 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017