دخنه من الشكمان مع رائحة بنزين غير محترق
السلام عليكم
عندي ليبرتي 2003 وفي عندي كام مشكله في السيارة الاولي في دخنة من الشكمان مع رائحة بنزين غير مكتمل الاحتراق الثانية لما بشغل المكيف بلاقي مياه اسفل الكرسي الي بجانب السائق الثالثة لما بكون ماشي بالسيارة علي سرعه وبعدين اهدي السرعه ولما ارجع اسرع تاني بيحصل دفعه في العربية هل ده سببه كراسي الماكينة |
رد: دخنه من الشكمان مع رائحة بنزين غير محترق
المفروض تروح عند حد يكشفلك على العربيه وانا كل الى مستغربله المياه الى بجانب كرسى السائق بتاعت التكييف واستنى ممكن حد يساعدك من المنتدى هنا |
رد: دخنه من الشكمان مع رائحة بنزين غير محترق
اقتباس:
رائحة البنزين و الدخنة من الشكمان ممكن يكون ليها اكتر من سبب .... الحقن مش مظبوط .. الصبابات مش حاكمة .. و اسباب تانية كتير ... لازم يتكشف على العربية المية الى من التكييف .. دى فى الغالب مياه التكثيف.... ممكن يكون خرطوم الفايز مسدود .. حضرتك ممكن تسلكه و تلاحظ اخبار تسريب المياه ايه التنتيشة لاى فا العربية دى ليها برضوا اشباب كتير .... منها صلايب الكردان .... بوش فى الكارونة .. ( الحاجات دى حصلتلى فعلا ) .. و الاول حضرتك تكشف على قواعد الموتور و الفتيس |
رد: دخنه من الشكمان مع رائحة بنزين غير محترق
الدخان لونه ايه ؟
لو اسود يبقى مبدئيا تشك فى فلتر الهوا هل فى لمبة تحذيرية منورة فى التابلوه ؟ فعلا ميه التكييف بسبب سدد فى خرطوم الفايظ هى العربية مانيوال و لا اتوماتيك ؟ |
رد: دخنه من الشكمان مع رائحة بنزين غير محترق
اعتقد المشكلة الاولى سببها حساس الاكسجين
المشكلة الثانية زى ما الاخوة الكرام قالو سدد فى صرف مياة التكثيف المشكلة الثالثة ليها اكتر من سبب لكن العربيو اوتو ولا مانيوال |
رد: دخنه من الشكمان مع رائحة بنزين غير محترق
اولا كشف كمبيوتر والكشف علي القواعد الخاصة بالمحرك والفتيس
الدخنة لسها اسباب كتيرة اولها حساس درجة حرارة الميه والله اعلي اعلم |
الساعة الآن 12:46 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017