مميــزات فتيــس الميــجان II الستيب ترونيك +dpo
ميزات ناقل الحركة الأوماتيكى +DPO
1- يختار البرنامج المناسب لأسوب قائد السيارة فى الضغط على دواسة الوقود فهو يحدد طبيعة الأداء التى يطلبها قائد السيارة و من ثم ينتقل بين برنامج توفير الوقود أو برنامج التسارع الرياضى أو حتى برنامج القيادة العادى . 2- حسب حالة الطريق صعودا او هبوطا أو فى حالة الطرق الزلقة يتحكم ناقل الحركة فى عزم الدوران لضمان أفضل أداء ممكن تحت كل الظروف 3- يتضمن ناقل الحركة 3 برامج حماية ضد أخطاء القيادة أثناء استخدام النظام اليدوى حيث تقوم هذه البرامج بضمان إختيار قائد السيارة النقلة المناسبة لسرعة سير السيارة و لا يستجيب لأى أوامر غير صحيحة من قائد السيارة مثلا لا يستجيب لمحاولة إستخدام السرعة الاولى أثناء سير السيارة بسرعة كبيرة لتجنب حدوث ضرر فى ناقل الحركة 4- إستهلاك أقل وقود حيث إنه مثلا عند السير عند سرعة 100 كم/ساعة يمكن قطع مسافة 100 كلم بـ 5 لترات من الوقود مما يعنى وفرا للوقود و تلوث أقل للبيئة 5- كما إنه يحقق متعة القيادة فنظام ناقل الحركة فى +DPO يعطيك نفس شعور ناقل الحركة اليدوى و لكن براحة الأتوماتيك 6- يتميز بوزنه فهو يزن 67.5 كجم كما يتميز بسهولة صيانته و عمره الطويل فهو لا يحتاج لتغيير زيت طوال فترة إستخدامه 7- مصصم ليتحمل عزم دوران يصل لـ 250 نيوتن مما يعكس متانة مكوناته و دقه صنعه و من الجدير بالذكر أن رينو تزود العديد من صانعى السيارات فى أوربا بناقل الحركة +DPO مما يعكس الثقة فى جودته |
رد: مميــزات فتيــس الميــجان II الستيب ترونيك +dpo
شكرا جدا على المعلومات الجميلة و محتاجين معلومات اكتر عن الفتيس ده
|
رد: مميــزات فتيــس الميــجان II الستيب ترونيك +dpo
اقتباس:
تقصد ايه بشعور ناقل الحركه اليدوى هل فى التسارع ام فى الاحساس بالنقل كما فى المانيوال؟ بس مايبقاش زى فتيس الكورولا الجديده وليه المانيوال فيها مفضل عن الاوتوماتيك وليه سمعة الفتيس مش اد كده؟ (مفيش دخان من غير نار)ptmnlo123per1127 ولو فى سيارت اخرى بتستخدم نفس الفتيس وضحها لو تسمح؟ |
رد: مميــزات فتيــس الميــجان II الستيب ترونيك +dpo
اقتباس:
أقصد بشعور ناقل الحركة اليدوى بنظام الإحساس سرعة و سحب المانيوال و ليس الإحساس بنتشة المانيوال كما هو موجود فى الكورلا mmt بالنسبة للمفضل فيها العكس تماما الاتوماتيك فى الميجان II مفضل عن المانيوال و الدليل إن مبيعات الاتوماتيك فيها تكاد تصل إلى 90% من إجمالى مبيعات الميجان سمعة الفتيس مش اد كده نتيجة فقط لوجود النتشة الخفيفة بين التانى و التالت و اللى المفروض بتورح بتنزل السوفت وير الجديد إللى بيأخر النقلات شوية لتفادى الإحساس بها لكن ليس عيبا فى الفتيس نهائيا و الدليل إن التوكيل عامل الضمان على الفتيس 100 الف كم و على فكرة و الكلام من التوكيل السيار ات التى تم تغيير الفتيس لها لا تتعد ال، 60 سيارة من أصل 16 الف ميجان تم بيعها يعنى نسبة لا تذكر نها و كان معظمها سوء إستخدام من العميل و رغم ذلك تم تغييرها فى الضمان و السيارات التى اعرفها حاليا فيها نفس فتيس الميجان هى البيجو 307 و تقريبا الـ C4 |
رد: مميــزات فتيــس الميــجان II الستيب ترونيك +dpo
و فى معلومة كمان......بعض سيارات فولكس فاجن زى الباسات القديمة و البورا ليهم نفس فتيس الميجان 1 الأتوماتيك
وكان التوكيلين ( توكيل فولكس و توكيل رينو ) بياخدو قطع غيار من بعض لما يكون واحد منهم معندوش قطع غيار |
رد: مميــزات فتيــس الميــجان II الستيب ترونيك +dpo
اقتباس:
أخى أحمد شكرا على المعلومات القيمه جدا واحب اعرفك انى املك حاليا سياره اكساراII موديل 2003 موتور وفتيس ال307 والسى فور ونفس نظم التعليق ايضا . وأنا حاليا بصدد التغيير .......وانا قرارى مش هيخرج عن الميجان او السى فور والفتيس لغاية سنة 2004 الخاص بالأكسارا كان شركة ستروين فعلا بتجيبوا من فولكس وكان المانى بالكامل. وبعد هذا التاريخ تم تصنيع الفتيس وتطويره عن طريق مجموعة PSA المالكه لبيجو وستروين ويوجد عيوب فعلا فى الفتيس الخاص بالبيجو ال307 وال C4 ايضا حاليا تم تدارك هذه الاخطاء (بيقولوا). وذات مرة وانا عند ميكانيكى ستروين كان يعمل فى عز العرب وجدت عنده سياره ميجان 2 موديل 2005 هاتشباك يقوم بعمل صيانه للفالف بادى والحساسات والكلاتشات الخاصه بالفتيس وعند سؤاله عن الميجان قالى الفتيس واحد بتاع الثلاث موديلات (ميجان-307-C4 ) صرح لى ان الفتيس فعلا فى مشكله لكن هو بيعالجها. المهم انا طلبت من توكيل رينو تحديد ميعاد لعمل تست دريف من حوالى شهرين اخدوا رقمى وقالولى هنكلمك ومن ساعتها محدش سأل فيا وذلك للحكم على السيارة من ارض الواقع. السى فور انا قمت يقيادتها اكثر من مره الاوتو والمانيوال وعجبنى تسارع المانيوال مدهش فعلا وحسيت بنتشه فعلا فى الاوتوماتيك منها لكن ابدا ليس (كفتيس الكورولا العجيب) وكان تسارعه جيد جدا ايضا . لكنى لم اتشرف بقيادة الرينو اللى من وجهة نظرى اعظم تصميم لسيارة فى فئتها بلا منازع ولا حتى منافس. واخيرا شكرا لك احمد وشكرا لك ترونكى على المعلومات القيمه |
رد: مميــزات فتيــس الميــجان II الستيب ترونيك +dpo
اقتباس:
|
الساعة الآن 11:56 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017