تقييم النترا 2012 من واقع تجربتك لها بعد دخولنا علي أزيد من ست شهور علي نزولها الأسواق
 

السلام عليكم يا أحلي ناس في أحلي منتدي مصري:

ياريت كل واحد اشتري النترا 2012 _(بعد مرور اكثر من ست شهور علي نزولها الأسواق)_ انه يكتبلنا انطباعه عنها من ناحية القوة والأداء والراحه والعفشه واستهلاك بنزين وتقفيل العربيه وجودة الخامات والتسارع وكل النواحي التانيه .يعني تقرير مبسط عنها وعن قيادتها.
وجزاكم الله خيرا عن كل من سيدخل يقرأ هذا الموضوع فأرجو الا تكونو بخلاء في الرد.
وشكرا لكم مقدما.

رد: تقييم النترا 2012 من واقع تجربتك لها بعد دخولنا علي أزيد من ست شهور علي نزولها الأسواق
 

رأيي انها الاشيك فى السوق من وقت نزولها لدلوقتى داخليا وخارجيا فعلا ما شاء الله كأنها طياره
وفى انتظار الآراء

رد: تقييم النترا 2012 من واقع تجربتك لها بعد دخولنا علي أزيد من ست شهور علي نزولها الأسواق
 

من ناحيه الاداء والتسارع رائع جدا جدا وسهل تقفل الامبير بدون معاناه وقابليه الموتور للفتيس رهيبه واستهلاك البنزين رائع سواء فاتح او قافل نظام الايكو اما بانسبه للعفشه بالنسبالي وانا جنوط 16 انها انشف من الالنترا ال 2010 بكتير وبرده بجنوط 16 ولكن انعم من السيراتو ولكن الاحساس بالنقر والمطبات ملحوظ جدا في للي قاعد علي الكنبه الخلفيه ثبات رائع لحد 160 في المناورات والفرامل علما اني عندي ABS ازيد من كده لا اثق فيها اما الخامات متوسطه والتقفيل جيد ولكن مع شكلها المبهر والمنسجم لاتلاحظ التقفيل والخامات الا اذا كنت راكب عربيه اعلي وحاسس الفرق الكراسي الاماميه غير مريجه تماما في المسافات الطويله ده اللي انا شايفه ودي وجهه نظري الشخصيه من خلال تجربتي وركوبي لسيارتي عشان سواء محبيها او معارضيها محدش يزعل مني

رد: تقييم النترا 2012 من واقع تجربتك لها بعد دخولنا علي أزيد من ست شهور علي نزولها الأسواق
 

شكرا لردك وكتابة تقييمك عن سيارتك.ولكن عندي سؤال لو رجع بيك الزمن تاني وخيروك انك تشتريها هل هاتشتريها ولا هاتدور علي سياره تانيه؟
وفي انتظار الأراء والتجارب الاخري من الأخوه في المنتدي

رد: تقييم النترا 2012 من واقع تجربتك لها بعد دخولنا علي أزيد من ست شهور علي نزولها الأسواق
 

التسارع بتعها جميل جدا وثابتة فى الاستريت لو الطريق ناعم فقط !!!
لاكن فى الملفات العاصية بدأت احس انها بتعوم منى ودة خلاني اكون حذر
لاحظت انها بتعوم فى الحالات الاتية

فى الملفات الصعبة لو سرعتك فوق ال120
لو الطريق مدردر شوية وفى عالي وواطى
لودوست فرامل فى ملف وكنت على سرعة
لو فى هواء مضاد لك قوي


لذا خالينا نتكلم بوضوح العربية ممتازة فى كل حاجة بس النقط اللي محتاجة نقف عندها الاتي
- سعر السيارة مقارنة بالكماليت المتوفرة فى السيارة و الاخص بوسائل الامان لان وسائل الامان الاختيارية فيها تعتبر هامة (ايرباج - abs )

- ثبات السيارة فى السرعات العالية فى الملفات

بس فا انت الان اودامك انك الاختيار و المقارنة بين كل مميزات السيارة وبين النقطتين اللي اشارت ليهم دول
اتمنى انى اكون افادت ولو بقليل
ودة رايي بدون اى تحيز

رد: تقييم النترا 2012 من واقع تجربتك لها بعد دخولنا علي أزيد من ست شهور علي نزولها الأسواق
 

بعد تجربه 6 شهور
العربيه بسم الله ماشاء الله هايله فى كل شىء
للاسف اغلب الناس بيقولو بتعوم فى الملفات
انا باخد الملف على 160 و الحمد لله قمه فى الثبات و السحب رائع و استهلاك البنزين معقول
انا معايا خليجى جنط 16 و اير باج ABS
العفشه ممكن نقول ناشفه شويه و القياده فى المسافات الطويله مريح جدا و خامات ممتاذه تقفيل جيد
الحمد لله نفسيا مرتاح للعربيه جدا

Re: رد: تقييم النترا 2012 من واقع تجربتك لها بعد دخولنا علي أزيد من ست شهور علي نزولها الأسواق
 

_شكرا لردك النافي والقاطع بأن النترا بتعوم في الملفات وبأن عفشتها غير مريحه _وطبعا هذه من خلال قيادتك لها_
وعقبال باقي الأعضاء يدخو يوكتبو تقييمهم للسياره المثيره للجدل علشان الكل يستفيد وأي حد عايز يشتريها يلاقي حد يفيده