|
ماهو السبب لسرقة الحرامي للسيارات
السلام عليكم انا عاوز اعرف ماهو السبب اللي بيخلي الحرامي بيسرق عربية
ومن فين هالحراميه انهالو على مصر بعد الثورة هل هم مجرمين ام تجار مخدرات ولا ايه انا مش فاهم ايه الحكاية كل يوم بسمع وبشوف سرقة حرامي لعربية او القبض على عصابة ممكن كل واحد يقول رأيه ايه الحكايه وايه السبب |
رد: ماهو السبب لسرقة الحرامي للسيارات
معظمهم بيبقا مش لاقي شغل وطبعا مع غلاء المعيشة في مصر والظروف الاقتصادية الزفت بيضطر انه يسرق العربيات وطبعا الكلام دا غلط لكن في ناس نفوسهم ضعيفة نعمل ايه
|
رد: ماهو السبب لسرقة الحرامي للسيارات
السلام عليكم
انا وجه نظرى ان اللى بيحصل ده من قتل وسرقه بالاكراه فى عز النهار دول كانو مسجليين ومعرفين وانضمو عاليهم الناس اللى بلا عمل واصبح العدد اكتر نتيجه للسياسه الفاشله بتاعت رئيس الجمهوريه والحكومه والشرطه . واللى بيحصل ده مقصود لان الشرطه عارفه كل مسجل موجود فين وعارفه العربيات اللى بتتسرق بتروح فين وهما اصلا مش عاوزين يشتغلو .. انا من محافظه الشرقيه من الزقازيق فى مركز بلبيس فيها منطقه اسمها عزبه الجمهوريه او الجبل العزبه دى كلها مسجلين وناس هربانه من السجن وحرميه وتجار سلاح ومخدرات . وفى ناس اعرفها اتسرق منها العربيه وراحو عملو محضر الشرطه قالت ليهم روحو هاتوها بنفسكو ملناش دعوه وبالفعل الناس راحت ودفعو 18 الف جنيه فديه لعربيه لانوس . ومعظم العربيات اللى بتتسرق من الدائرى والعبور والشروق بتروح عزبه الجمهوريه واكتر من واحد عمل كده وكل يوم على طريق بلبيس سرقه بالاكره وقتل ناس وسرقه عربيات نقل امول وبتخش العزبه دى . ومكان تانى بردو على طريق الزقازيق اسماعيليه عزبه اسمها وادى الملاك كلها تجار مخدرات ومسجلين ومكان بيتعان فيه العربيات المسروقه وحصل نفس اللى حصل بردو ناس دفعت فديه لتاكسى وخدو العربيه تانى . فى مكان فى الغربيه . والمنصوره وكل محافظه فيها مركز متجمع فيها المسجلين والحرميه وبيخرجو كل يوم يشتغلو ويرجعو يتجمعو هناك تانى وهاكذا اكنهم شغلين فى شركه ورديه مسائيه . فى سلاح كتير اوى موجود مع مجموعات وملشيات تبع جماعات اسلاميه جهاديه و نظرا لهذا يوجد ايضا كنائس جابت سلاح لتحمى نفسها من هذا الجماعات . انا مواطن عادى واعرف كل المعلومات دى وناس عاديه تعرفها والشرطه تعرفها .. ولما يتقدم لرئيس الاخوان اكتر من 100 طريقه لجعل الشرطه شرطه مهنيه مدربه وتقضى على المسجلين والحرميه وجميع البؤر فى ظرف 3 اشهر فقط .. .. وفات 9 اشهر ولام ولن يحدث شئ .. هل تعلم ماذا يحدث عندما يقوم المواطنون بتطبيق حد الحرابه وقتل واللصوص وتعليقهم فى الشوارع .. انهيار الدوله وتحويلها الى لا دوله ولا قانون ولا حكومه ولا شرطه . حسبى الله ونعمى الوكيل فى من يستخدمون الشعارات الاسلاميه للوصل الى غايتهم وهى دى الاراده السياسيه التى تريد لنا جعل الدوله بلا شرطه وتكوين ملشيات ليها لتحل مكان الشرطه لقمع اكثر للمعارضه والتحكم الكامل فى البلد عن طريق الملشيات .. والشرطه المهينه المدربه التى تحترم حقوق الانسان هذا هو الذى لا يريده محمد مرسى .... قالو لنا نحمل الخير لمصر .. قال حق الشهداء فى رقبتى .. ولام ياتى حق شهيد واحد قالو لنا نحمل الخير لمصر .. اين الاموال المهربه قالو لنا نحمل الخير لمصر .. ثم قالو 3 ارغفه عيش قالو لنا نحمل الخير لمصر .. ثم قالو 5 لتر بنزين و30 لتر جاز قالو لنا نحمل الخير لمصر .. وزير البترول بيقول ان حسنى مبارك كان بيدينا رشوه البنزين والعيش قالو لنا نحمل الخير لمصر .. مشروع النهضه .3000 الف مصنع قفل وكبار ارجال الاعمال صفت وسافرت بره مصر ليحل مكانهم رجال الاخوان خيرت الشاطر . وحسن مالك . ومحمود عزت الرجل الغامض . قالو لنا نحمل الخير لمصر .. اين وعود ان يكون نائب مسيحى ومسلم ومرة لرئيس الجمهوريه قالو لنا نحمل الخير لمصر .. وهما اللى بيهربو السولار والدقيق والسلاح ومكنه لتزوير بطاقات شخصيه لتستخدم خلال اشخاص من حماس عشان يجو ينتخبو فى مصر بى بطاقه مصريه .. وللعلم ايضا حماس فرع من فروح جماعه الاخوان قالو لنا نحمل الخير لمصر .. اين ووعود 100 يوم اين واين واين واين واين خان.. يخون .. اخوان اخوان كاذبون هذه وجه نظرى حسبى الله ونعمى الوكيل بس فى اخر كلامى احب اقول ان ..ان الجيش لام ولن يسمح لهم بتغير هويه مصر ربنا يحمى جيشنا العظيم ..كما قال المسلمانى .. جيشنا رصيد الذهب الذى لا ينفذ..حفظ الله مصر وحفظ الله جيشنا |
