موضوع للمناقشة لانسر شارك 2012
بجد يا جماعة انا كنت مبهور بالموديل الجديد بس لما سألت كويس و كلمت ناس ف التوكيل عرفت انه محبط جدا جدا جدا
العربية شالو منها الزينون اللى كان فى الهاى لاين 2011 ده غير ان سعر الهاى لاين فعلا مبالغ فيه لان كماليات العربية قليلة اذا قورنت بالكورى اللى زى الكروز او الكارينز و السيراتو تخيلو عربية يابانى محترمة و ليها اسم ف السوق موديل 2012 ولا فيها بلوتوث ولا زينون ولا حساسات الرجوع للخلف وفتيس اتوماتيك 4 سرعات بس!!!! من غير حتى خاصية النقل اليدوى انا حاسس فعلا انها موديل 2002 مش 2012 ولا انتو ايه رأيكو بحبك و مقهور منك يا لانسر |
رد: موضوع للمناقشة لانسر شارك 2012
يعنى 163000 فى عربية فقيرة الكماليات !!!!! شئ غريب
|
رد: موضوع للمناقشة لانسر شارك 2012
كل الاسعار في مصر فيها حاجة غلط استخفاف بعقولنا
|
رد: موضوع للمناقشة لانسر شارك 2012
بص حضرتك لو قدام السعر ده تحس فعلا ان العربية فيها كماليات تستاهلها اوك مفيش مشاكل لان ده سوق و عرض و طلب فاهمنى انا النقطة اللى بتكلم فيها بقى الاستهبال اللى هما فيه ده الكورى سبقهم بمرااااااااحل و عربية زى الشارك مبيعاتها فى مصر مكانتش كويسة بالمرة المفروض انهم يعلو كمالياتها شوية لان اغلب اللى راكبين العربية دى شباب و انت عارف الشعب المصرى جعان اه بس بتاع منظره برضه ههههههههههه
|
رد: موضوع للمناقشة لانسر شارك 2012
بس الحقيقه انها عربيه هايله و ما فيش حد فى مصر فاهمها غير ناس قليلين و الخامات الى فيها معمره و عاليه غير خامات الكورى ده غير الامان
|
رد: موضوع للمناقشة لانسر شارك 2012
الشارك محترمه جدا بس اللي ساقها يقدر يفهم احنا بنتكلم عن ايه
بس انا لو هدفع 160 الف كاش ادفعهم فى اسكودا لو هدفع 120 لحد 130 اجيب النترا وانا عملت كده (ههههه) لو هدفع 130 لحد 140 رينو فلوانس امان ورفاهية ربنا يوفقك |
رد: موضوع للمناقشة لانسر شارك 2012
حسبيي الله ونعم الوكيل في كل التويكلات اللي مبتراعيش ربنا علي فكره التوكيل هو اللي طلبها كدة |
الساعة الآن 04:47 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017