|
إحذر : الطريق الساحلي الدولي من بلطيم إلي رأس البر
السلام عليكم و رحمة الله و بركاته
الإخوة الأعزاء ، للأسف أعمال إصلاح في منتهي الغباء الهندسي في المنطقة من بلطيم إلي رأس البر ، شركات مختار ابراهيم و طارق علام و و و للأسف جزء صغير من الأعمال للمقاولين العرب و عشان كده كل المساوئ ممكن تخيلها موجودة تخيل طريق اسمه الدولي فيه وصلة حوالي 20 كم من الأسفلت المكسر و حوالي 2كم من الزلط السن في الاتجاهين و مفيش جزيرة أنا مشيت علي الطريق نهارا رايح جااي و شفت عربيتين نقل بمقطورة مقلوبين و كل واحدة قافلة الطريق بحمولتها ، طبعا دي كانت خسائر الليلة اللي قبلها و الشبورة حذار حذار من الطريق ده و ربنا يستر لغاية ميخلصوا الأفخاخ أو ما يسمس تصليحات |
رد: إحذر : الطريق الساحلي الدولي من بلطيم إلي رأس البر
للأسف الطريق مازال تحت الإصلاح منذ 3 سنوات ولا يوجد أى اشارات أو تحويلات للمرور مثل التى نجدها على طريق القاهرة - الإسكندرية الصحراوى وكل من يعبر الطريق أنصحه ألا يسير عليه ليلاً
|
رد: إحذر : الطريق الساحلي الدولي من بلطيم إلي رأس البر
هو الطريق الدولي دا اساسا مخيف بالليل جدا من بورسعيد للاسكندريه
مافيش اي اناره ولا اي خدمات عليه ولا مرافق ولا حاجه خالص و مليان قطاع طرق كمان لو ربنا كتبها لحد يمشي عليه يحاول بقدر الامكان يكون مجهز عربيته كويس علشان حتي ما ينزلش يغير فرده كاوتش عليه لان مره واقفين نغير فرده كاوتش كنا جايين من راس البر لجمصه كان معايا اتنين زمايلي فيهم واحد ضابط و كان معاه سلاح و هو دا اللي انقذنا لما واحد جه و حاول يعرض مساعدته بس باسلوب بقي عاوز يقرب و يشوفنا كام واحد علشان يحاول يسرقنا قام صاحبي دا مطلع الطبنجه و مسكها مش بيهدده ولا حاجه بس عاوز يوريهاله فأخد بعضه و مشي |
رد: إحذر : الطريق الساحلي الدولي من بلطيم إلي رأس البر
انا مشيت عالطريق ده بالليل من جمصه لاسكندريه بس طبعا مش انا الى كنت سايق لان الطريق ده الى يمشى عليه لازم يكون بيمشى عليه كل يوم وحافظه زى اسمه ولاانصح اى شخص بالمشى عليه فى الفتره الحاليه وممكن ربنا يكرم ويتظبط عالصيف وشوفت والله حادثه قدامى ملاكى دخل فى الكرف ستون لان طبعا مفيش اى اناره عالطريق وطلبنا الاسعاف ماجاش ولما مشينا لقينا نقطة اسعاف والسواق قاعد فيها ولا فى دماغه وقولنا له الحق فيه حادثه,,,,,,,,,,,استحاله اسوق عالطريق ده ,,,نار الزراعى ولا جنة الدولى
|
رد: إحذر : الطريق الساحلي الدولي من بلطيم إلي رأس البر
لا واللى افظع بقى انهم بيعملوا عليه رادار
هههههه |
رد: إحذر : الطريق الساحلي الدولي من بلطيم إلي رأس البر
ياجماعة الطريق الدولى ده واحد من اسوء الطرق فى العالم مش مصر ومش كده وانت ماشى تلاقى تل رمله على جنب الطريق او حفرة لو اكلتها على 100 كم/س بالسلامة المقص والمساعدين والخوف لتتقلب والاسوء بعد كل ده ظلمه خالص ياجماعة
ماحدش يسافر عليه بالليل ابدا ابدا ارجوكم لانه طريق موت |
رد: إحذر : الطريق الساحلي الدولي من بلطيم إلي رأس البر
يا جماعة أبشروا الإصلاحات التى تتم على هذا الطريق أوشكت على النهاية ، أنا لسه معدى منه الإسبوع اللى فات وهناك مسافات قليلة باقية جارى إصلاحها ، أما المسافات التى تم الإنتهاء منها فهى تحفة
|
| الساعة الآن 11:43 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017