رد: ماهو السبب لسرقة الحرامي للسيارات
ROSE4U:fun_36_3_1[1]:ROSE4U:fun_36_3_1[1]:
و الله يا عمرو انت راااااااااااااااجل برنس |
رد: ماهو السبب لسرقة الحرامي للسيارات
والله ياعمرو باين انك انسان فاهم وكل الكلام اللي قلت عليه هو في بالي لو بنتكلم على اللي اسمه مرسي
ده خاتم بيد ايران بالقاهره شفت كم واحد بيلعن عمر استغفر الله العظيم مايخافوش ربهم الله ينتقم منهم والله المصاائب كتييير بتحصل هالايام مره انا طلعت بالشارع لقيت واحد من الجيران بيصرخ عربيتي اتسرقت وبيقول الله يخرب بيت الحرامي ومااعرفش حصل ايه الرجال ده باين عليه معاه السكر والضغط والله نفسي اخرج من مصر لما اشوف هالناس المساكين بيشوفو عربياتهم تتسرق :sycho26: |
رد: ماهو السبب لسرقة الحرامي للسيارات
انا هقول لكم على حاجه . فى واحد صحبى او صحابكم او اخويه او اخوكم او صاحب صحبكم او اخو صحبكم كان شارى عربيه ميكروباص عشان ياكلها بالحلال هو ومراتو وعيالو وساعتها كان فى انتخابات واده صوته لمرسى وقال لاء شفيق من الفلول وفى شهداء ماتو هيجى تانى النظام القديم لاء لاء انا هدى الاخوان مع انى مش واثق فيهم بس يمكن يكون احسن الوحشين .. وعده يوم ورا يوم وكل يوم يطلع عليه ناس وهو على الطريق يثبتوه بسلاح ويخدو منو الفلوس ومن الركاب الموضوع ده اتكرر معاه 7 مرات معاه وفى يوم صحى الصبح سمع وزير البترول بيقول 30 لتر جاز واللى مش عاجبه يحولها غاز ..قام قايل ازااااااااااااااااااااااا ااااااى معنى كده انى ان العربيه هتشتغل ورديه واحده او ممكن متكملهاش ولو عاوز اكملها اشتريه بالسعر الحر 6 جنيه ازااااااااااااااااااااااا ى وهو مش فاهم اى حاجه خالص... وقالك ماشى لما يبقى يحصل الكلام ده يبقى ربنا يحلها بعدها بكام يوم وجت ازمت السولار ومفيش شغل وكل يوم اقف نص يوم طيب انا هعمل ايه والسواق التانى هيعمل ايه بردو . والعيال هيكلو منين وهدفع الايجار الشقه منين تفتكرو هيعمل ايه . . . . .. . . . http://im37.gulfup.com/GH8LG.jpg واحد صحبنا تانى كان معاه تاكسى وطلع عليه ناس فى الدائرى وقاتلو وخدو التاكسى ومراته يا عينى اتجننت وبتصرخ ومحدش بيسمعها وربنا يتولى اطفاله برحمته وفى واحد صحبنا تانى كان جايب تاكسى قسط واتسرق منو وفى السجن دلوقتى واحد صحبى تانى لما شاف صحبو اتسرق منو التاكسى ودخل السجن عشان القسط ومرات صاحبه وهى بتعيط على جوزها رايح باع تاكسى بتاعو وقال الحمد لله انو مش قسط. بس معرفتش اخدلو صوره واحد صحبنا رابع معاه عربيه ملاكى لما شاف صحابو دول قالك لاء انا مش هستنى حد يجى ويسرقنى انا هاجيب سلاح واحمى نفسى ....... اركب اى ميكروباص هتسمع حكايه ..اقعد على اى قهوه هتسمع حكايه ..امشى ف الشارع هتسمع حكايه ...اسئل مرسى هتلقيه ميعرفش اى حكايه . مرسى وعدنا بحق الشهيد ازاى ولسه عددهم بيزيد لسه الدم رخيص مع اننا غيرنا رئيس ----------- انا بئى بطالب وزاره الدخليه بسلاح لكل مواطن ........ ومرسى فى باكستان بيبحث العلاقات الثنائيه والكتاتنى فى تصريح لصحيفه سودانيه ما يحصل فى مصر امر طبيعى لكى الله يا مصر |
رد: ماهو السبب لسرقة الحرامي للسيارات
ياعمي ده جريمة من ستين مليون جريمة بنشوفها ببلادنا واحد عاملي مطعم شاورما
وبيلعب على الناس يدبح حميير ويوكلهم على انه دجاج لا وابن الستين كلب حتى لحم الكلاب بعضهم يحللوه ويوكلو الناس منه هما ايه البلد سايبه ولا ايه الله يخرب بيت مين كان السبب العاطلين عن العمل عددهم بيتعدى ال 2 مليون وكلهم يااما تجار مخدرات او حرامية ونصابين يعني السبب من الحكومة والله المستعان |
| الساعة الآن 07:31 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017