مانوال ام اتوماتيك ....ما تدفعش كتير وتركب مانوال .........ليييييييه؟؟؟
 

السلام عليكم

عندي استفسار بسيط

انا شايف قاعده عامه في المنتدي هنا
لما حد يحب يشتري عربيه غاليه كله بيقله حرام تدفع غالي وتركب مانوال هات اوتوماتيك

عايز اسال ايه الميزه يعني او العيب برده

مع ان الاوتوماتيك لو حصل حاجه بسيطه العربيه بتقف خااااالص وتصليحه نااااار خصوصا ان العربيه غاليه خلقه كمان الصنايعيه ملهمش فيه قوي او مش منتشرين زي المانوال


كمان متعة القيادة في المانوال افضل ومحدش يقول استب ترونيك لانه اوتو برده
وليه الواحد لو حيشتري غالي يجيب اوتوماتيك ايه الميزه يعني وليه اغلي بحوالي 10 الي 20 الف في نفس السياره

انا عن نفسي افضل المانوال حتي لو بي ام الفئه السابعه

انا نفسي من زمان وحلمي اشتري عربيه سكودا فانتازيا ولو ربنا وفقني حشتريها فل بس مانوال

حيكون ايه الضرر من المانوال فيها وليه حتقل من برستيجها.......وايه الميزه الكاسحه اللي حتعود عليا من الاوتوماتيك فيها


:01FDAB~189:

رد: مانوال ام اتوماتيك ....ما تدفعش كتير وتركب مانوال .........ليييييييه؟؟؟
 

انا معاك بس الناس دلوقتى بتدور على الاسهل
محدش عايز يتعب نفسه:funny25:

رد: مانوال ام اتوماتيك ....ما تدفعش كتير وتركب مانوال .........ليييييييه؟؟؟
 

انا كنت بقول زيك كده لحد ما جبت اوتوماتيك

ونويت مش هرجع للمانيوال تاني

وبالنسبة للأعطال سواء مانيوال أو أوتوماتيك:

هين العربية تهينك, صون العربية تصونك

رد: مانوال ام اتوماتيك ....ما تدفعش كتير وتركب مانوال .........ليييييييه؟؟؟
 

اضم صوتى لصوتك فعلا المانيوال بالنسبة لى افضل
لكن الناس بتشتكى ان كل الشوارع بقت زحمة والمانيوال متعب شوية فى الزحمة

رد: مانوال ام اتوماتيك ....ما تدفعش كتير وتركب مانوال .........ليييييييه؟؟؟
 

ببساطة طبعا لان الاوتوماتيك مريح اكتر فى السواقة فالافضلية بتكون للعربيات الاوتوماتيك
اما بالنسبة للعربية غالية او رخيصة فالعربيات الغالية دى بتكون ماركات عالية وطبعا التقفيل انضف فبالتالى الفتيس الاوتوماتيك بيكون مشاكله قليلة زى المانول بالظبت عشان كدة الناس بتفضل الاوتوماتيك فى العربيات الغالية لانه اسهل فى القيادة اما بالنسبة للعربيات الرخيصة طبعا الجودة بتكون اقل و الفتيس الاوتوماتيك بتكون مشاكله كتير علشان كدة الناس بتفضل توفر فلوسها وتشترى المانوال
صحيح برده ان المانوال فى العربيات الغالية بيكون مريح ومش هتشتكى منه لكن برده الاوتوماتيك بيكون مريح اكتر وفى النهاية دى اذواق .

رد: مانوال ام اتوماتيك ....ما تدفعش كتير وتركب مانوال .........ليييييييه؟؟؟
 

خلينا نتكلم من الاول الاتوماتيك كااختراع سبق المانيوال فهو بالتالى اضافة على المانيوال بلا ادنى شك

وحاجتك وطبيعتها هى الاساس يعنى انت لو بتسوق كل يوم 30 كم رايح من البيت للشغل وزيهم راجع فى طريق واقف اخركم فيه التانى يبقى المانيوال عذاب بكل المقاييس لانك كل شوية حتجيب اول وتانى وتمور وهكذا

وبالنسبة لجزئية الجرى والحرق لما ينزل فتيس اتماتيك 6 نقلات وان شاء الله بنزل كمان عدد نقلات اكبر فى المستقبل بتديك شعو قريب جدا للمانيوال

وفى الاخر طبيعة حاجتك للعربية ايه هى اللى بتفرق

رد: مانوال ام اتوماتيك ....ما تدفعش كتير وتركب مانوال .........ليييييييه؟؟؟
 

:fun_36_1_39[1]::fun_36_1_39[1]:
الاتوماتيك هو الجواد الرابح
اذا احسن استخدامة
:w6w200504111340266d:w6w2 00504111340266d