|
اكثر سيارة شكلها رقيق وتنفع لبنات
عايزة أعرف ايه اكتر سيارة سيدان - من وجهة نظركوا- شكلها رقيق و ينفع لبنت؟
|
رد: عايزة رأيكم
أهلآ و سهلآ بيكي معانا ،،
يا أخت عبير ،، بس ممكن توضحي شوية ،، السؤال كده عام ،، مبدئيأ ممكن تحددي المبلغ المتاح لأن السيدان من 60 ألف ل مليون جنية و زيرو و لا مستعمل و احتياجاتك من العربية و متطلباتك عشان الأخوة يساعدوكي ان شاء الله |
رد: عايزة رأيكم
عن نفسي (مع ملاحظة اقتناعي بكلام الأستاذ أحمد إن العربية مش شكل بس) لكن بشوف إن فيه عربيات فعلا بتليق بناتي بس (بس برضه العربيات الصغيرة أحسن سواء الهاتش باك زي الجولف مثلا أو البولو أو الجين 2 أو السريون (ديه بقه بتليق بناتي قوي )
بالنسبة للسيدان لو صغيرة يبقى الأوبل أسترا السيدان و فيه كمان الهيونداي الأكسنت أو النيو الجديدة . بس بجد بجد أحسن عربية أنا بحب شكل البنت وهي سايقاها (ال 128) بجد بتبقى تحفه وخصوصا خصوصا لما تعطل بيها :w6w2005041113562663:w6w2 005041113562663:w6w200504 1113562663:w6w20050411135 62663:w6w2005041113562663 :w6w2005041113562663:w6w2 005041113562663:w6w200504 1113562663 |
رد: عايزة رأيكم
هوه لازم نعرف حضرتك عاوزه عربيه مستعمله ولا زيرو .. مع ان انا افضل المستعمل عن الزيرو ...
بعدين العربيه مش شكل بس ..مش حكايه شكل بناتي و كده .. فيه كمان الاداء - الصيانه - الاعتماديه ... دي نقط اعتقد اهم من الشكل ... |
رد: عايزة رأيكم
Thanx all for ur replies
أنا عايزة عربية زيرو full options ...اوتوماتيك يعني في حدود 100000 (و يا سلام لوأقل)... أنا مش عارفة ايه الاعتمادية ده بالضبط ... بس لو على سعر قطع الغيار فأنا هأمن على العربية و أعتقد ان ساعتها مش هتبقى مشكلتي سعر قطعة الغيار... طبعا" يهمني الصيانة ... بس أنا بصراحة مش لاقية توكيل كويس في مصر ( في الآخر بقى شعار الشغل المصري "No quality" يهمني العربية تكون واسعة من جوه و لها شنطة ... |
رد: عايزة رأيكم
بدام سيدان وستايل حريمى يبقى اتى رينو ميجان
|
رد: عايزة رأيكم
اقتباس:
http://www3.0zz0.com/2008/07/03/09/707205833.gif وبشدة معلش يا درش أنا معايا الميجان 2 والعربية طبعا جميلة وزي الفل بس أكبر فخ ممكن تقع فيه في حياتك أنك تشتري مـــــيـــــجـــــان 2 أولا عشان قطع غيارها غالية جدا جدا جدا وياريت الموضوع موضوع قطع غيار غاليه وبس لكن إللي يفرسك من العربيه دي انها متبرمجة وكل شيء فيها متوصل بالكومبيوتر غللي بيتحكم في كل شيء في العربيه حتى البوجيهات والفارمل طبعا هاتقوللي مش عيب إن الكومبيوتر يتحكم في كل شيء هاقوللك مش عيب بس وعندي مثلا الكمبيوتر الموجود في الـ"أوكتافيا" طيب وأبن حلال وماحدش أشتكى منه قبل كده بس العيب لما يكون الكومبيوتر ده متبرمج (طبعا قصدي على الميجان) على أنه يدفعك دم قلبك كل شوية في التوكيل وعاوز ءأكد على كلمة (في التوكيل دي) لأن برضه الحاج كومبيوتر متبرمج على القبلة بتاعته وماينفعش يغيرها يعني يا إما التوكيل أو مراكز الخدمة بتاعته يا بلاش و كــُــع بقى ياريس ده غير إن العربيه بتاكل بطاريات بالهبل يعني أنا مثلا في 60 ألف كم غيرت بطاريتين لحد دلوقتي والتالته راكبها أهي وربنا يستر عليها وبعدين يا جماعه كفاية إن العربيه سعرها زيرو من 120 ألف لغاية 140 ألف جنيه ولما تيجي تبيعها تلاقيها في حدود الـ80 ألف جنيه وماحدش يجيب سيرة الميجان 2 دي تاني يا جدعان ونبي لحسن الواحد كاتم في قلبه وساكت وإللي عاوز يعرف الميجان دي على حقيقتها يروح التوكيل عندنا في العبور ويقابل الناس إللي بتعمل صيانه هناك وهو يسمع احلى قصايد سب في الميجان وفرنسا نفسها معلش بقى أنا مستعجل دلوقتي وهارجعلكم تاني |
| الساعة الآن 10:41 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017